Pura Changdeok

Saka Wikipédia Jawa, bauwarna bébas abasa Jawa
(Dilih saka Astana Changdeok)
Pura Changdeok
Hangul 창덕궁
Hanja 昌德宮
Alihaksara sing Disampurnakaké Changdeokgung
McCune–Reischauer Ch'angdŏkkung
Sana Warisan Donya UNESCO
Komplek Istana Changdeokgung
Janeng ing Pratélan Warisan Donya
Changdeokgung-Injeongjeon.jpg
Changdeokgung Injeongjeon

Jinis Budaya
Wewaton ii, iii, iv
Rujukan 816
Tlatah UNESCO Asia-Pasifik
Sujarah prasasti
Prasasti 1997 (Sési 21st)

Pura Changdeok utawi Pura Changdeokgung punika satunggaling pura Dinasti Joseon ing Seoul, Koréa Kidul ,[1][2]. Pura punika mapan wonten ing sisih wétan pura utama (Pura Gyeongbok). Pura punika pikantuk jejuluk Donggung ( Istana Timur ). Changdeokgung piyambak punika ateges Pura Kabecikan Gumawang.[3]

Minangka pura utama, Pura gyeongbok dados pusating pamaréntahan ing dipunubengi déning kuil leluhur, altar kurban, lan kantor-kantor pamaréntahan. Ananging pura ingkang dipunremeni lan dipunenggèni langkung dangu punika Changdeok. Nalika pungkasan Dinasti Joseon ing taun 1910, Pura Changdeok dados asèt pamaréntah lan kabikak kanggé umum.

Dumugi sapunika, kompleks punika dipunremeni amargi marisi èlemen-èlemen arsitektur Zaman Tiga Kerajaan ingkang harmonis kaliyan alam. Metode kados mekaten boten pinanggih ing pangyasaning Pura Gyeongbok. Sesarengan Bèntèng Hwaseong, Pura Changdeok dipunlestantunaken minangka Situs Warisan Donya UNESCO ing taun 1997 [4][5].

Sejarah[besut | besut sumber]

Pura Changdeok punika dipunbangun nalika taun 1405. Wiwitanipun pura punika dados villa utawi bale angin ( igung ). Pura kados mekaten padatanipun namung kaginakaken kanggé dalem raja sawetara nalika ngaso. Kathahipun dipunbangun tebih saking kutha krajan, mliginipun wonten ing dhaérah-dhaérah kanthi pemandhangan ingkang éndah. Ananging, Changdeok punika satunggaling vila ingkang mapan wonten ing kutha krajan namung 1 km saking Pura Gyeongbok. Kebiasaan mbangun vila wonten ing kutha kados mekaten kawiwitan nalika zaman Dinasti Goryeo.

Amargi wiwitianipun dipunbangun dados vila bangunan ing Pura Changdeok punika boten wiyar lan fasilitasipun kanggé nggampilaken raja. Nalika peran pura punika langkung kathah kanggé adicara ingkang resmi, banjur dipunwiyaraken lan cacahipun bangunan ugi dipuntambah.

Nalika 200 taun kapisan, Pura Changdeok boten kénging prabawa masalah pulitik ingkang kedadosan ing pura utama. Nalika gesangipun raja nembé tentrem banjur tindak dhateng Pura Changdeok. Ing periode punika, papan ingkang dados remenanipun raja inggih punika Gwangyeollu ( Pendhapa ingkang wiyar ) ingkang sampun jumeneng saking purwa. Raja Taejong asring ngawontenaken jamuan kanggé para pejabat pura Gwangyeollu lan mirsani gyeokgu ( polo ) saking mriki.

Pura Chaengdeok naté kobongan nalika prastawa Perang Imjin ing taun 1592 [6]. Pembangunan malih dipunwontenaken ing taun 1609 ingkang nggantos Pura Gyeongbok minangka pura utama [5].

Pirsani ugi[besut | besut sumber]

Pranala Njawi[besut | besut sumber]

Cathetan suku[besut | besut sumber]

  1. ^ [1] (id) Objek wisata di Korea Selatan - Istana Changdeok ( dipun-akses tanggal 8 Januari 2013 )
  2. ^ (en)Changdeokgung Palace Complex, UNESCO.
  3. ^ Kim, Dong-uk (2006). Palaces of Korea. Seoul: Hollym Corp. k. 88. ISBN 1-56591-224-1. 
  4. ^ (en)World Heritage Committee Inscribes 46 New Sites on World Heritage List, UNESCO.
  5. ^ a b [2] (id) Changdeokgung ( dipun-akses tanggal 8 Januari 2013 )
  6. ^ (en)Changdeok Palace / Biwon Garden, lifeinkorea
Sumber artikel punika saking kaca situs web: "https://jv.wikipedia.org/w/index.php?title=Pura_Changdeok&oldid=1081720"