Taepyeongso
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Taepyeongso | |
|---|---|
 Peniup taepyeongso ing Astana Gyeongbok | |
| Jeneng Koréa | |
| Hangul | 태평소 |
| Hanja | 太平簫 |
| Alihaksara Koréa Kang Sinampurna | taepyeongso |
| McCune–Reischauer | t'aep'yŏngso |
Taepyeongso (태평소) punika satunggaling piranti musik tradhisional Koréa ingkang wujud suling vertikal nanging mirib kaliyan trompet. Taepyeongso punika jinis uling kanthi nada inggil ingkang dipunjangkepi kaliyan kerucut. Piranti musik punika dipuntepangaken saking Asia Tengah liwat Cina ing pungkasan abad kaping 14. Taepyeongso punika piranti musik ingkang wigati ing dolanan pungmul [1].
Taepyongso punika dipundamel saking kayu ingkang atos kados kayu wit jujube. Taepyongso gadhah ruang kotak swara ingkang dipunwastani Gwandae lan dawanipun 30 cm. Ing pérangan ngajeng Gwandae dipunpasangi Dongpallang ingkang mbentuk kados corong saking tembaga lan dipunpasang Seo ingkang dipundamel saking buluh ing pérangan sebul. Awit saking punika, piranti musik satunggal punika ngasilaken swantun metalik ingkang béda kaliyan piranti musik déning piranti ingkang kadamel saking pring sanèsipun [2]. Nama sanès kanggé taepyeongso inggih punika hojoek, nalmari, utawi swaenap. Wujuding awak kerucut punika kadamel saking kayu atos, lambe lan corong dipundamel saking kuningan [3] . Taepyeongso saged ngasilaken swantun ingkang nyaring, seru, lan bening saéngga kalebet piranti musik ingkang wigati ing dolanan musik ingkang dipungelar ing njawi ruangan antawisipun musik militèr (daechwita) lan pungmul [2].
Sajarah
[besut | besut sumber]Taepyeongso dipuntepangaken ing Koréa kapisan nalika periode Dinasti Goryeo saking Cina. Ing Cina piyambak, piranti musik punika dipunwastani suona, dipunadaptasi saking piranti musik Asia Tengah kanthi nama surnay utawi zurna [2].
Kelompok Sadang nglampahaken taepyeongso kanggé narik kawigatosan pamirsa ing hiburan keliling ing dhusun-dhusun. Wonten ing musik militèr taepyeongso ginanipun dados melodi utama amargi piranti musik sanèsipun namung saged mainaken satunggal nada. Pemain legendaris taepyeongso antawisipun, Choi In Seo (1892-1978) ingkang dados peran ing chwigosu, kelompok juru main perkusi lan piranti musik sebul ing grup daechwita [2].
Ing taun 1970-an, musisi ing Koréa Utara damel modifikasi piranti musik punika dados langkung dawa lan nadanipun ugi langkung kathah variasinipun. Gaya anggènipun nglampahaken taepyeongso Koréa Utara ingkang kawentar dipunusung déning satunggaling kelompok musik kanthi nama Geumgangsan Opera Troupe ingkang mlampah ing Jepang.
Cathetan suku
[besut | besut sumber]- ↑ [1] Archived 2016-03-06 at the Wayback Machine., (id) Piranti musik pura (dipun-akses tanggal 07 Januari 2013).
- ↑ a b c d [2] Archived 2016-03-05 at the Wayback Machine., (id) Taepyeongso (dipun-akses tanggal 07 Januari 2013).
- ↑ Taepyeongso (태평소) Archived 2017-12-01 at the Wayback Machine., KBS.