Pungmul

Saka Wikipédia, bauwarna bébas basa Jawa
Pungmul
Hangul 풍물 utawi 농악
Hanja utawi
Alihaksara sing Disampurnakaké Pungmul utawi Nong(-)ak
McCune–Reischauer P'ungmul utawi Nongak

Pungmul, pungmulnori utawi nong-ak ( musik petani )punika musik rakyat Korea ingkang mlebetaken unsur dolanan piranti musik, tarian, akrobat lan nyanyian. Variasinipun manéka warni miturut laladanipun.

Sejarah[besut | besut sumber]

Kesenian punika akaripun saking ritual shamanisme lan dipunpentasaken kanthi ramé-ramé minangka bagéyan saking madangnori, pertunjukkan musik lan tari rakyat ingkang dipunlakokaken ing lapangan kabikak. Saben tiyang saged ndhèrèk partisipasi nglampahaken piranti musik lajeng nari sesarengan. pungmul punika jinis musik Korea ingkang kenceng lan èksprèsif. Pungmul dipunlebetaken kategori ing jinis minsogak utawi musik rakyat kathahipun.[1]

Nalika nggarap lahan tetanèn, para petani ngginakaken manéka piranti musik kanggé ngenthengaken bebaning para petani lan minangka hiburan. Musik ugi dipunginakaken minangka pangiring donga lan ritual dhateng dewa supados kasiling tetanèn punika dipunrahmati lan dipunlindungi saking serangan ama. Sansaya dangu, pungmul dipunginakaken dados kelompok musik petani nalika wonten fèstival-fèstival ing laladan padésan [2]. Kelompok pemusik punika dipunwastani pungmulpae [3].

Èlemen pungmul[besut | besut sumber]

èlelmen utama saking pungmul punika piranti musik perkusi. Saben kelompok pemusik gadhah satunggal utawi langkung pemain kkwaenggwari ( gong alit ), sogo ( gendérang alit ), janggu ( gendhang dawa ), buk ( gendhang ageng ), lan jing ( gong ageng ). Piranti musik sebul kanthi nada inggil ugi dipunginakaken kanggé pangiring kadosta taepyeongso lan nabal.

Variasi laladan[besut | besut sumber]

Wonten manéka jinis pungmul ing Korea adhédhasar laladanipun piyambak-piyambak, inggih punika Utdari Pungmul saking Gyeonggi, Chungcheong, yeongnam Pungmul saking wewengkon Jeolla wewengkon Gyeongsang Kidul lan tenggara, ugi Yeongdong Pungmul saking laladan Gangwon. Saben permainan pungmul ing wewengkon-wewengkon punika kagungan ciri khas ingkang béda. Padatanipun permainan pungmul ugi wonten tampilan pangut bilih para pemain piranti musik punika mbentuk kelompok lan nari saha damel akrobat. Para pemain ngginakaken sangmo, topi lan pita dawa. Kanthi individu nari kanthi jumbuh kaliyan musikipun, kados sogochum ( tari gendérang alit ), jangguchum ( tari gendérang dawa ), bukchum ( tari gendérang ageng ), saha wonten sangmonori inggih punika mainke pita dawa kanthi muter-muter.

Cathetan suku[besut | besut sumber]

  1. ^ [1], (id) Kebudayaan Korea (dipun-akses tanggal 07 Januari 2013).
  2. ^ (en)Youngnam Nongak, kbs. Diakses pada 17 Juni 2011.
  3. ^ [2], (id) Mengenal musik tradisional Korea (dipun-akses tanggal 08 Januari 2013).
Sumber artikel punika saking kaca situs web: "https://jv.wikipedia.org/w/index.php?title=Pungmul&oldid=1015559"