Kapuloan Bonin

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kapuloan Bonin
Kepulauan Ogasawara*
Situs Warisan Donya UNESCO
Negara Jepang
Tipe Alam
Kriteria ix
Referensi 1362
Wilayah Asia-Pasifik
Sajarah prasasti
Prasasti resmi 2011  (Sèsi ke-35)
* Jeneng resmi jroning Daftar Warisan Donya.
Miturut klasifikasi resmi UNESCO.

Kepulauan Bonin (小笠原群島 Ogasawara Guntō?) utawi dipnsebut Kepulauan Ogasawara (小笠原諸島 Ogasawara Shotō?) inggih punika kapuloan ingkang kasungsun saking 30 pulo kanthi iklim subtropis lan tropis, papanipun 1.000 km (540 mil laut) ing kidul Tokyo, Jepang. "Kapuloan Bonin" inggih punika nama Inggris kanggé Ogasawara Guntō; bonin inggih punika lafal kuno kanggé tembung bunin wonten ing basa Jepang (無人 mujin) ingkang ateges "boten wonten penghuninipun". Kalih pulo kanthi penghuni ing Kapuloan Ogasawara inggih punika Chichi-jima (父島) ingkang dipundadosaken pusat administrasi Desa Ogasawara lan Haha-jima (母島) ingkang kalebet wilayah Desa Ogasawara.

Istilah Kepulauan Ogasawara (小笠原諸島 Ogasawara shotō?) saged ugi nyakup pulo-pulo sanés wilayah Munisipalitas Ogasawara, kadosta Kapuloan Volcano kaliyan pulo-pulo alit sanés ingkang terpencil lan boten wonten penguninipun.

Nalika 1 Desember 2012, total populasi Desa Ogasawara dipunprakirakaken antawis 2.905 tiyang. SApérangan ageng penduduk dumunung ing Chichi-jima lan salangkungipun wonten ing Haha-jima.

Kapuloan Ogasawara boten naté dados bagéyan saking benua, saéngga sapérangan ageng flora lan fauna ngalami proses evolusi piyambak. Amargi punika, pulo punika jejuluk "Galapagos saking Wétan", lan sampun dipunnominasikaken minangka Situs Warisan Donya UNESCO nalika 24 Juni 2011.[1] Cumi-cumi raksasa (genus Architeuthis) ingkag kapisanan suksés dipunfilmaken ing laut bebas Kapuloan Ogasawara nalika 27 September 2005, lan saged dipuntangkep nalika Desember 2006.[2]

Radio teleskop kanthi diameter 25m dipunpasang ing Chichijima. Radio teleskop punika inggih salah satunggal stasiun proyek VERA (VLBI Exploration of Radio Astrometry), lan dipunoperasikaken déning Observatorium Astronomi Nasional Jepang.

Geografi lan Administrasi[sunting | sunting sumber]

Kapuloan Bonin kasungsun saking tiga subgrup, kalebet pulo-pulo utama.

  • Kepulauan Muko-jima (聟島列島 Muko-jima Rettō), rumiyin dipunsebut Kapuloan Parry;
    • Muko-jima (聟島, teges harfiah: Pulo Pinangantén Kakung);
    • Yome-jima (嫁島, teges harfiah: Pulo Pinangantén Putri);
    • Nakōdo-jima atau Nakadachi-jima (媒島, teges harfiah: Pulo Comblang);
    • Kita-no-jima (北ノ島 atau 北島, teges harfiah: Pulo Utara);
  • Kepulauan Chichi-jima (父島列島 Chichi-jima Rettō), rumiyin Kapuloan Beechey;
    • Chichi-jima (父島, teges harfiah: Pulo Bapak) (pulo utama/rumiyin: Pulo Peel);
    • Ani-jima (兄島, teges harfiah: Pulo Kakang kakung) (Pulo Hog/Pulo Buckland);
    • Otōto-jima (弟島, teges harfiah: Pulo Rayi Kakung) (Pulo North/Pulo Stapleton)
  • Kapulauan Haha-jima (母島列島 Haha-jima Rettō), rumiyin Kapuloan Baily;
    • Haha-jima (母島, teges harfiah: Pulo Ibu);
    • Ane-jima (姉島, teges harfiah: Pulo Mbakyu Putri) lan;
    • Imōto-jima (妹島, teges harfiah: Pulo Rayi Putri).

Kanthi administratif, Kapuloan Volcano, Nishinoshima (Pulo Rosario), Okinotorishima (Parece Vela), lan Minamitorishima (Pulo Marcus) sakmenika kalebet wilayah munisipalitas Ogasawara. Ananging kanthi geografis, wiwit rumiyin boten dipunanggep minangka bagéyan saking Kapuloan Bonin ingkang namung nyakup pulo-pulo kadosta Mukojima, Chichijima, lan Hahajima.[3] Definisi historis Kapuloan Bonin (Ogasawara Guntō) boten sami persis kados definisi Pamaréntah Jepang.[4]

Cathetan Suku[sunting | sunting sumber]

  1. ^ Japan Times. "Ogasawara Islands Join World Heritage family". http://search.japantimes.co.jp/cgi-bin/nn20110626a5.html. Retrieved 20 Januari 2013.
  2. ^ "Japanese Researchers Capture Giant Squid", Fox News, 2006-12-22. diaksès tanggal 2013-01-20. 
  3. ^ Freeman, Otis W. (1951). Geography of the Pacific, pp. 229-235.
  4. ^ "Bonin Islands," Encyclopædia Britannica. Dipunakses 20 Januari 2013.

Pranala Njaba[sunting | sunting sumber]

Cithakan:World Heritage Sites in Japan Koordinat: 26°59′53″N 142°13′05″E / 26.99806°N 142.21806°E / 26.99806; 142.21806

Sumber artikel punika saking kaca situs web: "http://jv.wikipedia.org/w/index.php?title=Kapuloan_Bonin&oldid=835975"