John Farey

Saka Wikipédia Jawa, bauwarna mardika basa Jawa
John Farey, Sr.
Siluet John Farey ing Musiyum lan Gladri Seni Derby karya réncangipun White Watson kaliyan Kode QR ingkang mbeta marang artikel punika
LairJohn Farey
1766
Woburn, Bedfordshire
Pati6 Januari 1826
London
PadununganLondon
PakaryanGeolog, ahli matematika
BojoSophia Hubert
AnakJohn Farey, Jr. lan 8 sanèsipun (2 séda nalika taksih bayi)

John Farey, Sr. (1766 – 6 Januari 1826) inggih punika satunggaling geolog lan panyerat. Nanging John Farey langkung kawéntar kaliyan dèrèt wilangan Farey ingkang dipunsebat saking namanipun.

Biografi[besut | besut sumber]

John Farey wiyos wonten ing Woburn, Bedfordshire lan pikantuk ing Halifax, Yorkshire, nedahaken remenipun marang matematika, nglukis lan ngawontenaken panalitèn ing sangandhaping bimbingan saking John Smeaton (1724-1792). Bibar ngrampungaken pendidikanipun lajeng pindhah dhateng London, papan piyambakipun gadhah kulawarga lan lajeng nyambut damel ing London. Kala punika piyambakipun kepanggih kaliyan calon garwanipun lan mantèn kaliyan Sophia Hubert (1770-1830). Nalika wonten ing London lajeng pikantuk anak kapisan John Farey, Jr. lajeng pikantuk 8 laré malih, kalih ing antawisipun séda nalika taksih bayi.

Woburn lan London[besut | besut sumber]

Taun 1792 John Farey dipuntunjuk dados agen saking Francis Rusell, Adipati kaping 5 Bedford kanggé griya-griya wonten ing Woburn. Bibar sédanipun adipati, Farey pindhah dhateng London ing taun 1802. Bibar mikiraken kanggé pindhah piyambakipun mendhet peternakan wonten ing désa. John Farey mapan wonten ing ngriku lajeng dados konsultan panaliti lan geolog. Piyambakipun saged mendhet langkah mau amargi hubunganipun kaliyan William Smith ingkang nalika taun 1801 sampun dipunpakaryakaken déning adipati Bedford ing pakaryan irigasi lan ingkang wonten gegayutanipun kaliyan toya sanèsipun. Ing taun 1805 piyambakipun nggantos Arthur Young minangka Sekretaris Smithfield Club. Pakaryan panalitènipun mbeta piyambakipun muteri nagari lan kathah kasuwun déning para ingkang gadhah lahan supados ningkataken asil guna lahan ugi propertinipun utawi ngedhuk mineral ingkang wonten ing jeronipun. Pakaryan wonten ing géologi ékonomi dados pérangan ingkang wigati ing Revolusi Industri kanthi pikantuk papan sumber batubara lan manéka bijih logam.

Panyerat[besut | besut sumber]

Farey punika satunggaling panyerat ingkang produktif lan Profesor Hugh Torrens sampun nelusur kirang langkung 270 makalah damelanipun John Farey. Gunggung ingkang wonten ingCatalogue of Scientific Papers saking Royal Society punika ping sekawan. Piyambakipun nyerat kathah pérangan wiwit saking hortikultura, géologi, meteorologi, metrologi, desimalisasi mata uang, musik lan matematika dumugi paham anti perang. Piyambakipun punika kontributor wigati Ensiklopedia Rees kanthi artikel-artikel babagan kanal, mineraloi, panalitèn lan sapérangan dhasar ilmiah ugi matematis babagan swara. Manéka sumber biografi abad kaping 19, kalebet Kamus Biografi Nasional ingkang kadadosan salah pengakuan ing artikel babagan Uap ing ensiklopedia Rees. Sejatosipun punika dipunserat déning larenipun John Farey, Junior. Taun 1809 Farey kepanggih William Martin ingkang damel publikasi karya babagan fosil Derbyshire, kanggé ngetes menapa saged damel peta géologi Derbyshire kanthi sesarengan.

Karya Farey ingkang paling kondhang punika Pandangan Umum Tetanèn lan Pertambangan Derbyshire (General View of the Agriculture and Minerals of Derbyshire) (3 jilid taun 1811-1817) kanggé Dewan Pertanian. Wonten ing jilid kapisan (1811) piyambakipun paring informasi pérangan nginggil lapisan géologi Britania lan ugi ngandharaken kandhutan Karbon lan lapisan sanèsipun saking Derbyshire. Wonten ing karya limrahipun ingkang dipublikasikan ing Philosophical Magazine, vol. 51, 1818, hal. 173, ing 'pernyataan Klaim Géologi Smith', piyambakipun nyerat kanggé narik kawigatosan wigatinipun penemuan William Smith.

Dèrèt wilangan Farey[besut | besut sumber]

Kajawi dipunéling déning para ahli saarah géologi, namanipun ugi kathah dipuntepangi kaliyan dèrèt wilangan Farey ingkang piyambakipun serat minangka wujud remenipun marang matematika swara.[1]

Cathetan suku[besut | besut sumber]

  1. Philosophical Magazine, vol. 47, 1816, hal 385-6
  • John Farey, A General View of the Agriculture and Minerals of Derbyshire, Volume 1. With Introduction by Trevor D. Ford and Hugh S. Torrens. (Peak District Mines Historical Society, 1989. Reprint of 1811 Edition). The introduction contains a list of Farey's writings located to the date of the reprint.
  • A.P. Woolrich, 'John Farey, Jr. (1791-1851): Engineer and Polymath' in History of Technology, 19, 1997, pp 111–142. (ISBN 0-7201-2365-8) (Includes a brief family history and a family tree)
  • Trevor D. Ford; Hugh S. Torrens (2001). "A Farey Story: the pioneer géologist John Farey (1766-1826)". Geology Today. 17 (2): 59–68. doi:10.1046/j.1365-2451.2001.00004.x.{{cite journal}}: CS1 maint: multiple names: authors list (link)