Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Selandia Anyar kang jroning basa Maori disebut Aotearoa (tegesé Lemah Mega Putih Dawa), kuwi sawijining negara kapuloan ing kidul-kulon Samudra Pasifik ing kidul-wétan Australia. Negara iki dumadi saka loro pulo gedhé yakuwi (Pulo Lor lan Pulo Kidul) lan sawetara pulo cilik liyané. Selandia Anyar kuwi negara dhémokrasi parlementer lan sawijining wilayah Persemakmuran Britania (Commonwealth Realm). Selandia Anyar duwé tanggung jawab tumrap negara pamaréntah-dhéwé Kapuloan Cook lan Niue sarta ngatur Tokelau lan Dependensi Ross.
Jeneng Selandia Anyar dijupuk saka provinsi Zeeland ing Walanda. Jeneng iki diwènèhké déning Albert Tasman, panjelajah saka Walanda.
-
Selandia Anyar nduwèni populasi watara 4 yuta. Watara 80% saka populasiné kuwi turunan Eropah. Suku Maori minangka grup etnik kaloro paling gedhé (14,7%). Ing taun 1996 lan 2001, cacahing wong Asia (6,6%) ngliwati cacahing wong Kapuloan Pasifik (6,5%).
Kristen minangka agama dominan ing Selandia Anyar, senajan amèh 40% populasiné ora duwé agama. Denominasi utama Kristen yakuwi Anglikan, Presbiteranian, Katulik Roma, lan Methodist. Ana uga sawetara wong kang nyebut awaké Greja Pantekosta lan Baptis lan uga Mormon. Greja Ratana kang basisé ana ing Selandia Anyar duwé akèh pengikut ing antarané wong Maori. Miturut kasil sensus, agama minoritas liya kalebu Hindhu, Budha, lan Islam.
Delengen uga [sunting]
Wacan terusan [sunting]
- Carolyn Bain Lonely Planet New Zealand (2006) 772 kaca
- David Bateman, ed. Bateman New Zealand Encyclopedia (2005)
- Michael King The Penguin History of New Zealand (2003)
- Keith Sinclair and Raewyn Dalziel. A History of New Zealand (2000)
- A. H. McLintock, ed. Encyclopedia of New Zealand 3 vol (1966)
- Philippa Mein Smith A Concise History of New Zealand (2005)
- New Zealand Official Yearbook (annual)
Pranala njaba [sunting]
|
Rangkah Persemakmuran (Commonwealth realm) |
|
|
|
 |
|
Pirsani pandhuan wisata Sélandia Anyar ing Wikivoyage
