Kaamiran Arab Manunggal

الإمارات العربيّة المتّحدة Al-Imārāt al-‘Arabīyah al-Muttahidah
Gendéra Aditamèng
Motto: —
Gunagita: Ishy Bilady
Kuthagara lan Kutha paling gedhé	Abu Dhabi
Jawatbasa	Arab
Papréntahan	Federal Parlementer Monarki semi konstitusional
• Presiden	Muhammad bin Zayid Al Nahyan
• Nayakotama	Mohammad bin Rasyid al-Maktoum
Kamardikan
• Banyu (%)	bisa dilirwakaké
Population
• Pikira-kira 2005	2.563.212 (136)
• Cacahjiwa -	-
GKK  (ITK)	Pikira-kira 2005
• Gunggung	US$103,5 miliar (56)
• Saben wong	US$23.818 (30)
Artacihna	Dirham (AED)
Laladan wektu	UTC+4
• Mangsa ketiga (AKK)	UTC+4
Kodhé bèl	971
TLD internèt	.ae

Kaamiran Arab Manunggal (dicekak KAM) iku nagara persatuan saka pitung kaamiran sing sugih lenga patra. Pitung kaamiran iki yaiku: Abu Dhabi, Ajman, Dubai, Fujairah, Ras al-Khaimah, Sharjah lan Umm al-Qaiwain.

Sajarah

Nagara-praja (luwih kaloka minangka kaamiran) ing sadawaning pasisir pasisir Lempongan Pèrsi mènèhaké hak pertahanan lan urusan njaba marang Karajan Karajan Manunggal ing abad kasangalas. Ing taun 1971, enem saka praja-praja iki-Abu Dhabi, Ajman, Fujairah, Sharjah, Dubai, lan Umm al-Qaiwain-gabung kanggo ngadegaké Kaamiran Arab Manunggal. Taun 1972, Ras al-Khaimah mèlu gabung.

Pulitik

Majelis Agung dumadi saka pamaréntah-pamaréntah pitung praja. Jabatan Présidhèn lan Wakil Présidhèn dilantik déning Majelis Agung saben limang taun. Majelis Agung uga nglantik barisan kabinèt, sawatara iku Majelis Federasi Kabangsan sing duwé anggota 40 wong saka kapitu praja nliti lan ngrembug undhang-undhang sing dianut. Ana siji sistem mahkamah pasekuton; kabèh praja kajaba Dubai lan Ras al-Khaimah wis mèlu sistem pasekuton iki; kabèh nagari duwé undhang-undhang sekular lan Islam kanggo kasus-kasus sipil, kajahatan, lan mahkamah tinggi.

Sheikh Zayed bin Sultan Al Nahyan minangka Présidhèn kesatuan iki wiwit madegé nganti séda tkaping 2 November 2004. Anak lanangé, Khalifa bin Zayed Al Nahayan dilantik dadi présidhèn dina ésuké.

Ékonomi

Kasugihan Kaamiran Arab Manunggal asal saka kasil lenga patra yaiku 33% saka GDP nagara iku. Kaamiran Arab iku nagara pangasil lenga gedhé dhéwé katelu ing kawasan lempongan sawisé Arab Saudi lan Iran. Wiwit 1973, Kaamiran Arab Manunggal wis ngalami owah-owahan saka nagara cilik sing dumunung ing sagara wedhi dadi nagara modhèren kanthi taraf kauripan sing dhuwur.

Wewengkon

Kaamiran Arab dumadi saka 7 praja:

• Abu Dhabi
• Ajman
• Dubai
• Fujairah
• Ras al-Khaimah
• Sharjah
• Umm al-Quwain

Géografi

Peta Kaamiran Arab Manunggal

Kaamiran Arab Manunggal dumunung ing kidul kulon Asia lan diubengi Lempongan Oman lan Lempongan Pèrsi antarané Oman lan Arab Saudi. Nagara iki dumadi saka dataran siyang garing lan sagara wedhi sing jembar kanthi gunung-gunung ing sisih wétan. Dunungé kang strategis ndadèkaké papan ampiran ekspor lan impor lenga donya.

Perjanjèn tapelwates antara Kaamiran Arab Manunggal lan Arab Saudi ing taun 1974 lan 1977 ora naté disebaraké marang umum. Amarga saka iku tapel wates sing persis mung diweruhi déning pamaréntah kaloro nagara mau.

Dhémografi

Kaamiran Arab sing ndunungi 4 yuta jiwa lan 1,6 juta jiwa sing dudu warganagara-50% saka iku asal saka Asia Kidul. Masarakat pribumi akèh-akèhé asal saka katurunan Pèrsi. Tingkat tuwuhing sing ndunungi luwih sithik katimbang nagara-nagara tanggané. Mèh kabèh rakyat ing Kaamiran Arab Manunggal Muslim. Watara 80% sing ndunungi bisa maca lan nulis.

Kabudayan

Kaamiran Arab Manunggal duwé gegayutan sing cukup kuwat karo masarakat Arab liya ing saindhenging donya. pamaréntah njaga unsur-unsur tradhisional sajeroning kasenian lan kebudayan liwat anané Yeyasan Kabudayan Abu Dhabi.

Deleng uga

• Pratélan nagara

Pranala njaba

• Portal resmi Archived 2009-11-13 at the Wayback Machine.
• UAE pages Archived 2005-06-06 at the Wayback Machine.
• AseanNewsNetwork - UAE
• Panduan ke Kaamiran Arab Manunggal Archived 2017-10-07 at the Wayback Machine.

Cithakan:Kaamiran Arab Manunggal