George Sorocold

Saka Wikipédia Jawa, bauwarna mardika basa Jawa

George Sorocold (miturut prakiraan wiyos ing taun 1668 – prakiraan tilar donya ing taun 1738) punika satunggaling insinyur wonten Derby, Inggris nalika abad kaping 18.

Biografi[besut | besut sumber]

Kincir toya Sorocold ing Lepen Thames

George Sorocold wiyos wonten ing Derby kirang langkung ing taun 1668, putra saking James Sorocold ingkang pindhah saking Lancashire. Piyambakipun krama kaliyan Mary, putri saking Henry Franceys nalika tanggal 7 Dhésèmber 1684; dumugi taun 1702 gadhah tigawelas laré, déné ingkang wolu punika tetep gesang.[1] Anatwisipun taun 1685 dumugi 1687 Sorocold ndhèrèk ing nyiapaken toya kanggé Macclesfield lan taun 1687 piyambakipun pikantuk pakaryan kanggé masang malih loncèng-loncèng ing All Saints Church ingkang sapunika kanthi nama Katedral Derby.

Wonten ing taun 1692 George Sorocold yasa distribusi toya kapisan ing kutha. Kanthi ngginakaken kincir toya kanggé mompa toya dhateng pipa sedawaning 4 mil ngginakaken kayu saking wit elm. Kanggé pakaryan punika piyambakipun ndamel mesin bor ingkang salajengipun piyambakipun damel patèn. Distribusi toya punika mlampah dumugi satus taun lan George Sorocold nglampahi sapérangan pakaryan ingkang sami ing pinten-pinten laladan, kados ta ing Bridgnorth, Bristol, Deal, King's Lynn, Leeds, Newcastle upon Tyne, Norwich, Portsmouth, Sheffield, lan Great Yarmouth. Ing London George Sorocold yasa Marchants Water Works ngrombak London Bridge Water Works lan ningkataken saluran New River. Ing antawisi patemonipun kalebet pompa ingkang makarya mawi kincir toya ingkang minggah lan mandhap dhedhasar inggilipun arus toya. satunggaling patèn ugi dipunparingaken dhateng kanca kerjanipun, John Hadley ing taun 1693. Taun 1695 lan 1699 George Sorocold damel rencana kanggé navigasi Lèpèn Derwent sanajan pungkasan boten dipun-ginakaken. Piyambakipun ugi ndhèrèk pangembangan lèpèn-lèpèn Lea, Aire lan Cam.

Pamintalan Sutra Derby sadèrèngipun taun 1910, nalika George Sorocold ndhèrèk ing pambangunan sistem kincir toyanipun kanggé nglakokaken mesin-mesin pamintalan

George Sorocold yasa pamintalan sutra kapisan wonten Derby awit saking préntah Thomas Cotchett ingkang nyambut damel kaliyan pamintal sutra saking Spitalfields ing London lan rumaod saénipun ngginakaken tenaga toya wonten ing prosès pamintalan. Piyambakipun nyalin modhèl mesin-mesin ingkang dipun-ginakaken déning penggilingan masarakat Walanda. Prakiraan amargi boten langkung saé tinimbang damelanipun masarakat Italia utawi amargi sanèsipun pakaryan punika boten kasil.[2] Ide punika dipunlajengaken déning John Lombe kaliyan kakangipun Thomas, ugi ndhèrèkaken Sorocold kanggé yasa pamintalan ingkang langkung ageng lan énggal dhedhasar rancangan Italia wonten ing sisihipun pamintalan lawas lan rampung ing taun 1722. kanggé Sorocold, ingkang saderengipun nggarap pompa-pompa lan kincir toya pakaryan punika dados tantangan. Mesin pabrik ingkang rampung punika 10.000 kumparan (gelondongan mawi 25.000 kincir panggulung muter, dumugi 5.000 roda gigi, langkung saking 9.000 sabuk panggulung lan 46.000 pangiket gulungan. Sedaya dipunobahaken saking satunggal kincir toya. Pamintalan Lombe dipunyasa malih bibar kobongan ing taun 1910, sapunika dados Musiyum Industri Derby

Cathetan suku[besut | besut sumber]

  1. K. R. Fairclough, 'Sorocold, George (c. 1668–1738?)’, Oxford Dictionary of National Biography, Oxford University Press, 2004 http://www.oxforddnb.com/view/article/47971
  2. Cooper, B., (1983) Transformation of a Valley: The Derbyshire Derwent Heinemann, ISBN 978-0-435-32973-0 Google Books Republished 1991 Cromford: Scarthin Books
  • Ward, Robert London's New River London, Historical Publications (2003) ISBN 978-0-948667-84-8
  • A. W. Skempton: A biographical dictionary of civil engineers in Great Britain and Ireland, s. 642-644. Thomas Telford, 2002. ISBN 978072772939

Pranala njawi[besut | besut sumber]