Aksara Réncong

Surat Kerinci

Aksara Réncong iku istilah kang wiwitané dipigunakaké déning para paneliti Walanda kanggo ngarani aksara Surat Ulu kang dipigunakaké ing kawasan ulu (pagunungan) Sumatra, mligi ing tlatah Kerinci, Bengkulu, Sumatra Kidul, lan Lampung. Bebarengan karo aksara-aksara laladan liya ing Sumatra, Surat Ulu iki turunan saka Aksara Pallawa. Ing jaman biyèn, Surat Ulu ditulis ing pring, sungu kebo, lan kulit kayu.

Aksara Ulu kadhangkala uga diarani Aksara Kaganga dhedhasar telung aksara pisanan sajeroning urutan aksarané. Aksara iki isih sarumpun karo Surat Batak (aksara Batak).

Pratélan sastra

• A. L. van Hasselt (1881) De talen en letterkunde van Midden-Sumatra, E. J. Brill, Leiden
• M. A. Jaspan (1964) Folk literature of South Sumatra: Redjang Ka-Ga-Nga texts, The Australian National University, Canberra
• L. C. Westenenk (1922) "Rèntjong-schrift. II. beschreven hoorns in het landschap Krintji", in Tijdschrift voor Indische Taal-, Land-, en Volkenkunde 61, Batavia, Albrecht en co./'s-Gravenhage, M. Nijhoff
• Uli Kozok (2005). Aksara Melayu Pra-Islam. In E. Sedyawati and A. Ikram, Sastra Melayu Lintas Laladan. Jakarta: Balai Pustaka.

Uga delengen

• Aksara Kaganga
• Aksara Nusantara
• Basa Melayu