Matlockit
| Matlockit | |
|---|---|
| 240px|alt= Conto Matlockit saking Derbyshire, Inggris | |
| Umum | |
| Kategori | Mineral halida |
| Rumus kimia | PbFCl |
| Klasifikasi Strunz | 03.DC.25 |
| Klasifikasi Dana | 9.2.11.1 |
| Simetri kristal | Tetragonal 4/m 2/m 2/m ditetragonal dipyramidal |
| Sel satuan | a = 4.11 Å, c = 7.23 Å; Z = 2 |
| Identifikasi | |
| Warna | Tanpa warna dumugi radi ijo lan kuning |
| Perawakan | Rata, kristal tabular minangka agregat, kados roset, radial, hemisperikal; ugi padet |
| Sistem kristal | Tetragonal |
| Belahan | {001}, sampurna |
| Pecahan | Boten rata dumugi subkonkoidal |
| Sifat dalam | Rapuh |
| Skala kekerasan Mohs | 2.5 - 3 |
| Kilap | Adamantin, kados mutiara ing {001} |
| Diafaneitas | Transparan |
| Berat jenis | 7.1 - 7.2 |
| Sifat optik | Tanpa sumbu (-) |
| Indeks pembiasan | nω = 2.150 nε = 2.040 |
Matlockit inggih punika mineral halida timah ingkang sampun arang kepanggihaken. Dipunparingi nama mau punika saking nama kutha Matlock ingkang wonten ing Derbyshire, Inggris, minangka papan nalika Matlockit kapanggih kapisanan [1][2] mliginipun wonten ing pertambangan ing celakipun. Matlockit (kanthi rumus kimia: PbFCl) maringi nama kanggé sekelompok matlockit ingkang ngandhut mineral langka kaliyan struktur ingkang mirib.
Dèskripsi
[besut | besut sumber]Mineral punika fluoroklorida timah (rumus PbFCl), kapanggih kirang langkung nalika wiwitan taun 1800-an wonten ing Tambang Bage ing Bolehill punika celak kaliyan Matlock, sareng kaliyan tuladha-tuladha fosgenit lan anjelsit. Sanajan fosgenit dipuntepangi sapunika kados matlockit piyambak ingkang boten dipun-gantos minangka mineral énggal dumugi kirang langkung 50 taun. Greg maringi nama mau nalika ing taun 1851.[3] Sebatan Matlockit kapisan dipunsebat déning John Mawe inggih punika satunggaling ahli mineral ingkang asalipun saking Derbyshire taun ing 1802[4] lajeng piyambakipun damel deskripsi ingkang langkung gamblang saking fosgenit, lajeng ugi andharan mineral ingkang piyambakipun sebat minangka "timah kaca" - satunggaling dèskripsi ingkang radi trep kaliyan pitedahan matlockit. Ingkang ènthèng, transparan, mawi warna krèm - kuning, nanging gadhah berat jinis langkung saking 7,1.[2]
Satunggaling tuladha ageng kirang langkung 10 sentimèter, kapanggihaken saking Derbyshire ingkang mapan wonten ing kolèksi Musiyum Sajarah Alam Amérika.[5] Ugi wonten satunggaling tuladha ukuran 7 sentimèter ingkang mapan ing kolèksi Museum lan Gladri Seni Derby.[6] Matlockit dipunlaporaken angsal saking sapérangan papan saking patemon lokal wonten ing Derbyshire. Mineral Matlockit punika ugi kapanggih wonten ing Tiger, Arizona, Laurium ing Yunani, tambang ingkang celak kaliyan Essen wonten ing nagara Jerman lan ingkang celak kaliyan Campiglia wonten ing Tuscany. Tuladha sanès ugi kapanggih wonten ing sapérangan papan kados ing Afrika Kidul , Peru, Chili, Australia, Ostenrik, Perancis lan ugi wonten ing Italia.[1][2]
Kelompok matlockit
[besut | besut sumber]Kelompok matlockit gadhah kandhutan sapérangan mineral ingkang mirib kaliyan struktur kristal. Kelompok punika kalebet ugi ibismut, timah utawi kalsium halida: bismoklit (BiO)Cl, daubreit (BiO)(OH,Cl), laurionit PbCl(OH), paralaurionit PbCl(OH), rorisite CaFCl, zavaritskit (BiO)F lan ugi matlockit.[7]
Cathetan suku
[besut | besut sumber]- ↑ a b Handbook of Mineralogy
- ↑ a b c Mindat.org
- ↑ Phosgenite and Matlockite in Derbyshire (Part 1), T. Bridges, M.E. Smith, Journal of the Russell Society Volume 1, No. 2, p7-14, 1983
- ↑ Mawe, John. The Mineralogy of Derbyshire with a Description of the most Interesting Mines. 1802, London
- ↑ Frondell, Clifford. American Mineralogist, Vol 20, 469-473, 1935
- ↑ Cithakan:Cite video
- ↑ "Matlockite Group". Mindat.org.
Pranala njawi
[besut | besut sumber] |
Wikimedia Commons duwé médhia ngenani Matlockite. |