Wong Lhoba

Saka Wikipédia Jawa, bauwarna bébas abasa Jawa
(Dilih saka Suku Lhoba)
Suku Lhoba
(Bokaer, Bengni, Luoba, Lhopa,
Loba, Yidu, Bengru, Idu)
Lhoba-1.jpg
Gunggung cacah jiwa
5,697
Tlatah mawa cacah jiwa akèh
Cithakan:Country data china (Tibet) 2,322 (1999)[1]
 India (Arunachal Pradesh) 3,375 (1981)
Basa
Hindi, Inggris, Idu, Bokar, Tibet, Cina
Agama
Buddha[2]
Golongan ètnik magepokan
Monpa, Adi, Tibet

Wong Lhoba iku golongan wong kang ana ing Républik Rakyat Cina. Golongan wong iki kagolong paling cilik cacah jiwané tinimbang golongan-golongan wong liyané. Wong iki diakoni déning pamaréntah Cina wiwit taun 1965, lan dadi salah siji golongan wong saka 56 ètnis ing Cina. Kanthi cacah jiwa watara wong 3.000, wong Lhoba uripé ing laladan Mainling, Medog, Lhunze lan kabupatèn Nangxian ing Tibet Kidul kulon. Saliyané iku, ana warga kang manggon ing Luoyu, Tibet kidul lan ing sadawané winatesan India lan Nepal.

Wong Lhoba mung migunakaké basa khas duwéké Tibet-Myanmese kang kalebu ing sistem basa Tibet-Cina. Sabeneré akèh wong kang migunakaké basa Tibet. Ora ana cathetan naskah kang tinulis nalika jaman biyèn déning wong Lhoba. Jaman biyèn wong Lhoba kanthi cara ngukir ing sadhuwuring kayu.

Jaman biyen, uripé Wong Lhoba sengsara. Wong iki diintimidasi lan ngrasakaké diskriminasi déning pamarentah laladan Tibet. Wong Lhoba dianggep saka kasta kang luwih cendhek, akèh wong saka wong iki kang diusir lan kapeksa manggon ing alas lan gunung. Wong wong Lhoba ora diéntukaké lunga saka kana tanpa ijin lan ora éntuk nglakoni doltinuku karo klompok wong liyane. Saliyané iku uga ora éntuk nikah karo wong Tibet. Wong wong iki kudu golek panguripan kanthi cara ngumpulaké panganan, mburu lan mancing amarga asil gandum kang ora nyukupi.[3]

Wong Lhoba nduwèni adhat lan kebiyasaan nganggo klambi kang béda-béda ing saben klan. Wong Lhoba kang manggon ing bageyan lor Luoyu, kang lanang nganggo klambi kang ora ana lengene, kancing ing ngarep, jaket ireng nganti tekan dhengkul kagawé saka wol wedhus lan ditambah nganggo topi kang kagawé saka kulit bruwang utawa bahan kang ditenun saka gagang-gagang pring utawa rotan dicampur karo kulit bruwang.

Cathetan sikil[besut | besut sumber]

  1. ^ 民族区域自治拾零, China Ethnicity, from Department of Statistics. Retrieved December 21, 2008
  2. ^ Caidan An, Jun Liu, Jinhui Li, Tao Xie (2003). 西藏旅游指南英: Travel Guide. 五洲传播出版社. k. 123. ISBN 7508503740. 
  3. ^ (id)56 Etnis Suku di China: The Lhobas


Sumber artikel punika saking kaca situs web: "https://jv.wikipedia.org/w/index.php?title=Wong_Lhoba&oldid=1082611"