Melon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Melon
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Cucurbitales
kulawarga: Cucurbitaceae
Genus: Cucumis
Species: C. melo
Jeneng binomial
Cucumis melo
L.

Melon (Cucumis melo L.) arupa jeneng woh uga jeneng tetanduran sing ngasilaké woh mau, sing klebu jroning suku labu-labuan utawa Cucurbitaceae.[1] Wohé biasané dipangan seger minangka woh meja utawa diiris-iris minangka campuran ès woh.[1] Bagéyan sing dipangan yaiku daging wohé (mesokarp).[1] Teksturé empuk, awerna putih tekan abang, gumantung kultivaré.[1]

Pamerian[sunting | sunting sumber]

Tetanduran sausum, mrambat nanging njalar, ora munggah.[1] Godhongé wangun ndriji mawa lekuk modherat saéngga kaya bunderan mawa pojok-pojok.[1] Watangé biasané ora ngandhut kayu. [1]

Tetanduran iki omahé siji kanthi rong tipe kembang: kembang jantan lan hermafrodit.[1] Kembang jantan muncul biasané nalika tetanduran isih enom utawa yèn tuwuhé kurang becik. [1]

Tipe wohé pepo. Bagéyan mesokarp saya kandel dadi daging woh sing ngandhut banyu. pamuliaan diarahaké ing daging woh sing kandel, legi, sarta yèn mungel, wangi. Mélon nduwéni jeneng latin Cucumis melo. [1]Mélon kalebu tanduran saka famili Cucurbitaceae.[1] Mélon asalé saka Lembah Panas Persia utawa dhaérah Mediterania.[2] Dhaerah iki manggone ing perbatasa Asia Barat lan Éropa, Afrika.[1] Mélon nyebar ing Timur tengah lan Éropa.[1] Ing abad kaping 14, melon digawa ing Amerika.[1] Déné kang nggawa yaiku Cristoper Columbus.[1] sawise iku mélon banjur ditandur ing Colorado, California, lan Texas.[1] Mélon urip subur ing dhaerah tropis lan subtropis kalebu ing Indonésia.[1]

Karagaman genetik[sunting | sunting sumber]

Melon akèh banget ragamé, utamané dideleng saka wangun wohé. Ana wolung [3] klompok budidaya ('Group') jroning spesies iki.[3] Telu sing paling populèr yaiku Cantalupensis (ing jeroné klebu bléwah, true European cantaloupe), Reticulatus (melon sing biasa ditepungi, kulit wohé biasané "mawa jala"), lan Inodorus (melon 'Honeydew', sing wanguné oval kanthi kulit ngerut).[3] Ana siji klompok liya sing wohé uga dipangan, Group Dudaim.[3]

Jinis[sunting | sunting sumber]

Jinis mélon kang misuwur yaiku melon Christianism (1850); melon Sill Hybrid (1870); melon Surprise (1876); mélon Ivondequoit, Miller Cream, Netted Gem, Hacken Sack lan Osage (18811890); mélon Honey Rock dan Improved Perfecto (1933); melon Imperial (1935); melon Queen of Colorado dan Honey Gold (1939).[1]

Jinis mélon kang paling disenengi yaiku jinis melon swing lan sky rocket.[4] Melon swing asale saka Jepang.[4] Melon iki rasane legi lan daginge luwih kandel. Yen dibandingake karo sky rocket, melon swing nduweni jaring kang luwih kasar lan luwih kasar.[4] Melon swing bentuke bunder lan abote kurang luwih 1,4 kg. Dene melon sky rocket boboté nganti tekan 2 kg.[4]

Nandur[sunting | sunting sumber]

Nandur melon mbutuhae panas srengéngé.[4] Melon kang kakéyan kodan marakaké wite kebaceken lan mati.[4] Yèn mélon kodanan terus nalika wayah panén bisa nggawé woh melon rasané anyep ora legi manéh.[4] Suhu udara kang diperlokake yaiku antarane 20-30 derajat celcius.[4]

Asil olahan[sunting | sunting sumber]

Mélon kena dipangan dadi buah yén rampung mangan.[5] Mélon uga kena kanggo nggawé sirup rasa mélon. Saliyané iku mélon uga kena digawé jus melon, ès buah, lan uga bubur.[5] Mélon uga kena digawé bolu utawa pay mélon.[5]Melon kalebu woh kang ngandhut vitamin C kang akeh.[1]

Khasiat[sunting | sunting sumber]

Melon ngandhut vitamin C kang akéh mulané mélon kena kanggo tamba sariawan. [1] Saliyané iki, mélon uga kena kanggo tamba hiperténsi utawa darah tinggi.[1]

Habitat[sunting | sunting sumber]

Sadurungé taun 1980 mélon kalebu woh-wohan kang diimpor ing Indonésia.[1] Ananging akéh perusahaan agribisnis kang nandur lan mbudidayakaké mélon ing dhaérah Cisarua (Bogor) lan Kalianda (Lampung).[1] Mélon kang ditandur iki kalebu mélon variétas saka Amerika, Taiwan, Jepang, Cina, Prancis, Denmark, Walanda lan Jerman.[6]

Mélon banjur ditandur lan dibudidayakaké ing dhaérah Ngawi, Madiun, Ponorogo nganti tekan wilayah ing èks-karesidènan Surakarta (Sragén, Sukaharja, Bayalali, Karanganyar lan Klathèn).[1] Dhaérah-dhaérah iku kalebu dhaérah kang akéh ngasilaké mélon.[1]

Galeri[sunting | sunting sumber]

Chatetan suku[sunting | sunting sumber]

  1. ^ a b c d e f g h i j k l m n o p q r s t u v w x y (id)warintek.ristek.go.id(dipunundhuh tanggal 19 Mei 2011)
  2. ^ (id)sentia.poltek-malang.ac.id(dipunundhuh tanggal 19 Mei 2011)
  3. ^ a b c d (id)Situs web perusahaan winih Victory(dipunundhuh tanggal 8 Juni 2007)
  4. ^ a b c d e f g h (id)tabloidnova.co(dipunundhuh tanggal 19 Mei 2011)
  5. ^ a b c (id)greecehotelsrooms.com(dipunundhuh tanggal 19 Mei 2011)
  6. ^ (id)binaukm.com(dipunundhuh tanggal 19 Mei 2011)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Melon&oldid=857219"