Besaran
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Besaran utawi besar, uga diarani murbéi lan arbéi, kalebu tuwuhan kang bisa dimanfaataké woh lan godhongé.[1] Nanging lumrahé godhongé luwih wigati tinimbang wohé.[1] Godhong besaran lumrahé kanggo pakan uler sutera.[1] Déné uler sutera iki kena kanggo indhustri tékstil.[1] Uler sutera bisa ngasilaké benang kepompong kang bisa diolah dadi kain sutera kang larang regané.[1] Woh besaran bisa diolah dadi sari woh kang nduwéni khasiat kanggo kaséhatan lan bisa duwé aji tambah kanggo wong tani besaran.[1]
Saliyané dikenal dadi tuwuhan kang godhongé bisa kanggo pakan uler sutera kanggo indhustri tékstil, besaran uga kena dadi antioksidan kang bisa ngundhakaké kadar kolésterol HDL lan ngurangi kadar kolésterol LDL.[1] Déné kolesterol LDL iki kang nyebabake lelara jantung koronér.[1] Ing Indonésia woh besaran lumrahé dipangan nalika isih seger.[1]
Salah sijiné cara kanggo ngolah woh besaran ya iku kanthi digawé sari woh besaran.[1] Nalika di tés ing tikus, sari woh besaran bisa nurunaké kadar kolésterol LDL lan triglisérida serum darah lan ngundhakaké kadar HDL.[1]
Besaran uga nduwéni khasiat kanggo nambani lelara talasemia.[2] Talasemia ya iku lelara amarga sél darah merah ora bisa mbentuk sèl-sél kang wutuh, lumrahé sèl kang kena talasemia dhapuré kaya wulan sabit.[2] Besaran kanggo obat talasemia lumrahé digawé tèh besaran lan madu royal jelly Jambi.[2]
Besaran nduwéni jeneng latin Fragaria vesca.[3] Tuwuhan iki dikenal mirib stroberi alpin utawa stroberi cilik.[3] Besaran wernané abang utawa putih gumantung variétase.[3]
Nutrisi
[besut | besut sumber]Zat-zat kang ana ing besaran kang bisa migunani kanggo kaséhatan akèh cacahé.[3]
- Saponin ya iku glikosida kang akèh tinemu ing wit-witan
- Favonoida, kalebu senyawa kimia aktif kang diarani uga silimarin saka tuwuhan Silybum marianum L. Zat iki kena kanggo obat lelara ati amarga nduwéni sipat anti hepatotoksik action
- Polifenol kang gunané kanggo antioksidan
- nduwéni sipat antibakteri
- vitamin C
- nduwéni sipat anti oksidan
Miturut Pratélan Komposisi Bahan Makanan (DKBM), saben 100 gram besaran ngandhut akèh nutrisi.[4]
- ènergi cacahé 37 kkal,
- protéin 0,8 gr,
- lemak 0,5 mg,
- karbohidrat 8,3 gr,
- asem folat 30 mcg,
- kalsium 28 mg,
- fosfor 27 mg,
- Fe 0,8 mg,
- vitamin A 60 SI (Ékan Internasional),
- vitamin B1 0,003 mg,
- banyu 89,9 gr.
Khasiat
[besut | besut sumber]Besaran ngandhut akèh vitamin C lan zat-zat kang migunani kanggo kaséhatan, mulané besaran nduwéni akèh khasiat.[3]
- obat sariawan. Kanggo nambani sariawan, woh besaran kang isih seger cacahé kurang luwih 10 gram dikumbah banjur dipangan kaya woh.
- ncegah kanker
- kanggo tamba lara maag, carané digawé jus banjur diombé
- ncegah lelara tifus
- tamba yèn lagi mencret utawa diare
- tamba wudun, carané godhong kang garing digodhog nganti umob banjur dienggo ngekum pérangané awak kang tatu.[5]
- obat lelara kulit, kanthi cara memangan godhhong besaran kang diolah miturut kasenengané.[5]
- ngedhunaké kadar kolesterol[5]
Kajaba iku besaran uga nduwéni khasiat kanggo kecantikan.[6]
Cathetan suku
[besut | besut sumber]- ↑ a b c d e f g h i j k http://www.bic.web.id[pranala mati permanèn](dipunundhuh tanggal 18 Mèi 2011)
- ↑ a b c http://forum.detik.com[pranala mati permanèn](dipunundhuh tanggal 18 Mèi 2011)
- ↑ a b c d e health.detik.com(dipunundhuh tanggal 19 Mèi 2011)
- ↑ gaya-hidup.infogue.com[pranala mati permanèn](dipunundhuh tanggal 19 Mèi 2011)
- ↑ a b c "Godhong lan woh murbei kanggo tamba wudun". Panjebar Semangat. 2019-10-12.
- ↑ suaramedia.com Archived 2010-11-08 at the Wayback Machine.(dipunundhuh tanggal 19 Mèi 2011)