Sariawan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
lambe sing kena sariawan

Sariawan utawa stomatitis yaiku radang kang kedadéyan ing mukosa mulut, biasané arupa bercak putih rada kekuningan.[1] Sariawan bisa nyerang selaput lendir pipi bagian jero, lambé bagian jero, ilat, gusi sarta langit-langit ing rongga mulut.[1] Senajan ora kagolong mbebayani, nanging sariawan bisa ngganggu banget.[1]

Penyebab[sunting | sunting sumber]

Masyarakat umume netepaké yèn sariawan iku disebabaké kurang vitamin C.[2] Nanging asliné sing bisa nyebabaké sariawan ana werna-werna, yaiku kurang vitamin lan mineral, sebab kepayahen, sebab kabotan pikir, stress lsp.[2] Sariawan iku kekurangan vitamin C, Vitamin B6, vitamin A.[2] kepara ana kang ngarani sariawan iku sabab keturunan.[2] Sejatiné mono yèn ndeleng asupan dhaharan wong-wong jaman saiki kok arang banget kang kekurangan vitamin C.[2] Mung tumrap kang kakehan ngrokok, wong kang stress, wong kang tansah ketaman polusi udara, wong kan influenza pancèn bisa waé kekurangan vitamin C, sebab ing kahanan mangkono iku akèh tenan butuhé vitamin C kuwi.[2] Kalebu pawongan kang pakaryané layar ing samodra iku umumé kekurangan vitamin C adoh janganan.[2] Ana manèh uwong kang sregep dhaharan asupan vitamin C, nanging kok ya tetep keserang sariawan. Bareng ditliti jebul uwong kang sregep konsumsi asupan vitamin C kuwi kerep ketaman stress.[2] Simpulane, vitamin C iku kaya-kaya larut kena dayane jiwa kang stress kasebut,[2] Salah sawiji dumadine sariawan kuwi jalaran badan ringkih.[2] Badan ringkih iki bisa sektor jasmani lan wilayah ruhani.[2] Ringkihe badan iki adaté krana koncatan imunitas.[2]

Macem-macem Sariawan[sunting | sunting sumber]

Sariawan iku akeh meceme.[3] Kepara ana penyakit kang memper sariawan nanging dudu sariawan.[3] Umume sariawan kuwi bisa waras dhewe ing sajrone kurun wektu sepuluh din. Yen sariawan durung bisa waras ing sajrone 10 dina, kudu enggal war priksa dhokter.[3] Tatu ing ilat lan lambe kang sebabe sipilis, warase ing sajrone 6-8 minggu. Tatu sipilis iki rasane malah ora clekit-clekit.[3] Beda karo sariawan sing larane nggeget ilat lan lambe.[3] Tatu-tatu gejala penyakit sipilis iku luwih amba lan luwih cetha.[3] Kang kena tatu ora mung ilat lan lambe wae, kepara cethak (langit-langit) uga banjur ketaman tatu-tau wujuf krowok-krowok. [3]Penyakit iki ora enggal waras, lawase bisa setaun.[3] Ana maneh penyakit kang memper sariawan yaiku TBC ilat lan lambe.[3] Tatune terus-terusan ora mari-mari.[3] Kepara ana penyakit ilat lan lambe kang disebabake jamur histoplasmosis, penyakit sariawan jamur histoplasmosis iki uga mbebayani banget.[3] Ana penyakit tatu-tatu ing ilat, lambe lan gusi kang thukul sawise uwong nyabut untune.[3] Penyakit sariawan cabut untu iki disebabake dening jamur actionomycosis.[3] Tatu-tatu ing lambe lan ilat iki uga bisa sebab penyakit leukemia.[3] Penyakit ilat lann lambe kang krana leukemia iki suwi marine.[3] Ana maneh tatu-tatu ing ilat lan lambe iku yen uwonge mentas dhahar asupan pangan kang asing, utawa mentas nyoba odhol kang ora cocog karo ilat lan lambe.[3] Tatu ing ilat lan lambe kang sebab asupan dhaharan lan odhol iku disebabake alergi.[3] Banjur ana uga tatu-tau ing ilat lan lambe kang duwe sipat bergelombang.[3] Tegese, sedhiluk muncul banjur waras, nuli dibaleni maneh lara mangkono, iki gejala penyakit herpes.[3] Sariawan herpes panggonane ora ngalih-ngalih.[3] Ing lambe tuwuh plenthingan isi gethah kang bening kemroyok akeh banget, rasane perih pating clekit. [3]Sariawan herpes iki tansah muncul yen uwong iku ing kahanan badane lungkrah.[3] Sariawan murni iku tatunemung ciut wae, wangune tatu oval warnane abang semu kuning.[3] Rasane clekit-clekit.[3] Kang umum cacahe tatu mung telung plenthingan lan bisa waras dhewe ing sajroning wektu 10 dina tanpa nganggo obat-obatan.[3] Umume metune sariawan iku ing nalikane salin musim, saka mangsa ketiga menyang mangsa udan lan kosok baline.[3] Uga muncul nalikane wong iku kepayahen, duwe masalah dadi sedhih satemah banjur tuwuh beban kajiwan kang aran stress.[3] Sariawan bisa ditambani kemu nganggo banyu anget dicampur uyah sithik.[3] Uga migunakake anti biotik godhongan godhong sambiloto. Kang paling penting kudu bisa ngilangi stres.[3]

Cathetan suku[sunting | sunting sumber]

  1. ^ a b c (id)http://www.dechacare.com/(diunduh tanggal 30 Juli 2011)
  2. ^ a b c d e f g h i j k l (id)“Niteni Panyebabe Sariawan”.Panjebar Semangat.edisi 41:2007 kaca:38
  3. ^ a b c d e f g h i j k l m n o p q r s t u v w x y z aa ab ac (id)“Niteni Panyebabe Sariawan”.Panjebar Semangat.edisi 41:2007 kaca:39
Sumber artikel punika saking kaca situs web: "http://jv.wikipedia.org/w/index.php?title=Sariawan&oldid=831934"