Astronom

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Tuladha satuggaling astronom

Astronom inggih punika satunggaling tiyang ingkang sinau babagan kahanan ing langit kadosta rembulan, planèt, lintang-lintang, nebula saha galaksi, ugi kahanan fisik, kimia, lan évolusi saking saben objèk kasebat, saha nyinaoni bab fénoména ingkang kadadosan wonten ing sak njawining atmosfèr bumi (kadosta jeblugan supernova, kobongipun sinar gamma, lan kosmik ing sak wingkingipun radhiasi).

Miturut sujarahipun, astronomi inggih langkung lebet ndhudhah bab klasifikasi lan andharanipun saking féoména-fénoména ingkang kadadosan ing langit, kalebet astrofisik. Déné èlmu astrofisika piyambak nyobi kanggé ngandharaken fénoména lan pabédan ingkang kadadosan kanthi ngginakaken ukum-ukum fisika.

Astronom profésional inggih punika satunggaling tiyang ingkang sampun gadhah tingkat pendhidhikan ingkang inggil lan padatanipun gadhah sesebatan PhD wonten ing bidhang fisika utawi astronomi lan dipunsuwun kanggé nyambut damel wonten ing satunggaling lembaga panalitèn utawi univèrsitas.[1] Para astronom padatanipun nelasaken wekdalipun kanggé makarya wonten ing bidhang panalitèn, sanajan piyambakipun langkung asring gadhah tugas sanèsipun kanggé mucal, ndamel instrumèn, utawi mbiyantu wonten ing oprasi satunggaling observatorium. Déné cacahipun astronom profésional wonten ing Amérika Sarékat ing kasunyatanipun namung wonten sekedhik. Wonten ing American Astronomical Society, ingkang minangka organisasi ingkang paling wigatos saking astronom profésional ing Amérika Lèr, inggih gadhah anggota kirang langkung 7.700 anggota. Cacahipun astronom punika ugi kalebet èlmuwan saking bidhang sanèsipun kadosta fisika, géologi, lan engineering, ingkang panalitènipun gadhah gegayutan kaliyan bidhang astronomi.[2] Déné anggota saking International Astronomical Union piyambak wonten kirang langkung 10.145 anggota saking 70 negara ingkang bènten-bènten ingkang kalebet sesarengan kanggé nliti astronomi ing tingkat PhD lan saking njawi.[3]

Astronom Modhèrn[sunting | sunting sumber]

Bènten kaliyan paningalan klasik saking astronom ingkang sampun sepuh ingkang anggènipun makarya sampun mesthi ningali bendha-bendha langit kanthi ngginakaken teleskop, kanthi ngliwati jam-jam dalu ingkang peteng kanggé ningali objèk ing langit, déné astronpm profésional ingkang sampun modhèrn arang ngginakaken lensa mripat ingkang langkung ageng saking teleskop. Cara punika boten dipuntindakaken amargi padatanipun para astronom profésional modhèrn punika langkung asring ngginakaken charge coupled device, inggih punika satunggaling kamera kanggé ngrekam dhaérah objèk, panjangipun objèk, lan lebetipun objèk, saéngga gambar ingkang dipunasilaken saged langkung sènsitip kanggé dipundamel amargi cahyanipun saged dipuntambah teras saking wekdal setunggal tumuju wekdal sanèsipun. Sadèrèngipun wonten CCD, pelat fotografi inggih punika minangka salah satunggaling métodhe ummum kanggé ngamati objèk-objèk langit kasebat. Astronom modhèrn namung nelasaken wekdal ingkang langkung sekedhik kanggé ngamati kanthi teleskop, inggih kirang langkung namung pinten-pinten peken saben taunipun kanggé ngamati objèk, lan ing tirahan wekdalipun para astronom ngirangi dhata (ngéwahi dhata saking dhata mentah gambar ingkang lajeng dipunprosès) lajeng nganalisis dhata kasebut.

Cathetan Suku[sunting | sunting sumber]

  1. ^ "Frequently Asked Questions About Becoming an Astronomer". NOAO. Archived from the original on 3 April 2009. http://www.noao.edu/education/astfaq.html. Retrieved 29 March 2009.
  2. ^ "American Astronomical Society Home". AAS. Archived from the original on 2 August 2009. http://aas.org/. Retrieved 14 August 2009.
  3. ^ "About IAU". IAU. http://www.iau.org/about/. Retrieved 14 August 2009.
Sumber artikel punika saking kaca situs web: "http://jv.wikipedia.org/w/index.php?title=Astronom&oldid=863750"