Benjamin Vulliamy

Saka Wikipédia Jawa, bauwarna bébas abasa Jawa
Benjamin Vulliamy
Lair 1747
London, Inggris
Pati 1811
Pakaryan Damel jam
Bojo Mary Gray Vulliamy
Anak Benjamin Lewis Vulliamy
Jam damelanipun Vulliamy dipungabung ing porselen, sapunika wonten ing Muséum lan Galeri Seni Derby

Benjamin Vulliamy (1747-1811), inggih punika salah satunggaling tiyang ingkang damel jam mligipun jam bandhul ingkang wonten ing antawisipun taun 1780 lan 1884 punika minangka pengatur wekdal resmi ing London.[1]

Biografi[besut | besut sumber]

Benjamin punika putra saking Justin Vulliamy, satunggaling tiyang ingkang damel ingkang asalipun saking Swiss. Lajeng pindhah dhateng London sekitar taun 1730. Justin dados kekancan kalihan Benjamin Gray, tiyang ingkang damel jam lan mapan wonten ing Pall Mall lajeng krama kalihan putrinipun, Mary.[1] Justin nggantos bapak mertua anggènipun usaha damel jam saking 1780, larenipun Benjamin mlebet ing kerjasama (Vulliamy & Son). Bapak lan anak lajeng nyambut damel sesarengan dumugi sédanipun Justin, nalika tanggal 1 Desember 1797.[2]

Saking enèm Vulliamy nedahaken remenipun marang pakaryan bapakipun. Nalika sampun diwasa piyambakipun wiwit pikantuk reputasi minangka ingkang damel jam mantel, pitedah wekdal dekoratif ingkang ngriasi griyanipun para bangsawan (sapunika sapérangan wonten ing Muséum lan Galeri Seni Derby).[3] Bakaipun pikantuk Royal Appointment (kados garansi kuwalitas saking kerajaan) ing taun 1773. Kanthi punika piyambakipun pikantuk dhana £150 saben taun minangka Tukang Damel Jam Raja saking George III (wonten miripipun kalihan Tukang damel Jam Kerajaan ingkang lajeng dipuntangani déning George Lindsay). Raja ingkang ketarik sanget kalihan jam lan barang-barang mekanis sanèsipun punika ingkang ndukung Justin Vulliamy, ananging namung Benjamin ingkang nampi penghargaan kasebutt.[4]

Sekitar taun 1780, Vulliamy dipunparingi tugas kanggé damel Jam Pengatur, minangka jam standar utami saking Observatorium Kew ingkang ginanipun minangka Meridian Utama lan gadhah tanggel jawab dhumateng wekdal resmi London dumugi taun 1884. Greenwich nggantos kalih pérangan kasebut.[1] Ing taun 1789 Benjamin Lewis Vulliamy wiyos. Piyambakipun punika keturunan Vulliamy ingkang pungkasan ingkang gadhah ancas kanggé damel usaha damel jam kulawarga. Boten wonten keturunan malih ingkang nglajengakeng pakaryan kasebut sanajan larénipun Lewis punika arsitèk ingkang kondhang.

Jam Vulliamy[besut | besut sumber]

Jam damelan Vulliamy inggil nilainipun lan dados wakil puncak tèknologi kala punika. Satunggaling jam Vulliamy ugi dados bebungah dhateng kekaisaran China nalika wonten ing misi diplomatik ingkang dipunlampahi déning George Macartney tumuju Beijing taun 1793.[5] Jam Vulliamy dipungabung kalihan karya porselen kuwalitas inggil kanggé ngasilaken bebungah ingkang nggabungaken kawruh kalihan seni. Sedaya rancangan dipundamel déning Vulliamy ananging piyambakipun maringi pakaryan pematung ingkang naté menangaken lomba kados John Deare[6] Kangge damel karya ingkang dipunpengaruhi rancangan kontèmporèr Perancis. Kulawarga Vulliamy ngagem perusahaan Royal Crown Derby kangge damel rancangan patung porselènipun.[6]

Cathetan suku[besut | besut sumber]

  1. ^ a b c (en) Arcadian Times (ed.). "Kew Time". 
  2. ^ (en) Montpellier Clock (ed.). "Vulliamy, London. No. 220". 
  3. ^ (en) Antique-Marks (ed.). "The astronomy clock by Benjamin Vullliamy". 
  4. ^ (en) Derby City Council, ed. (2009). "Vulliamy Mantle Clock". 
  5. ^ (en) William Proudfoot, Biographical Memoir of James Dinwiddie: Embracing Some Account of His Travels in China and Residence in India (Liverpool: Edward Howell, 1868), 45.
  6. ^ a b (en) Royal Crown Derby Gallery, Antique Marks.com.

Pranala njawi[besut | besut sumber]