Abad Renaisans

Saka Wikipédia Jawa, bauwarna bébas abasa Jawa
Lukisan déning Antonello da Messina saka jaman Renaisans

Abad Renaisans utawa Jaman Renaisans ya iku jaman lair ulang kabudayan Yunani-Romawi ing Éropah nalika abad kaping 15 nganti 16 M.[1] Kadadéan iku kawiwitan sawisé ana prabawa saka agama Kristen ing kabudayan sing wis ana.[1] Nanging, wong-wong ing jaman saiki wis nggolèki pathokan utawa panutan anyar kanggo ngganti kabudayan Yunani-Romawi kang wis misuwur kanthi apik.[1] Kabudayan klasik iki uga dipuja lan didadèkaké panutan kabèh peradaban manungsa kang ana.[1][2]

Kabudayan Yunani-Romawi iku kabudayan kang manggonaké manungsa dadi subjèk utawa sing nglakoni kang utama.[1] Salah sijiné ya iku Filsafat Yunani, ing kono nuduhaké yèn manungsa iku makluk kang duwé pikiran lan mikir salawasé ngenani donya lan nentokaké apa kang kudu dilakoni supaya bisa urip, lan bisa olèh kamulyan (eudaimonia).[3]

Ing kasustran Yunani, tuladhané carita ngenani Odisei déning juru gurit Yunani Kuna, Homerus kang nyritakaké babagan waniné manungsa mubengi ndonya sautuhé kanthi kebak tantangan lan carita pengalaman anyar.[3] Arsitektur gaya Yunani-Romawi nggambaraké yèn manungsa iku bisa nggawé sesambungan kang tentrem ing antarané donya ukum, kakuwatan, lan kaéndahan.[3] Saliyané iku, Bangsa Romawi uga duwé kaprigelan ing babagan organisasi. Kabèh iku mau nuduhaké yèn kabudayan Yunani-Romawi mènèhi panggon kang utama kanggo manungsa kang ana ing kosmos.[3]

Cathetan suku[besut | besut sumber]

  1. ^ a b c d e Simon Petrus L. T..2004.Petualangan Intelektual. Yogyakarta.Kanisius.176-180.
  2. ^ Campbell, Gordon. The Oxford Dictionary of the Renaissance. (2003). 862.
  3. ^ a b c d Hale, John. The Civilization of Europe in the Renaissance. (1994). 648.