Taufiq Ismail

Saka Wikipédia Jawa, bauwarna mardika basa Jawa
Taufiq Ismail
Lair (1935-06-25) Juni 25, 1935 (umur 88)
Bukittinggi, Sumatra Barat
BasaBasa Indonésia
BangsaIndhonésia Indonésia
SukuMelayu
Warga nagaraIndonésia
AlmamaterInstitut Pertanian Bogor
Bebungah utamaAnugerah Seni (1970),
Cultural Visit Award dari Pemerintah Ostrali (1977),
South East Asia Write Award dari Karajan Thailand (1994)

Taufiq Ismail (Bukittinggi, 25 Juni 1935) punika sastrawan Indonésia. Tuwuh diwasa ing kitha Pekalongan, wonten ing kulawarga guru lan wartawan ingkang remen maos. Piyambakipun gadhah gegadhangan dados sastrawan wiwit taksih sinau wonten ing bangku SMA. Kanthi pilihanipun piyambak, Taufiq dados dhokter hewan lan ahli peternakan amargi gadhah kekarepan gadhah bisnis peternakan supados saged nggayuh gegayuhan kesusastraanipun. Piyambakipun tamat saking FKHP-UI Bogor ing taun 1963 nanging wusananipun gagal gadhah usaha ternak wonten ing satunggiling pulau ing Selat Malaka, ingkang wiwit rumiyin sampun dipungadhang-gadhang.

Kagiatan[besut | besut sumber]

Salami kuliah aktif dados Ketua Senat Mahasiswa FKHP-UI (1960-1961) lan Wakil Ketuaa Dewan Mahasiswa UI (1961-1962). Ing Bogor naté dados guru ing SKP Pamekar lan SMA Regina Pacis, ugi mucal wonten ing IPB. Amargi ndhèrèk tapak asma Manifesto Kebudayaan, piyambakipun gagal nglajengaken studi manajemen peternakan ing Florida (1964) lan dipunpecat saking kalungguhan dhosèn ing Institut Pertanian Bogor. Taufiq nyerat wonten ing sawatawis médhia, dados wartawan, salah satunggalipun pendiri Horison (1966), ndhèrèk ngadegaken DKJ lan dados pimpinan, Pj. Direktur TIM, Rektor LPKJ lan Manajer Hubungan Luar Unilever. Panampi beasiswa AFS International Scholarship, wiwit 1958 aktif wonten ing AFS Indonésia, naté dados Ketua Yayasan Bina Antar Budaya, penyelenggara pertukaran pelajar antarbangsa ingkang salami 41 taun (sejak 1957) sampun ngintun 1700 siswa dhumateng 15 nagari lan nampi 1600 siswa manca nagari dhateng Indonésia. Taufiq kapilih dados anggota Board of Trustees AFSIS ing New York, 1974-1976.

Karya[besut | besut sumber]

Taufiq nyerat buku kumpulan puisi, sepertos Malu (Aku) Jadi Orang Indonésia, Tirani dan Benteng, Tirani, Benteng, Buku Tamu Mangsa Perjuangan, Sajak Ladang Jagung, Kenalkan, Saya Hewan, Puisi-puisi Langit, Prahara Budaya:Kilas Balik Ofensif Lekra/PKI dkk, Ketika Kata Ketika Warna, Seulawah-Antologi Sastra Acèh, lan sanès-sanèsipu.

Kathah puisi Taufiq ingkang dipunnyanyèkaken déning Himpunan Musik Bimbo Archived 2013-02-14 at the Wayback Machine., pimpinan Samsudin Hardjakusumah, utawi sakwangsulipun Taufiq nyerat lirik kanggé Bimbo ing salebeting kerja sama. Taufiq ugi nyerat lirik kanggé Chrisye, Yan Antono (dipunnyanyèkaken déning Ahmad Albar) lan Ucok Harahap. Miturut piyambakipun kerja sama kados ngaten punika peryogi supados jangkauan publik puisi langkung wiyar.

Taufiq asring maos puisi ing ngjengipun publik umum. Ing manca nagari, piyambakipun sampun maos puisi wonten ing manéka warni festival lan acara sastra ing 24 kitha Asia, Australia, Amérika, Éropah, lan Afrika wiwit taun 1970. Tumrap panjenenganipun, , puisi nembé pikantuk ragi ingkang jangkep manawi sampun dipunserat lan dipunwaos ing sangajengipun publik. Wulan April 1993 Taufiq maos puisi prakawis Syekh Yusuf lan Tuan Guru, para pejuang ingkang dipunbucal déning VOC dhateng Afrika Selatan tigang abad sadèrèngipun, ing tigang panggènan ing Cape Town (1993), nalika apartheid nembé kabongkar. Wonten ing wulan Agustus 1994 maos puisi prakawis Laksamana Cheng Ho ing masjid kampung kelairan penjelajah samodra legendaris punika ing Yunan, RRT, ingkang dipunwosaken ugi tarjemah Mandarinipun déning Chan Maw Yoh.

Bosen bab kecenderungan puisi Indonésia ingkang kalangkung serius, wiwitan taun 1970-an piyambakipun nggarap humor salebeting puisi. Sentuhan humor karaos mliginipun wonten ing puisi berkabar utawi narasi. Antologi puisinipun ingkang sesirah Rendez-Vous dipunterbitaken ing Rusia tarjemahan Victor Pogadaev lan ilustrasi déning Aris Aziz saking Malaysia (Rendez-Vous. Puisi Pilihan Taufiq Ismail. Moskow: Humanitary, 2004.)

Penghargaan[besut | besut sumber]

  • Anugerah Seni saking Pamaréntah (1970), Cultural Visit Award Pamaréntah Australia (1977),
  • South East Asia Write Award saking Karajaan Thailand (1994),
  • Penulisan Karya Sastra dari Pusat Basa (1994).
  • Kaping kalih dados penyair tamu wonten ing Universitas Iowa, AS (1971-1972 lan 1991-1992),
  • Pengarang tamu ing Dewan Basa dan Pustaka, Kuala Lumpur (1993).
  • S,E,A, Write Award (1994)

Sumber[besut | besut sumber]

  • Ismail,Taufiq. 2004. Malu (Aku) Jadi Orang Indonésia. Jakarta:Yayasan Indonésia.

Ugi pirsani[besut | besut sumber]

Pranala njawi[besut | besut sumber]