Samulnori

Saka Wikipédia Jawa, bauwarna bébas abasa Jawa
Samulnori
Pertunjukkan Samulnori ing Bremen, Jerman
Hangul 사물놀이
Hanja 놀이
Alihaksara sing Disampurnakaké Samullori utawi Samul nori
McCune–Reischauer Samullori utawi Samul nori

Samulnori (사물놀이) punika dolanan piranti musik perkusi tradisional saking Korea. Saged ugi dipuntegesi genre musik perkusi tradisional saking korea. Tembung Samulnori piyambak ateges sekawan objek lan nori ateges dolanan. Dados kanthi harfiah samulnori punika ateges permainan kanthi ngginakaken sekawan piranti musik tradisional Korea [1].

Samulnori punika wonten sekawan piranti musik inggih punika :

Saben piranti musik punika nggambaraken manéka macam kahanan cuaca. Janggu punika dados lambang udan, kwaenggwari punika nglambangaken gluduk, jing minangka lambang swantun angin, dene buk punika minangka lambang awan. Samulnori ugi nggambaraken konsep Ying lan Yang [1][2]. Swantun saking buk lan janggu nglambangaken langit déné swantun jing lan kwaenggwari punika swantun saking lemah. Samulnori ngasilaken warni musik énggal ing musik Korea, mliginipun Korea Selatan. Karakter musik saking samulnori punika dinamis, enerjik, lan cepet dipunanggep nggambaraken sipating tiyang Korea [2].

Samulnori akaripun saking nong-ak ( kanthi harfiah ateges petani musik ), satunggaling genre rakyat Korea ingkang kapérang dados musik, akrobat, tarian rakyat, lan ritual [1]. Nongak piyambak dipunpengaruhi déning ritual ingkang dipunlampahi ing Shamanisme lan Buddhisme Korea.

Sejarah[besut | besut sumber]

Samulnori punika wujud musik ingkang kapisan dipuntepangaken dhateng donya nalika taun 1978. Sadèrèngipun, saben désa gadhah rombongan perkusi piyambak ingkang dipunwastani pungmulpe déné musik ingkang dipundolanaken punika dipunwastani pungmul utawi nongak. Kejawi punika, satunggaling rombongan Namsadangpae ingkang damel tontonan kanthi muteri padesan punika ugi ngginakaken pungmul. Kala punika, dipunpimpin déning gendéra kanthi seratan nama rombongan. Piranti ingkang dipunginakaken punika kadosta Jagun, Buk, Kwaenggwari, Jing, Taepyeongso, lan Sogo. Ugi ndhèrèk para musisi kasebut punika para penghibur ingkang dipunwastani Japsaek kanthi konstum kados sarjana lan sanèsipun. Pementasan punika ingkang dados asal usuling Samulnori [3].

Salmunori saged narik kawigatosan kawula enèm nalika dipunpentasaken ing panggung alit ing Insa-dong nalika taun 1978. Mliginipun sekawan musisi enèm inggih punika Kim Deok-su, Kim Yong-bae, Lee Gwang-su, lan Choi Jong-sil [3].

Samulnori sampun kawéntar ing donya internasional wiwit saking taun 1980-an. Kathah komunitas Korea ing Amerika Serikat, Amerika Latin, lan Éropah ingkang sampun gadhah grup samulnori. Ing taun 1993 kelompok pemain ingkang wiwitanipun namung wonten 4 tiyang lajeng tambah dados 20 tiyang. Ing Indonesia, kelompok samulnori naté ndhèrèk nggayengaké Festival Erau 2001 lan 2003 ing Kutai Kartanagara ing Kalimantan Timur lan pikantuk sambutan ingkang meriah [4]..

Pranala njaba[besut | besut sumber]

Cathetan suku[besut | besut sumber]

  1. ^ a b c [1] (id) Samulnori korean percussion ( dipun-akses tanggal 10 Januari 2013 )
  2. ^ a b [2] (id) Samulnori ( dipun-akses tanggal 10 Januari 2013 )
  3. ^ a b [3] (id) http://world.kbs.co.kr Program musik ( dipun-akses tanggal 10 Januari 2013 )
  4. ^ Delegasi Korea Selatan Persembahkan Samulnori
Sumber artikel punika saking kaca situs web: "https://jv.wikipedia.org/w/index.php?title=Samulnori&oldid=1101610"