Atlas Coelestis

Saka Wikipédia, bauwarna bébas basa Jawa
Atlas Coelestis
Atlas Coelestis.JPG
Kaca irah-irahan (salinan déning Muséum lan Galeri Seni Derby).
Panganggit John Flamsteed
Pametha James Thornhill
Nagara Flag of Inggris Inggris
Basa Inggris
Subyèk Astronomi
Surya pambabaran
1729

Atlas Coelestis inggih punika satunggaling atlas astronomi ingkang dipun babar nalika pangriptanipun sampun séda ing taun 1729 adhedhasar pangamatan ingkang dipundamel déning Astronomer Royal Kapisan, John Flamsteed.(en) [1]

Atlas - punika ingkang paling ageng ingkang naté dipunandharaken kanggé umum-[2] kadosta 26 péta rasi lintang ingkang ketingal saking Greenwich mawi lukisan kanthi gaya Rokoko dipundamel déning James Thornhill. Ugi nedahaken kalih plenisfer (planisphere) ingkang dipunrancang déning Abraham Sharp.[1]

Sajarah[besut | besut sumber]

Atlas Coelestis déning John Flamsteed (èdisi kaping kalih 1753).

Péta rasi lintang kapisan adhedhasar pangamatan teleskop, Atlas Coelestis dipunbabar sedasa taun sasampunipun sédanipun Flamsteed, déning garwanipun ingkang pikantuk pambiyantu saking Joseph Crosthwait lan Abraham Sharp. Buku punika dipunrumiyini déning karya "Stellarum inerrantium Catalogus Britannicus" (utawi cekakipun "British Catalogue", publikasi ing taun 1725, kanthi 2919 lintang-lintang).[3] Salah satunggaling motivasi Flamsteed anggènipun damel Atlas inggih punika kanggé ngleresakenrepresentasi saking panggambaran rasi lintang ingkang naté dipundamel déning Bayer wonten ing karyanipun "Uranometria" (1603). Bayer nggambaraken pitedahan saking wingking (sanès saking ngajeng kados ingkang dipunkaryakaken saking masa Claudius Ptolemaeus ingkang mbalik panggonan posisi lintang-lintang saéngga dados rancu)[2]

Publikasi punika kalebet kasil, dados rèferènsi standar kanggé para astronom profèsional ngantos kirang langkung setunggal abad. Ananging tigang prakawis ingkang adamel awrat inggih punika : reginipun ingkang awis sanget, ukuran ingkang ageng sanget saéngga radi èwet menawi dipuncepeng, lan kuwalitas artistik ingkang andhap (kathah panyaruwé dhateng gambar ingkang dipundamel déning James Thornhill, mliginipun ing panggambaran kAquarius).[3] Perangan punika lajeng damel Dr. John Bevis nyobi kanggé ningkataken Atlas. Ing taun 1745 piyambakipun damel "Uranographia Britannica" ingkang ukuranipun langkung alit, lajeng mawi pangamatan énggal lan gambar-gambar ingkang langkung artistik. Ananging, atlas punika boten naté dipunpublikasiaken kanthi resmi sapunika lan namung wonten 16 salinan.[4]

Atlas Fortin-Flamsteed[besut | besut sumber]

Pungkasan, éwah-éwahan posisi lintang (ingkang pangamatan aslinipun dipunlampahi ing taun 1690-an) ngarah wonten pembaharuan ingkang dipundamel taun 1770-an déning insinyur bangsa Perancis Nicolas Fortin dipunawasi déning astronom Le Monnier lan Messier saking Akademi Ilmu Pengetahuan Perancis (Académie des sciences) ing Paris.[3] Versi ingkang énggal dipunparingi nama Atlas Fortin-Flamsteed, mawi ukuran 1/3 saking ukuran aslinipun, ananging tetep mawi struktur tabel ingkang sami. Ugi mawi artistik kanggé sapérangan ilusrasi (kathahipun Andromeda, Virgo, lan Akuarius).[3] Nama-nama rasi lintang punika ing Basa Perancis (sanes Latin) lan kalebet sapérangan nebula ingkang dipunpanggihaken bibar sédanipun Flamsteed.[3] Taun 1795 dipunpublikasiaken vèrsi ingkang dipunperbaharui déning Mechain lan Lalande mawi rasi-rasi lintang énggal ugi kathah nebula.[3]

Cathetan suku[besut | besut sumber]

  1. ^ a b Davide Neri. "John Flamsteed, Atlas coelestis". 
  2. ^ a b (en) Linda Hall Library (ed.). "Flamsteed, John. Atlas coelestis. London, 1729.". 
  3. ^ a b c d e f (en) Giangi Caglieris (2002). "On-line Flamsteed - Fortin Atlas Celeste - 1776". 
  4. ^ (en) Michael Oates (2007-02-17). "Atlas Celeste". 

Pranala njawi[besut | besut sumber]

Logo Wikimedia Commons
Pirsani galeri bab Atlas Coelestis ing Wikimedia Commons.
Sumber artikel punika saking kaca situs web: "https://jv.wikipedia.org/w/index.php?title=Atlas_Coelestis&oldid=988982"