Plasa

Saka Wikipédia Jawa, bauwarna mardika basa Jawa
Jump to navigation Jump to search
Plasa
Bute monos 110902-17469 bal.JPG
Plasa, Butea monosperma
ing Taman Nasional Baluran, Jawa Timur
Klasifikasi ngèlmiah
Karajan: Plantae
Unranked: Angiospermae
Unranked: Eudikotil
Unranked: Rosidae
Ordho: Fabales
Famili: Fabaceae
Génus: Butea
Spésies: B. monosperma
Jeneng binomial
Butea monosperma
(Lam.) Taub., 1894[1]
Sinonim

Erythrina monosperma Lam. (1786)[2]
Butea frondosa Roxb. ex Willd. (1795)[3]

Plasa (Butea monosperma) ya iku jinis wit anggota suku saka Fabaceae. Tetuwuhan  iki sumebar saka India, Asia Kidul-wétan, nganti Indonesia ing sisih kulon. 

Wedharan[besut | besut sumber]

Wit plasa

Wit cilik tumeka sedheng, 5-12(-20) m dhuwuré,  godhong bisa ngranggas. Kayune biyasané ora lempeng, kanthi klika kang pecah kasar-kasar werna coklat-klawu, nyerat, lan metu dhadhaké menawa ditatoni. Pupusé kanthi rambut kang kandel.

Ékologi[besut | besut sumber]

Plasa bisa ditemokaké ing papan kang lodhang lan ing alas-campuran. Ing Himalaya, wit iki ditemokaké nganti 1,200 m saka segara; déné ing Jawa, plasa tuwuh winates ing laladan garing mligi ing sisih wétan saka pulo Jawa, nganti dhuwur saka 1,500 m saka segara. Plasa tahan kaanan garing lan kurang banyu, lan bisa tuwuh ing lemah kang asin lan lemah kang drainasené kurang becik.

Wewengkon distribusi saka plasa kalebu Pakistan, India, Nepal, Sri Lanka, Bangladesh, Burma, Thailand, Laos, Kamboja, Vietnam, Malaysia, lan Indonesiaisih kulon.

Manfangat[besut | besut sumber]

Kembang

Miturut Heyne, kayu plasa ora bisa kanggo dandan amarga iku gampang mlethèk, muntir  lan gampang dipangan dening gegremet; kajaba kanggo kayu obong. Nanging kadhangkala kayuné digunakaké kanggo gawé perkakas lan uga kanggo bangunan.[4] Plasa uga digunakaké ing upacara agama Hindhu.

Akèh papan ing Pulo Jawa kang dijenengi nganggo tembung plasa.[5] Ing pewayangan, uga kacaritakaké menawa Patih Sengkuni asalé saka nagara Plasajenar.

Rujukan[besut | besut sumber]

  1. ^  Austria. 1894. Nat. Pflanzenfam. 3(3):366.
  2. ^  Austria 1786. Encycl. 2: 391.
  3. ^ "Butea monosperma (Lam.) Taub.". Germplasm Resources Information Network. United States Department of Agriculture. 2006-05-18. Dijupuk 2009-10-24. 
  4. ^  Austria 1987. Tumbuhan Berguna Indonesia 2: 1033. Badan Penelitian dan Pengembangan Kehutanan, Bogor.
  5. ^ Santosa, Imam Budhi (2017). Suta Naya Dhadhap Waru, Manusia Jawa dan Tumbuhan. 2017: interlude. k. 143. ISBN 9786026250421.