Fotografi

Saka Wikipédia Jawa, bauwarna bébas abasa Jawa
Kamera iku salah sijine sarana kang wigati banget ing fotografi

Fotografi ya iku seni lan asiling gambar lan cahya (sunar) ing filem.[1].

Prinsip fotografi iku nggawé fokuse cahya utawa sunar kanthi migunakaké piranti kanggo mbiyaske sunar kang bisa ngobong media plat. Media plat (filem) kang kobong kanthi ukuran luminitas cahya kang pas, bakal ndadekake bayangan kang padha karo cahya kang lumebu ing sajerone media pembiasan, kang diarani lensa.

Supaya ngasilake ukuran sunar kang pas banjur dadi gambar kang apik, migunakaké piranti kanggo ngukur intensitas sunar kang diarani lightmeter. Sawisé éntuk ukuran intensitas sunar kang pas, fotografer bisa ngatur intensitas sunar kanthi ISO/ASA (ISO Speed), diafragma (Aperture), lan kecepatan rana (speed). Tetelune iku mau padha gegayutan. Gegayutane ISO, Diafragma & Speed diarani pajanan (exposure).

Fotografi kang gegayutan karo teknologi nembé dikenal kurang luwih 150 taun kepungkur, nanging yèn ngenani gambar rong dimensi kang diasilake saka anané sunar (cahya), fotografi wis ana nalika sadurungé Masehi. Tetembungan fotografi dianggo pisanan déning Sir John Herschel ing taun 1839. Fotografi dumadi saka tembung ing basa Yunani ya iku Phobos lan Graphoo.[2] Phobos tegesé cahya utawa sunar lan graphoo tegesé nulis.[1] Fotografi bisa ditegesi minangka pakaryan nggawé gambar kanthi srana lensa lan filem utawa pelat peka cahaya.[2] Lensa ngasilake wewayangan nyata kang dijupuk déning filem (plastik bening kang dilapisi emulsi perak halide). Bageyan filem kang kena sunar bakal ngumpulake partikel perak halide. Yen filem kasebut dicuci nganggo larutan hypo, bageyan kang kena sunar mau bakal luwih peteng tinimbang bageyan liyané. Gambar positif (fotograf) digawé ing sandhuwure kertas peka cahaya.Film kang wis dicuci mau dipasang ing ndhuwure banjur dipadhangi. Bageyan negatif kang padhang bakal nerusake sunar lan ndadekake ireng ing kertas miturut karo wewayangan wujudé.[2]

Cathetan suku[besut | besut sumber]

  1. ^ a b Kamus Basa Indonesia Online (dipuntingali 30 Juli 2011)
  2. ^ a b c Pengertian Fotografi (dipuntingali 29 Juli 2011)