Henry Lark Pratt
Henry Lark Pratt (lair ing Derby, 16 Fèbruari 1805 – pati ing Stoke on Trent, 3 Maret 1873 ing umur 68 taun) inggih punika satunggaling pelukis Inggris ingkang kelatih saking indhustri porselèn.
Biografi
[besut | besut sumber]Prat wiyos wonten ing paroki St Peters ing Derby nalika tanggal 16 Fèbruari 1805 lan magang ing sesadéan porselen ing Pabrik Derby nalika umuripun kirang langkung taksih 1 taun. Pratt ngrampungaken masa magangipun nalika taun 1824. Piyambakipun mapan wonten ing Derby dumugi taun 1830. Bibar punika piyambakipun nyambut damel wonten ing Mintons saking taun 1831 dumugi November 1836 minangka pelukis. Enem wulan sadèrèngipun nilaraken Mintons piyambakipun krama kaliyan Margaret Windsor saking Stoke on Trent. Henry lan Margaret kagunan laré nalika taun 1837 lan gangsal laré kapisan wiyos wonten ing Stoke. Setunggal putranipun wiyos ing taun 1839 lan dipunparingi nama sami kaliyan bapakipun lan ugi dados seniman.[1]
Ing taun 1841 Pratt nyebataken profesinipun minangka seniman ing sensus lan ing taun 1844 wiwit ketarik kaliyan lukisan cèt lenga. Lajeng piyambakipun dipunparingi pakaryan damel skétsa balai baron ing kanti-kanti paling caket. Piyambakipun remen nalika nglukis lan ketarik wonten ing sesawangan mliginipun lembah Dovedale ing Derbyshire ugi watesing Staffordshire. Ingkang dados panutan seninipun kalebet Adipati saking Devonshire lan Ratu Victoria ingkang paring layanan dhahar dalu kanthi sesawangan saking Kastil Windsor ingkang dipunlukis déning Pratt.[1]
Henry Lark Pratt pindhah malih dhateng Derby ing taun 1851 nalika taksih gesang saking seninipun lan saged nguripi garwa sarta sangang larénipun. Taun 1861 Henry Lark Pratt nyebat piyambakipun minangka "Pelukis sesawangan wonten ing Porselen."[2] Henry Lark Pratt tilar donya nalika tanggal 3 Maret 1873 wonten ing Stoke on Trent. Putra Pratt, Henry Lark Pratt nggantos namanipun dados Hinton supados nyingkiri kabingungan nama kaliyan bapakipun nanging namung paring prabawa alit dhateng lukisan-lukisan ingkang mawi tapak asma “H.L.Pratt”.[1] Pratt (yunior) ngawontenaken paméran lukisan ing Royal Academy taun 1867 lan enem taun salajengipun lukisanipun dipuntampi déning Society of British Artists. Piyambakipun tilar donya ing taun 1875 kanthi yuswa 36 taun.
Karya
[besut | besut sumber]Henry Lark Pratt gadhah karya sapérangan lukisan [3] ing gladri seni kutha[4] kados lukisan-lukisan ing gladri Newcastle under Lyme.[5]
Cathetan suku
[besut | besut sumber] |
Wikimedia Commons duwé médhia ngenani Henry Lark Pratt. |
- ↑ a b c Mancip, David (2004). Artists & Craftsmen of the 19th century Derby China Factory. Landmark Publishing. ISBN 1 84306 139 2.
- ↑ 'Henry Lark Pratt', Mapping the Practice and Profession of Sculpture in Britain and Ireland 1851-1951, University of Glasgow History of Art and HATII, online database 2011 [1] Archived 2012-03-20 at the Wayback Machine.
- ↑ Allard, Sarah; Nicola Rippon (2003). Goodey's Derby. Breedon Books. kc. 157. ISBN 1 85983 379 9.
- ↑ Derbyshire Artists Derbyshire UK
- ↑ Paintings from Newcastle Museum, BBC.