Joseph Strutt (filantropi)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Joseph Strutt
Joseph Strutt (1765-1844) .jpg
Joseph Strutt, saking potret ingkang kagantung ing Mayoral Gallery ing Derby Council House
Lair 1765
Derby
Pati 13 Januari 1844
Derby
Bangsa Inggris
Pakaryan Hakim, wali kutha
Bojo Isabella Archibold Douglas
Anak 1 putra, 2 putri (Caroline dlan Isabella)
Wong tuwa Jedediah Strutt
Dulur William lan George (kakang-kakangipun

Joseph Strutt (1765-1844) punika satunggaling tokoh filantropis saking Inggris [1].

Pagesangan[besut | besut sumber]

Joseph punika laré paling enem saking Jedediah Strutt saking Derby ingkang gadhah kalih putra sanèsipun inggih punika William lan George. Kulawarga Strutt gadhah kasil saking sutra, kapas lan pamintalan belacu ing Morledge, Derby. Joseph dipunbaptis wonten Kapel Unitarian ing Friar Gate, Derby tanggal 19 September 1765 lajeng sinau wonten ing Sekolah Derby.

Kulawarga[besut | besut sumber]

Nalika taun 1793 Joseph Strutt krama kaliyan Isabella Archibold Douglas ing Gréja St. Oswald, Ashbourne, Derbyshire. Isabella kemudian lajeng séda ing taun 1801 nilaraken Joseph mawi satunggal putra lan kalih putri, Caroline lan Isabella. Caroline krama kaliyan Edward Hurt lan séda ing taun 1835. Déné Isabella krama kaliyan John Howard Galton saking Hadzor House lan dados ibu saking Sir Douglas Strutt Galton.

Pakaryan[besut | besut sumber]

Strutt nyambut damel wonten ing Derby Corporation saking umur 28 taun, Nyambut damel ing manéka babagan kalebet Hakim Kepala lan kalih periode pamaréntahan dados Walikota Derby. Joseph Strutt nglampahi masa kalungguhan kaping kalih  minangka walikota kapisan masa reformasi Derby ingkang njabat saking November 1835 dumugi November 1836. Joseph Strutt punika satunggaling tokoh radikal perobahan reformasi sosial lan sapérangan ageng gesanganipun kanggé nglayani kutha. Joseph Strutt gadhah keyakinan bilih supados pikantuk raos kurmat saking kelompok pekerja lan ngéwahi saking tumindak ingkang ala kedah pikantuk kesempatan ing sami saking rékréasi ingkang langkung beradap kados ta paméran seni, ruwang tinarbuka ingkang sarwa ijo kados ingkang dipunraosi déning masarakat ingkang langkung inggil. Joseph Strutt ugi damel Mechanics Institution (dipunbikak ing taun 1824). Joseph Strutt dados Letnan Deputi ing milisi lokal nalika kadadosan Peperangan era Napoleon amargi Inggris pikantuk ancaman invasi saking Perancis.

Joseph Strutt mbikak griya lan taman-tamanipun wonten ing Thorntree House ing St. Peter's Street, sapunika dados papan HSBC. Minangka gladri seni lan musiyum punika kénging dipunrawuhi déning sadaya kalangan masarakat Derby supados pikantuk kathah apresiasi masarakat babagan karya seni. Karya seni ingkang dipunpamèraken kalebet patung karyanipun William John Coffee, nedahaken patung-patung éra Klasik lan periode Renaisans kaliyan lukisan-lukisan saking seniman Renaisans. Kolèksi lukisanipun ugi paring kesempatan dhateng masarakat pekerja biyasa kanggé mirsani karya seni ingkang saé. Koleksi artefakipun ugi wonten Mumi Mesir ingkang dipunpitados sapunika wonten ing Musiyum Pusat Derby.

Joseph Strutt punika dirèktur Mechanics Institution ingkang jumeneng ing taun 1824. Pameran Derby (1839) minangka paméran ingkang dipunwontenaken ing ruwang kuliah Institusi taun 1839 kalebet lukisan ingkang dipunpendhet saking kolèksi Joseph Strutt. Miturut prakiraan sapérangan dados koleksi wiwitan Musiyum-musiyum ing Derby.[2] Joseph Strutt ugi nyumbang £1,000 dhateng Athenaeum Society kanggé mbiyantu pambangunan Gedung Athenaeum, satunggaling musiyum lan galèri seni ingkang nedahaken kolèksi seni lan paméran kanggé masarakat umum. Joseph Strutt ugi njurung keuangan Derbyshire General Infirmary (lajeng dados Derbyshire Royal Infirmary) ingkang dipunrancang lan dipunyasa kanggé kakangipun, William. Joseph Strutt punika awit saking sumbanganipun dhateng masarakat Derby kanggé Arboretum ingkang dipunrancang minangka papan ulah raga lan panglipur. Ugi kecathet minangka taman umum kanggé masarakat umum kapisan wonten ing Inggris. Joseph Strutt nyathet pakaryan John Claudius Loudon ingkang damel lay out rancanganipun lan bibar rampung pikantuk bayaran £10,000.

Cathetan suku[besut | besut sumber]

  1. History of the Arboretum, (dipunakses tanggal 17 Maret 2013)
  2. Allard, Sarah; Nicola Rippon (2003). Goodey's Derby p.96. Breedon Books. k. 157. ISBN 1 85983 379 9.  Cite nganggo paramèter lawas |coauthors= (pitulung)

Pranala njawi[besut | besut sumber]