Térong walanda

Saka Wikipédia Jawa, bauwarna mardika basa Jawa
Jump to navigation Jump to search
Térong walanda
Solanum betaceum-IMG 0242.jpg
Klasifikasi ngèlmiah
Karajan: Plantae
Unranked: Angiosperms
Unranked: Eudicots
Unranked: Asterids
Ordho: Solanales
Famili: Solanaceae
Génus: Solanum
Spésies: S. betaceum
Jeneng binomial
Solanum betaceum
Cav.
Sinonim[1]
  • Cyphomandra betacea (Cav.) Sendtn.
  • Cyphomandra crassifolia (Ortega) J.F. Macbr.
  • Pionandra betacea (Cav.) Miers
  • Solanum betacea Cav.
  • Solanum crassifolium Ortega
  • Solanum insigne Lowe


Térong Walanda ya iku jinis tuwuhan anggota kulawarga terong-terongan (Solanaceae).[2] Térong Walanda wiwit ditandur ing Bogor Jawa Kulon wiwit taun 1941.[2] Ing Indonésia térong jinis iki digawa lan ditandur karo wong Walanda nalika iku, mulané diarani terong Walanda.[2] Térong Walanda asalé saka laladan Amazon ing Amérika Latin.[2]

Morfologi[besut | besut sumber]

Térong Walanda duwé ciri ambuné kaya lembu kutub, dawané gagang godhong nganti 7–10 cm.[3] Kembang térong Walanda ana ing pérangan antarané godhong karo gagang.[3] Kembangé duwé warna jambon lan ana uga kang biru enom, ambuné wangi lan dhiameteré kurang luwih 1 cm.[3]

Ciri liyané bisa dititèni saka pérangan kembang kang cacahé lima, godhong makutha kang dhapuré genta, lan duwé benang sari kang cacahé lima, manggon ing ngarep makutha kembang, kepala sari kang ndhelik, bakal woh kang duwé loro ruwangan, lan akèh bakal wijiné, lan kepala putik kang cilik.[3]

Woh térong Walanda dhapuré bunder kaya endhog, ukurané 3–10 cm x 3–5 cm, lan pérangan pucuké rada lancip, nggandhul saka pangé amarga gagangé kang dawa, kelopaké ora rontok, kulit wohé alus lan lunyu, wernané rada abang, jingga nganti kuning, daging wohé akèh banyuné, rasané rada kecut.[3] Wiji térong Walanda dhapuré bunder gèpèng, tipis lan rada atos.[3] Woh térong Walanda bisa dipangan nalika seger lan kanggo bumbu masak, janganan lan ombènan.[3]

Cathetan sikil[besut | besut sumber]

  1. "The Plant List: A Working List of All Plant Species". 
  2. a b c d medanku.com(diundhuh tanggal 22 Agustus 2011)
  3. a b c d e f g [Asmaria. 2008.’’Pemanfaatan Tepung Kulit Buah Terong Walanda Fermentasi ’’Aspergilus Niger’’ Terhadap Kinerja Reproduksi Burung Puyuh (Cutornix Japonica). USU Repository]