Vereenigde Oostindische Compagnie

Saka Wikipédia Jawa, bauwarna bébas abasa Jawa
(Dilih saka VOC)
Log VOC

VOC cekakan saka Vereenigde Oostindische Compagnie iku firma Walanda sing diadegaké tanggal 20 Maret 1602.[1] Tembung Walanda Vereenigde Oost-Indische Compagnie iku tegesé "Sarékat Dagang Hindhia-Wétan".[2] Firma dagang iki diarani Wétan amarga uga ana VWC utawa sarékat dagang kulon.[3] Firma iki sing kapisan ngetokaké saham.[3] VOC nduwé cabang-cabang,kang cacahé 6 (Kamers) ing Amsterdam, Midlleburg (mirunggan Zealand), Enkhuizen, Delfi, Hoorn, lan Rotterdam.[4] Delegasi sakaruang iki ngumpul minangka Heeren XVII (XVII Tuan-Tuan).Kamers nyumbang delegasi ing pitulas padha karo proporsi modale sing dibayarke;delegasi Amsterdam cacahé wolu.[5] Ana ing Indonésia,VOC nduwé sebutan populèr Kompeni utawa Kumpeni.[5] Istilah iki dijupuk saka tembung Compagnie ing njerone jeneng jangkep perusahaan iku ing basa Walanda.[5] Nanging rakyat Nuswantara luwih kenal yèn Kompeni iku wadya Walanda amarga sering gawé rakyat cilaka saka kabèh penindasan kang dilakokake.[5]

Tujuane VOC[besut | besut sumber]

Tujuan mliginé VOC diadegake ya iku kababar saka perundingan 15 Januari 1602 ya iku kanggo “nimbulake bencana marang para musuh lan kanggo keamanan tanah air”.[3] Sing dimaksud musuh nalika iku ya iku Portugal lan Spanyol sing nalika wayah Juni 1580 nganti Dhésèmber 1640 ngabung dadi siji kakuwatan sing arep ngrebut dominasi perdagangan ing Asia.[3] Kanggo sawetara waktu, kanthi VOC bangsa Walanda isih nganakake gayutan apik karo masarakat Nusantara.[3]

Hak istimewa[besut | besut sumber]

Sanadyan sejatine VOC iku organisasi kang ngurusi adol-tinuku,nanging duwé kaistimewaan amarga éntuk dukungan saka nagara lan diwènèhi fasilitas-fasilitas sing istimewa.[6] Tuladhané waé VOC éntuk nduwé wadya,éntuk nganakake negosiasi marang nagara liya, kaya déné nagara njroning nagara.[6] Hak-hak istimewa sing kapacak ana ing Oktrooi (Piagam/Charta) tanggal 20 Maret 1602 kalebu ing njerone ya iku [6] :

  • Hak monopoli kanggo adol tinuku lan mayang ana ing wewengkon sisih wétan Tanjung Harapan lan sisih kulon Selat Magelhaens sarta nguasani perdagangan kanggo kepentingane dhéwé;
  • Hak kedaulatan (soevereiniteit) saéngga bisa nglakokaké tindakan kaya-kaya hake nagara kaya ta:
  1. ngrumat angkatan perang,
  2. maklumake perang lan nganakake perdamaian,
  3. ngrebut lan njagongi laladan-laladan asing ing luar Nagari Walanda,
  4. merintah laladan-laladan kasebut,
  5. ngukuhaké/ngetokake mata-uang dhéwé, lan
  6. mungut pajeg.
Salah sijining saham Perusahaan Hindia Wétan Walanda, tanggal 7 November 1623, kanggo jumlah 2.400 florin

Bubare VOC[besut | besut sumber]

Ana ing pertengahan abad ka-18,VOC ndadak dibubaraké déning pamaréntah Walanda.[4] Bubare VOC jalaran alesan ing ngisor iki [4]:

  • Akèh punggawa VOC sing curang lan nindakake korupsi
  • Akèh biayakang dienggo lan jarang ana sumber pendapatan. Biaya kang diwetokake ya iku biaya kanggo paprangan nglawan perjuangan kaum pribumi. Tuladhané perang nglawan Hasanuddin saka kraton Gowa
  • Akèh biaya kanggo nggaji punggawa mergane kekuasaan nuswantara sing jembar mesti butuh punggawa akèh lan wragad kanggo mbayar pegawénen mau.
  • Pembayaran Devident (keuntungan) kanggo kang nyekel saham mèlu nggawé abot sawisé pemasukan VOC suda akèh
  • Tambahe saingan dagang ing Asia mliginé Inggris lan Prancis
  • Pangowahan kondhisi pulitik ing Walanda amarga ngadege Républik Bataaf 1795 sing demokratis lan liberal sing nganjurake perdagangan bébas.

Nganggo alesan ing dhuwur mau tanggal 31 Dhésèmber 1799 dalah 136,7 juta gulden lan pasugihan sing diditinggal arupa kantor dagang, gudang, bètèng, kapal sarta laladan kekuasaan ing Indonésia[6][7].

Cathetan suku[besut | besut sumber]

  1. ^ netsains.com(dipunundhuh tanggal 23 mei 2011)
  2. ^ www.blimbing.nl(dipunundhuh tanggal 23 Mèi 2011)
  3. ^ a b c d e www.scribd.com(dipunundhuh tanggal 23 mei 2011)
  4. ^ a b c Mencicipi petualangan - Sejarah rempah-rempah www.economist.com The Economist, 17 Dhésèmber 1998](dipunundhuh tanggal 23 mei 2011)
  5. ^ a b c d Saham tertua di dunia (VOC 1606)(dipunundhuh tanggal 23 Mèi 2011)
  6. ^ a b c d id.shvoong.com(dipunundhuh tanggal 23 Mèi 2011)
  7. ^ www.wikimu.com(dipunundhuh 23 mei 2011)