Kadhaton Gyeongbok

Saka Wikipédia Jawa, bauwarna mardika basa Jawa
(Kaelih saka Astana Gyeongbok)
Kadhaton Gyeongbok
Guenjeongjeon, halaman ngajeng Gyeongbok Palace.
Jeneng Koréa
Hangul
Hanja
Alihaksara Koréa Kang SinampurnaGyeongbokgung
McCune–ReischauerKyŏngbokkung

Kadhaton Gyeongbok utawi ingkang kawéntar ugi kanthi nama 'Kadhaton Gyeongbokgung punika satunggaling astana ingkang wonten ing sisih lor kutha Seoul (Gangbuk), Koréa Kidul. Astana punika kalebet satunggal saking 5 astana ageng ingkang dipunyasa déning Dinasti Joseon (1932-1910). Ingkang kanthi barès punika ateges dinasti ingkang dipunberkati lan makmur sanget. Pembangungan astana punika kawiwitan tigang taun sasampunipun dinasti punika jumeneng, kanthi nganut paham Khonghucu [1].

Sajarah[besut | besut sumber]

Astana Gyeongbokgung punika dipunyasa déning Raja ingkang damel Dinasti Joseon, Lee Seong-Gye nalika taun 1935 nalika kutha krajan nagara dipunpindhah saking Gyeseong dhateng Seoul. Astana punika ugi asring dipunsebat kanthi nama Bukgwol.

Kompleks astana[besut | besut sumber]

Astana Gyeongbok jumeneng wonten ing papan kanthi wiyar 180,000 m2. Ing sisih kidul wonten gerbang utama Gwanghwamun, ugi wonten Sinnumun, ing sisih wétan wonten Yeongchumun lan ing sisih kulon punika wonten Geongchunmun. Wonten ing salebeting astana meika wonten yasan utama kados ta Geunjeongjeon, Gyotaejeon, Jagyeongjeon, Gyeonghoeru, lan Hyangwonjeong [2].

Geunjeongjeon punika gedung utama kanggé paseban agung lan pepanggihan wanci enjing. Ing plataran ngajeng wonten tigang margi saking watu granit. Mergi ingkang sakedhik langkung inggil ing pérangan tengah punika margi kanggé raja, déné sanèsipun kanggé para rawuh. Jagyeongjeon punika papan kanggé ngaso ibunipun raja. Papan punika kawéntar kanthi tembokipun ingkang kebak kembang lan cerobong beluk (Sipjangsaeng gulduk). Guldduk punika dipunsebut ingkang paling éndah ingkang naté dipundamel ing masa papréntahan Dinasti Joseon, lan dipunlebetaken dhateng pratélan Warisan Nasional No. 810. Gyotajeon punika wewengkon pribadi permaisuri. Papan punika éndah sanget amargi témbok lan lawang kanggé mlebet ing pérangan wingkingipun langsung madep ing Gunung Amisan saéngga pemandanganipun éndah sanget[2].

Gyeonghoeru punika papan kanggé pepanggihan kaliyan para rawuh saking nagara sanès lan papan kanggé festival-festival nalika wonten karaméan ing astana. Hwangwonjeoung wonten ing wingkingipun papan ngaso lan mapan ing plataran wingking. Ing mriki wonten kolam teratai. Ing mriki ugi wonten pabukon ingkang dipunwastani Sujeongjeon lan ruang kanggé nyambut damel raja ingkang dipunwastani Sajeongjeon [2].

Gladri[besut | besut sumber]

Ugi pirsani[besut | besut sumber]

Pranala njawi[besut | besut sumber]

Cathetan suku[besut | besut sumber]

  1. [1] Archived 2012-05-28 at the Wayback Machine., (id) Berita Koréa-Pariwisata (dipun-akses tanggal 08 Januari 2013).
  2. a b c [2] Archived 2013-03-11 at the Wayback Machine., (id) Pura Gyeongbokgung sisa kejayaan yang masih tampak agung (dipun-akses tanggal 08 Januari 2013).