Francis Octavius Grenfell
| Francis Octavius Grenfell | |
|---|---|
| 4 September 1880 – 24 Mèi 1915 (usia 34) | |
 Captain Francis Grenfell VC | |
| Papan kelairan | Surrey, Inggris |
| Papan pesaréan | Hooge, Bèlgi |
| Pengabdian tumrap |  Britania Raya
|
| Dines/cawang |  Angkatan Darat Karajan Manunggal
|
| Suwéné dines | 1900-1915- † |
| Pangkat | Captain |
| Kesatuan | King's Royal Rifle Corps 9th Lancers |
| Perang | Perang Boer Kedua Perang Dunia I |
| Penghargaan | Salib Victoria |
| Hubungan | Field Marshal Francis Grenfell, 1st Baron Grenfell (paman) Julian Grenfell (ponakan) Admiral John Pascoe Grenfell (simbah kakung) |
Francis Octavius Grenfell, VC (lair ing Surrey, Inggris, 4 Sèptèmber 1880 – pati ing Hooge, Bèlgi, 24 Mèi 1915 ing umur 34 taun) punika tiyang Inggris ingkang nampi medhali Salib Victoria, pangaji-aji paling inggil lan prestisius kanggé kuwantunanipun nalika ngadhepi mungsuh ingkang saged dipunparingaken dhateng wadya Karajan Manunggal lan Nagara-nagara Persemakmuran.
Biografi
[besut | besut sumber]Francis Octavius Grenfell wiyos 4 September 1880 saking tiyang sepuh Sophia lan Pascoe Du Pré Grenfell. Piyambakipun satunggal saking 15 sedhèrèk lan gadhah sedhèrèk kembar, Riversdale Grenfell ugi wonten ing resimen Lancer kaping 9 lan dipunpateni nalika nembé wonten ing tugas (KIA / Killed in action) ing wulan September 1914. Simbah kakung saking ibunipun punika Admiral John Pascoe Grenfell lan kulawarga sanès kalebet lek-ipun Field Marshal Francis Grenfell, 1st Baron Grenfell. Sedhèrèk ingkang langkung sepuh, Letnan Robert Septimus Grenfell, 21st Lancers séda nalika panyerangan kavaleri ing Pertempuran Omdurman taun 1898. Tiga sedhèrèk sanèsipun Cecil Grenfell, Howard Maxwell Grenfell lan Arthur Morton Grenfell dumugi pangkat Letnan Kolonel ing Angkatan Darat Karajan Manunggal. Setunggal ponakanipun, Letnan Claude George Grenfell (Infanteri Berkuda Thorneycroft) séda ing Pertempuran Spion Kop nalika Perang Boer lan kalih ponakan sanèsipun Julian Grenfell sang juru gurit lan sedhèrèkipun, Gerald William Grenfell séda ing Perang Dunia I.[1] Minangka Etonian ingkang dados makili sekolahipun ing ulah raga kriket, Grenfell gabung ing angkatan dharat taun 1900 lajeng tugas kapisan wonten ing Perang Boer II ing King's Royal Rifle Corps.
Salib Victoria
[besut | besut sumber]
Francis Octavius Grenfell kanthi umur 33 taun, lan Kapten ing 9th Lancers, Angkatan Darat Karajan Manunggal nalika Perang Dunia I ing pertempuran lan piyambakipun pikantuk medhali Salib Victoria. Tanggal 24 Agustus 1914 ing Audregnies, Bèlgi, Kapten Grenfell sareng kaliyan resimèn tempur nglawan wadyabala ageng infanteri Jerman. Korbanipun kathah sanget lan kapten Grenfell dados perwira paling inggil ingkang taksih wonten. Piyambakipun dados pérangan resimèn panyerang ing sisih tanggul rel kréta nalika piyambakipun ketembak kaping kalih saéngga gerah sanget. Sanajan kelaran, piyambakipun tetep nahan gaman déning Mayor Ernest Wright Alexander saking 119th Battery, Royal Field Artillery. Piyambakipun lan sapérangan relawan gadhah upaya narik persenjataan medal saking tlatah tembakan mungsuh.
Francis Octavius Grenfell séda nalika ing tugas tanggal 24 Mèi 1915 lajeng kasarèkaken wonten ing Pamakaman Militer Vlamertinghe.[2][3]
Tilaran
[besut | besut sumber]Medali Salib Victoria kagunganipun Francis Octavius Grenfell dipunpamèraken wonten ing Musiyum Rèsimèn 9th/12th Royal Lancers ing Musiyum lan Gladri Seni Derby, Inggris.
Polo
[besut | besut sumber]Sangang sedhèrèk jaler Grenfell punika juru main polo. Francis lan sedhèrèkipun Riversdale Grenfell punika ingkang saé piyambak wonten ing kulawarganipun. Francis nyétak 8 gol Polo handicap. Sedhèrèk kembar wonten ing tim Ranelagh lan menang Amérika Terbuka ugi ing tim Freebooters sareng kaliyan Leopold Christian Duncan Jenner lan Adipati Roxburghe, menang Piala Kejawaraan Hurlingham.[3]
Cathetan suku
[besut | besut sumber]- ↑ Coomb, Arthur Grenfell. "Grenfell Family History". Diarsip saka sing asli ing 2012-02-08. Dibukak ing 2013-03-13.
- ↑ "Casualty details-Grenfell, Francis Octavius". Commonwealth War Graves Commission.
- ↑ a b Horace A. Laffaye (2009). The Evolution of Polo. McFarland & Company. ISBN 0786438142.
It is very true that the First World War robbed the British of some of their top and most promising players: Geoffrey Bowlby, Harold Brassey, Leslie Cheape, Noel Edwards, Francis and Rivy Grenfell, Lord Hugh Grosvenor, Brian Osborne, Bertie Wilson...
- Monuments to Courage (David Harvey, 1999)
- The Register of the Victoria Cross (This England, 1997)
- VCs of the First World War-1914 (Gerald Gliddon, 1994)
Pranala njawi
[besut | besut sumber]- "Francis Grenfell: First World War". Spartacus Educational. Dibukak ing 2010-06-14.-(biography)