Marmer Ireng Ashford

Marmer Ireng Ashford (Inggris Ashford Black Marble) inggih punika nama ingkang dipuncaosaken kanggé watu kapur ireng, dipunkedhuk saking tambang celak kaliyan Ashford-in-the-Water, ing Derbyshire, Inggris. Bibar dipuntugel, dipunwalik lan dipunpolès, piranti mau katingal mengkilat lan saé kanggé dekorasi. Marmer Ireng Ashford punika watuan sedimen ingkang alus lan sanès kados marmer ing teges géologis. Watu punika saged dipuntugel lan dipunlapisi kaliyan wewatuan lan minereal dekoratif sanèsipun kanthi ngginakaken tèhnik pietra dura. Musiyum Derby gadhah diagram Ecton Hill ingkang kadamel saking Marmer Ireng Ashford lan wewatuan mineral sanèsipun.^[1]

Sajarah

Dékorasi ngginakaken bahan mineral lokal warna ireng sampun kepanggihaken wiwit jaman prasajarah. Dipuncathet kapisan déning Bess saking Hardwick taun 1580.^[2] Henry Watson lek saking ahli géologi Derbyshire White Watson dipunwastani minangka salah satunggal tuladha kunci pangembangan indhustri lokal gegayutan kaliyan Marmer Ireng Ashford ing taun 1750-an.^[3] Piyambakipun gadhah pabrik mawi tenaga kincir toya ing Ashford-in-the-Water

Wonten usaha dagang ingkang mekar saking pedamelan guci, obelisk lan barang dékoratif sanèsipun saking Marmer Ireng Ashford nalika pungkasan abad kaping 18 lan wiwitan abad kaping 19. John Mawe gadhah musiyum ing Matlock Bath ingkang gegayutan kaliyan marmer ireng lan wukiran marmer ireng ngginakaken permata karya Ann Rayner wonten ing musiyum sanès ing celakipun. Kathah tuladha wukiran lan mawi tahta marmer ireng medal ing kolèksi-kolèksi lokal, kalebet ingkang wonten ing Musiyum Derby, Musiyum Buxton,^[4] dan Chatsworth House. Nalika taun 2009 bongkahan Marmer Ireng Ashford ingkang ageng lan taksih wetah dipunangkat saking pengedhukan wisma Seven Stars ing Derby. Rencananipun badhé dipunlelang amargi saking langkanipun marmer ireng Ashford.^[5]

Géologi

Sanajan dipunnamani marmer, nanging watu punika sajatosipun saking watuan sedimen. Peteng, alus, watu kapur mawi karbon ingkang wonten lendhutipun, kathah bitumen ingkang ngasilaken warni klawu peteng lan éwah dados ireng lan mengkilat manawi dipunpoles. Sumber utami watuan punika saking Tambang Arrock lajeng ing taun 1832 kapanggihaken wonten ing celakipun Perkebunan Rookery,^[2] dekat Ashford-in-the-Water.

Teknik manufaktur

Watu kapur saged dipunéwahi mawi mesin bubut kanggé damel guci, pang lilin, lan barang-barang sanèsipun ingkang sami. Utawi dipungraji kanggé ngasilaken barang ingkang alus, rata kados obelisk lan pemberat kertas. Musiyum lan Gladri Seni Derby gadhah kolèksi barang-barang utawi calon barang saking Marmer Ireng Ashford, pikantuk saking bengkel kagunganipun kulawarga Tomlinson. Kalebet ing mriku tugelan ingkang dipunsiapaken minangka lapisan dhasar saking marmer ireng. Tugelan mau awujud kembang mawi kelopak gangsal (forget-me-not génus myosotis) lan kembang bakung gunung (Convallaria majalis) ingkang kathah piyambak wonten. Watu-watu warni dipunlapisaken ing marmer ireng kalebet watuan mineral warni klawu, biru lan ungu ingkang kapanggihaken saking Monyash, "rosewood" saking Nettler Dale ing Sheldon ingkang ngandhut lapisan abang lan putih, watuan barit ngasilaken manéka variasi sanèsipun ^[2] lan watuan florit Blue John sakingCastleton ngasilaken warna ungu lan kuning saking Crich,^[7] déné watuan "Birds-Eye" gadhah désain saking fosil ingkang dipunkandhut. Watuan mineral ingkang langka kawéntar minangka "Duke's Red" dipunsimpen wonten ing Chatsworth House.^[2].

Rujukan

↑ Newsletter of the Géological Curators Club Archived 2011-07-16 at the Wayback Machine., Vol 1, No. 8, 1976.
↑ ^a ^b ^c ^d Bygone Industries of the Peak:Ashford Black Marble Archived 2010-08-09 at the Wayback Machine.,
↑ Cooper, Michael P. (30 April 2005). "The Devonshire Mineral Collection of Chatsworth House". Mineralogical Record.{{cite journal}}: CS1 maint: date and year (link)
↑ "Tomlinson Collection". Diarsip saka sing asli ing 2011-05-25. Dibukak ing 2013-03-19.
↑ "Black marble to go under auction hammer". Diarsip saka sing asli ing 2012-09-25. Dibukak ing 2013-03-19. {{cite web}}: More than one of |archivedate= and |archive-date= specified (pitulung); More than one of |archiveurl= and |archive-url= specified (pitulung)
↑ Martin, William (1809). Petrificata Derbiensia p33-34. p39 Fig 4....A fossil shell. The original a nautilus....The crocodile said to be found in the limestone of Ashford, appears to be just a large specimen of this or some other Orthoceratite
↑ Ashford Black Marble,

Pranala njawi

Ashford Black Marble, 23 February 2011
Derbyshire Black Marble, John Michael Tomlinson, 1996, ISBN 0-904334-04-X
The Gem of the Peak, William Adam, 1843

[geo-1] Newsletter of the Géological Curators Club Archived 2011-07-16 at the Wayback Machine., Vol 1, No. 8, 1976.

[genuki-2] Bygone Industries of the Peak:Ashford Black Marble Archived 2010-08-09 at the Wayback Machine.,

[cooper-3] Cooper, Michael P. (30 April 2005). "The Devonshire Mineral Collection of Chatsworth House". Mineralogical Record.{{cite journal}}: CS1 maint: date and year (link)

[tomlinson-4] "Tomlinson Collection". Diarsip saka sing asli ing 2011-05-25. Dibukak ing 2013-03-19.

[5] "Black marble to go under auction hammer". Diarsip saka sing asli ing 2012-09-25. Dibukak ing 2013-03-19. {{cite web}}: More than one of |archivedate= and |archive-date= specified (pitulung); More than one of |archiveurl= and |archive-url= specified (pitulung)

[derbi2-6] Martin, William (1809). Petrificata Derbiensia p33-34. p39 Fig 4....A fossil shell. The original a nautilus....The crocodile said to be found in the limestone of Ashford, appears to be just a large specimen of this or some other Orthoceratite

[7] Ashford Black Marble,

[1]

[2]

[3]

[4]

[5]

[6]

[7]