John Whitehurst

Saka Wikipédia Jawa, bauwarna bébas abasa Jawa
John Whitehurst
Whitehurst John by Wright of Derby.jpg
John Whitehurst dipunlukis déning Joseph Wright
Lair 10 April 1713
Congleton
Pati 18 Februari 1788
Padunungan Cheshire
Bangsa Cithakan:BRI
Pakaryan tukang damel jam, ilmuwan
Kondhang awit ahli géologi
Bojo Elizabeth Gretton
Anak boten wonten

John Whitehurst FRS (lair ing Congleton, Cheshire, Inggris, 10 April 1713 – pati di Inggris, 18 Fèbruari 1788 ing yuswa 74 taun), saking Cheshire, Inggris punika satunggaling tiyang ingkang damel jam lan ilmuwan. Piyambakipun ugi maringi kontribusi ing ngèlmu géologi lan ugi dados anggota ingkang gadhah prabawa ing Lunar Society.

Pagesangan[besut | besut sumber]

Whitehurst wiyos wonten ing Congleton, Cheshire. Ing masa tuanipun dados ingkang damel jam. Piyambakipun namung nampi sekedhik pendidikan formal. Whitehurst enèm dipunwulang damel jam déning bapakipun ingkang ugi ndorong larénipun supados tansah ngangsu kawruh. Nalika umur 21 taun, piyambakipun sowan ing Dublin kanggé mirsani pedamelan jam ingkang èwet. Ing taun 1722 piyambakipun manggihaken "mesin pulsasi", satunggaling piranti kanggé mompa toya ingkang dados cikal bakalipun hydram.[1]

Ing taun 1736 Whitehurst miwiti usaha piyambak ing Derby. Lajeng piyambakipun pikantuk kathah pakaryan ingkang mbédakaken piyambakipun kalihan sanès anggènipun damel piranti mekanik ingkang bènten. Benten kalihan pakaryan sanèsipun Whitehurst damel jam kanggé Balai kutha lan piyambakipun pikantuk "burgess" tanggal 6 September 1737. Whitehurst ugi damel termometer, barometer, lan sapérangan piranti ngelmu pengetahuan sanèsipun. Kejawi punika Whitehurst ugi ketarik ngrancang piranti ingkang wonten gegayutanipun kalihan toya. Ing sapérangan pakaryan khusus ing Derbyshire, kathahipun Whitehurst dados konsultan, mliginipun pakaryan ingkang mbetahaken keahlian babagan mekanika, pneumatik, lan hidraulik.

Taun 1774, Whitehurst pikantuk posisi ing Royal Mint, London. Taun 1775, nalika proses damel pengaman ingkang langkung saé kanggé arta koin emas, piyambakipun dipuntunjuk kanggé damel mesin cethak arta awit saking rekomendasi Adipati Newcastle.[2] Whitehurst pindhah dhateng London kanggé ngangsu kawruh kanthi griyanipun wonten ing Colt Court, Fleet Street (sadèrèngipun dados griyanipun James Ferguson) ingkang kathah ilmuwan-ilmuwan kondhang ingkang dugi. Taun 1778 Whitehurst ngandharaken teori babagan strata géologi ing Satunggaling Panalitèn Kanthi Wujud Asli lan Formasi Bumi (An Inquiry into the Original State and Formation of the Earth). Rencana wiwitan kanggé pakaryan punika ingkang sampun kalampahan saking nalika piyambakipun mapan wonten ing Derby inggih punika kanggé nyiapaken pepanggihan mineral berharga ing ngandhaping permukaan Bumi.

13 Mei 1779 Whitehurst dipunangkat dados anggota Royal Society lajeng ing taun 1783 piyambakipun kesah kanggé nyinauni Giant's Causeway lan turahan gunungan api ing lor Irlandia. Lajeng pangamatanipun dipunlebetaken ing edisi kaping 2 karyanipun Inquiry. Ing taun 1784 piyambakipun kasuwun damel sistem penghawaan Rumah Sakit St. Thomas. Taun 1787 piyambakipun ngandharaken An Attempt towards obtaining invariable Measures of Length, Capacity, and Weight, from the Mensuration of Time (London). Kawiwitan mawi asumsi bilih posisi detik ing garis bujur London punika 39,2", Whitehurst mbagi bilih gunggung osilasi 42 kali semenit punika 80", utawi 1' 20". Jarakipun pas 5'. Whitehurst manggihaken saking pacoban bilih bèntenipun punika namung 59,892" saking dawa pendulum osilasi sepisan per detik punika 39,125". Piyambakipun ngetang saking data dawa pendulum, jarak ayunan, lan maneka faktor saking gravitasi lan wujud permukaan bumi ingkang perlu dipunetang (kaitan pendulum jam lan posisi koordinat bumi).

9 Januari 1745 Whitehurst krama kalihan Elizabeth Gretton, putri saking George Gretton, rektor saking Trusley lan Dalbury ing Derbyshire. Bibar Whitehurst tilar donya ing taun 1788 wonten griyanipun ing Bolt Court, Fleet Street, Whitehurst dipunmakamaken ing sisihing garwanipun ing St. Andrew's ing pemakaman Gray's Inn Koad. Whitehurst punika boten gadhah keturunan.

Cathetan suku[besut | besut sumber]

  1. ^ (en) Pirsani Whitehurst, John (1775). "Account of a Machine for Raising Water, Executed at Oulton, in Cheshire, in 1772". Philosophical Transactions (1683-1775) 65: 277–279. doi:10.1098/rstl.1775.0026. JSTOR 106195?. 
  2. ^ (en) "Industrial Revolution: A Documentary History". 


Pranala njawi[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=John_Whitehurst&oldid=1081393"