George Harpur Crewe

Saka Wikipédia Jawa, bauwarna bébas abasa Jawa
Katingal saking ngajeng Calke Abbey
George Harpur Crewe
Lair 1 Februari 1795
Pati 1 Januari 1844
Calke Abbey, Derbyshire
Wiyata Sekolah Rugby
Pakaryan Anggota parlemen
Bojo Jane Whitaker
Anak John Harpur Crewe lan 5 sedhèrèkipun
Wong tuwa Sir Henry Harpur lan Ann Hawkins

Sir George Harpur Crewe, Baronet kaping 8 (lair 1 Fèbruari 1795 – pati ing Derbyshire, 1 Januari 1844 ing yuswa 48 taun) punika satunggaling politisi Tory ingkang makili laladan pamilihan Derbyshire Kidul.

Biografi[besut | besut sumber]

Harpur Crewe inggih punika laré paling sepuh ingkang gesang saking Sir Henry Harpur, Baronet kaping 7 lan garwanipun Ann Hawkins, laré èstri Isaac Hawkins. Bapakipun mendhet nama lan lambang Crewe saking panduan tandha kerajaan ing taun 1808. Harpur Crewe dipunwulang wonten ing Sekolah Rugby. Piyambakipun nggantos bapakipun ingkang tilar donya amargi dhawah saking kotak pelatih [1] nalika tanggal 7 Februari 1818, kanthi yuswa 24 taun lan marisi gelar Baronet, papanipun kulawarga Calke Abbey lan properti sanèsipun wonten ing Derbyshire, Staffordshire, lan Leicestershire.[2]

Harpur Crewe ugi dados Sheriff Tinggi Derbyshire taun 1821 lan salah satunggal tumindakipun punika damel kanthi sesarengan kalihan Assize Ball publikasi serat "ingkang nedahaken kados pundi bengis lan boten gadhah raos melas saben tiyang ingkang namung bungah-bungah ing hiburan kadonyan, nalika kathah sanget tiyang mlarat ingkang rumaos ajrih ing dalu wanci sidang, ugi ing sumur gesangipun " (showing how cruel and heartless it appeared that any person should be found engaged in worldly mirth and amusement on so solemn an occasion, when so many poor creatures were trembling on the eve of their trial, perhaps for their lives.)[3] Bibar pinten-pinten taun nggatosaken kawontenan lingkungan, piyambakipun majeng kanggé dados Anggota Parlemen kanthi makili Derbyshire Kidul ing taun 1835 lan ugi majeng malih ing taun 1837. Kasarasanipun tansah boten saé lan piyambakipun pènsiun ing taun 1841.

Harpur Crewe punika tiyang ingkang gadhah sipat remen wèh-wèh marang tiyang sanès (dermawan) lan gadhah prinsip keKristenan ingkang kuwat. Kejawi punika piyambakipun dipunanggep ngatos-atos sanget anggènipun dados anggota Parlemen.[3] Kulawarga Harpur Crewe punika kolektor ageng déné Sir George punika ngolèksi lukisan, manuk, lan kéwan awètan sanèsipun.[4] Harpur Crewe dados Ketua saking Derby Town and County Museum and Natural History Society nalika taun 1836. Organisasi punika lajeng dados Museum lan Galeri Seni Derby.[5] Harpur Crewe krama ing taun 1819 kalihan Jane Whitaker, inggih punika putri saking Rev. Thomas Whitaker, Vikaris Mendham, Nortfolk. Lajeng tiyang kalih kasebut pikantuk laré kanthi cacah enem lan dipungantosaken déning putranipun inggih punika Sir John Harpur Crewe, Baronet ingkang kaping 9.

Cathetan suku[besut | besut sumber]

  1. ^ (en) Maurice Weaver He's a lumberjack and he's OK now, Daily Telegraph Friday 7 May 1999
  2. ^ (en) Annual Register 1845
  3. ^ a b Gentleman's Magazine 1844
  4. ^ The Birmingham Post (England), August 14, 2004
  5. ^ (en) Newsletter of the Geological Curators Club, Vol 1, No. 8, 1976.

Pranala njawi[besut | besut sumber]