Samuel Rayner
| Samuel Rayner | |
|---|---|
 | |
| Bangsa | .svg){kind=small} Britania Raya |
| Kondhang ing | pelukis |
Samuel Rayner (15 April 1806 - 1879) inggih punika satunggaling seniman pelukis sesawangan Inggris ingkang kondhang saking lukisan yasan, interior kalebet biara-biara, gréja-gréja lan gedung-gedung tuwa.[1] Samuel Rayner pikantuk kapitayan kanthi dipuntampi kanggé pamèran wonten ing Royal Academy nalika piyambakipun taksih umur 15 taun. Garwanipun Ann Rayner punika satunggaling pemahat ing Marmer Ireng Ashford lan enem larénipun dados seniman ingkang profèsional
Biografi
[besut | besut sumber]Samuel Rayner wiyos taun 1806 wonten ing Colnbrook, Buckinghamshire (sapunika Berkshire). Lajeng kularganipun pindhah dhateng Marylebone ing London lajeng piyambakipun dipungladhi déning simbah kakungipun. Nalika piyambakipun umur 15 taun, Samuel Rayner dipungladhi minangka tukang gambar déning kolèktor barang kuna John Britton nalika lukisanipun Malmesbury Abbey dipuntampi déning Royal Academy.[2] Setunggal kanca mahasiswanipun paring prabawa marang seni inggih punika George Cattermole.[2]
Samuel Rayner punika cikal bakal kulawarga pelukis. Taun 1823 Samuel Rayner tindak kesah kaliyan Anne Manser ingkang sekawan taun langkung sepuh saking piyambakipun lan sampun kawéntar minangka seniman. Tiyang kalih mau krama ing taun 1824 lan laré kapisan wiyos wonten ing London nanging lajeng séda. Enem saking laré-larénipun lajeng dados pelukis. Griya Rayner punika musiyum ing Matlock Bath papan nalika taun 1830-an Louise, William Henry lan Rhoda (Rose) wiyos. Pahatan Arthur Jewitt nggambarkan griya Rayner ing Matlock Back taun 1832. Wonten kalih jalur lawang mlebet tumuju ing musiyum ing gambar mau. Musiyum ing sisih tengen punika Musiyum John Mave, déné ingkang kiwa punika Vallance's Royal Centre Museum.[3] Vallance lan Rayner punika kekancan. Wonten sesawangan Matlock Bath ingkang dipunwukir déning Ann Rayner ingkang ugi nedahaken griyanipun lan sapunika dados Musiyum Buxton. Wukiran ingkang dipundamel déning garwa Samuel punika ngginakaken permata ing Marmer Ireng Ashford ingkang pikantuk saking tambang ing mriku.
Lukisan Rayner taun 1839 Pamèran Derby ngginakaken kawontenan taun-taun wiwitan koleksi Museum lan Gladri Seni Derby. Wonten ing lukisan mau kalebet lukisan Joseph Wright Romeo lan Juliet: Adegan Makam ingkang wonten ing sisih kiwa témbok wingking.[4]
Louise Rayner inggih punika salah satunggal laré Samuel lan Ann ingkang kondhang. Piyambakipun sedhèrèk kaliyan Ann ("Nancy"), Margaret, Rose, Frances, lan Richard. Nancy Rayner dipunprabawai ugi kaliyan gaya Octavius Oakley lan ingkang kapisan dipunmangertosi minangka seniman ingkang bènten nanging piyambakipun tilar donya amargi dhaharan nalika umur 28 taun.[2] Samuel dipunangkat dados kanca makarya ing Society of Painters in Water Colours nalika taun 1845 nanging dipunwedalaken saking yayasan amargi masalah arta. Sapérangan karyanipun saged dipunpirsani wonten ing Museum lan Gladri Seni Derby.[4]
Cathetan suku
[besut | besut sumber]- ↑ Wikisource:Samuel Rayner
- ↑ a b c Simon Fenwick, ‘Rayner, Samuel (1806–1879)’, Oxford Dictionary of National Biography, Oxford University Press, 2004 [1]
- ↑ Samuel Rayner Archived 2011-02-15 at the Wayback Machine. di website "Dudley Mall"
- ↑ a b c Allard, Sarah; Nicola Rippon (2003). Goodey's Derby. Breedon Books. kc. 157. ISBN 1 85983 379 9.
Pranala njawi
[besut | besut sumber] |
Wikimedia Commons duwé médhia ngenani Samuel Rayner. |
- Family history Archived 2011-07-25 at the Wayback Machine. website "Louise Rayner Artist"