Sagara Abang

Sagara Abang (basa Indonésia: Laut Merah, Arab بحر الأحمر Bahrul-Ahmar; Ibrani ים סוף Yam Suf; Tigrinya ቀይሕ ባሕሪ QeyH baHri) iku lempongan ing sisih kulon Jazirah Arab kang misahaké bawana Asia karo Afrika. Jalur menyang sagara ing kidul ngliwati Babul Mandib lan Lempongan Aden déné ing sisih lor dumunung Ujung Sinai lan Terusan Suez. Sagara iki ing papan kang paling jembar ambané 300 km lan dawané 1.900 km kanthi titik paling jero 2.500 m. Sagara Abang uga dadi habitat tumrap manéka makluk banyu lan koral.

Jeneng

Sanadyan kerep digandhèngaké karo carita-carita ing mangsa kapungkur, nanging nganti abad kaping 20, wong Éropah tansah nyebut "Lempongan Arab", déné Herodotus lan Ptolemeus nyebutaké "Arabicus Sinus". Banyu Sagara Abang dhéwé sakbeneré ora béda karo banyu sagara liyané.

Penjelasan èlmiah nyebutaké yèn warna abang ing lumahing sagara muncul akibat Trichodesmium erythraeum siyang ngembang. Ana uga kang njlèntrèhaké yèn jeneng mau asal saka gunung sugih mineral ing saubengé kang wernané abang.

Pariwisata

Kutha-kutha kang dumunung ing pasisir Sagara Abang antarané: Jeddah, Sharm el Sheikh, Plabuhan Sudan, lan Eilat. Ing taun 1950-an, Hans Haas nemu Sagara Abang minangka papan nyilem lan diterusaké déning Jaques-Yves Costeau. Pratélan kutha kang luwih jangkep: