Wikipedia:Papat Limpad

Saka Wikipédia Jawa, bauwarna mardika basa Jawa
(Kaelih saka Papat Limpad)
Loncat ke navigasi Loncat ke pencarian
Papat Limpad

Papat Limpad iku istilah sajeroning Basa Jawa sing tegesé Papat Pinunjul lan minangka ajang kompetisi nulis ing situs Wikipedia Basa Jawa sing dianakaké ing Universitas Negeri Semarang (UNNES)[1] bebarengan karo Wikimedia Indonésia. Diiloni déning 100 peserta saka kalangan mahasiswa saka UNNES Semarang, para peserta bakal diuji ketahanané nulis nganggo cara Jawa aksara latin, ing sajeroning wektu 7 (pitung) sasi ya iku wiwit sasi April nganti Oktober taun 2011). Liwat kompetisi iki diangkah bakal ana penambahan gunggung lan kuwalitas artikel-artikel abasa Jawa ing situs Wikipedia abasa Jawa. Kanthi mangkono bisa dadi upaya nuwuh ngrembakaké Wikipedia abasa Jawa, sisan wujud upaya kanggo nyengkuyung upaya nyebar kawruh sajeroning basa Jawa kanthi gratis kanggo masarakat. Kompetisi nulis Papat Limpad iki kanggo sing sepisanan dianakaké ing Wikipedia abasa Jawa déning Wikimedia Indonésia kerjasama karo Universitas Negeri Semarang nganggo dana grant saka Wikimedia Foundation ing Amérika Sarékat. Sadurungé, Wikimedia Indonésia wis naté nganakaké konpetisi nulis ing basa Indonésia sing diarani proyèk Bébasaké Kawruh 2010. Amarga dianggep kasil ngundhakaké gunggung artikel lan cacahing panganggo aktif mula Papat Limpad iki diterusaké ing taun 2012 kanthi jeneng Papat Limpad 2012.

Kompetisi nulis[besut sumber]

Poster Papat Limpad

Kompetisi nulis iki digagas déning Proyek Utama Wikimedia Cipta ya iku kompetisi dirancang minangka acara kaintegrasi wujud pelatihan, uji ketahanan, upaya nambah artikel kuwalitas apik abasa Jawa ing ranah internèt ing sajeroning wektu pitung sasi. Kompetisi iki dianakaké minangka upaya nyurung semangat sukarélawan mbébasaké kawruh.

Kompetisi sing suwéné pitung sasi dirancang minangka sasana pelatihan sing bakal mecut juru nulis-juru nulis anyar sajeroning basa Jawa ing babagan ngumpulaké lan nulisaké informasi. Diajab kanthi anané para juru nulis-juru nulis anyar mau, artikel-artikel abasa Jawa ing Indonésia dadi tansaya akèh lan mènèhi aksès kawruh tumrap panutur basa Jawa sing ngupaya informasi liwat internèt. Amarga saka iku, gaya panulisan para peserta, saliyané diwajibaké nganut kaidah basa Jawa sing apik lan bener, kudu duwé gaya ènsiklopedhis lan dingertèni kabèh wong kanthi umum. Karya lan aktivitas para peserta bakal dibiji kanthi periodik déning para juri sing dumadi saka gabungan panitia, dosèn UNNES, lan uga perwakilan saka panganggo Wikipédia Basa Jawa. Kompetisi iki bakal diwiwiti kanthi pelatihan marang kabèh peserta saéngga bisa nulis miturut baku kompetisi sing diwanuhaké déning Wikimedia Indonésia.

Pelatihan lan nyunting bebarengan[besut sumber]

Kompetisi nulis Papat Limpad ditata kanthi aturan sing cetha kanggo jaga nétralitas lan lumintuné prosès nyunting ing Wikipedia basa Jawa. Bab iki wigati tumrap Wikipedia kanggo jaga supaya tetep lumintu anané panganggo sing nyunting saben dinané lan uga bisa nambah cacahing artikel. Cara kompetisi sing ora mung wujud 'sapisan dadi' iki uga wigati tumrap para paserta kompetisi sing lumrahé asal saka Fakultas Basa lan Seni UNNES jurusan basa Jawa, supaya luwih trampil lan kulina nulis ing basa Jawa. Para paserta wiwitané dibimbing ngenani paugeran lan wewaton sing wis baku ana ing situs Wikipedia. Saliyané iku uga dibimbing cara nyunting, gawé artikel anyar, ngganti irah-irahan artikel, ngunggah gambar, masang pranala, mènèhi kategori lan tandha-tandha utawa kodhe-kodhe liya sing ana ing situs Wikipedia. Sawisé bisa ngayahi panyuntingan para paserta diwajibaké nyunting utawa gawé artikel anyar lan dicathet présènsiné. Awit durung kulina mula para panitia sregeb mènèhi bimbingan pelatihan wujud pelatihan miturut jadwal lan kerep uga pelatihan tambahan sajabaning jadwal supaya para paserta ora kabingungan. Kala-kala uga dianakaké acara nyunting bebarengan ing laladan kampus UNNES lan laladan liyané sing nyadiakaké fasilitas wifi. Paugeran liya sing kudu diugemi déning para paserta kompetisi saliyané sing mligi tumrap lingkup kompetisi, ya iku paugeran lan kawicaksanan umum sing wis lumaku ing Wikipedia salawasé iki. Wewaton mau antarané wujud kawicaksanan nétralitas artikel, ora kena nglanggar hak cipta, lan aturan liyané sing diamot ing wewaton panca pilar Wikipedia.

Sawetara aturan kompetisi kaya kacetha ing tuladha aturan kompetisi babak sepisanan ing ingisor iki:

Prosès pelatihan lan bimbingan nulis[besut sumber]

Panitya pelatihan[besut sumber]

Asil kompetisi[besut sumber]

Dina Kemis tanggal 13 Oktober 2011 Kompetisi nulis Papat Limpad resmi ditutup sajeroning sawijining adicara gedhèn bebarengan karo pasowanan ageng Gebyar Budaya Jawa ing kampus UNNES Semarang. Sawisé nyandhak pitung sasi suwéné kompetisi wis ngasilaké punjul 200 artikel anyar lan uga nuwuhaké panambahan aktivitas suntingan sing kapara nyata.

Kuantitatif[besut sumber]

Screenshot owah-owanan ing Wikipedia abasa Jawa

Sacara kuantitatif, asil-asil tuwuhing gunggung artikel lan gunggung suntingan kacathet sajeroning statistik Wikipedia[2]. Gunggung artikel ing Wikipedia abasa Jawa nalika kompetisi nulis iki diwiwiti ana 32.000 luwih artikel, ing sasi Oktober wis nuduhaké panambahan dadi punjul 37.000 artikel. Dadi kanthi kasat mata panambahan gunggung artikel iki punjul 4.000 artikel. Saliyané iku cacahing suntingan uga nambah akèh. Nalika kompetii diwiwiti ing sasi Maret 2011 cacahing suntingan ana 459.057 suntingan, ing sasi Oktober wis dadi 582.781 suntingan, utawa panambahan kurang luwih 120.000 suntingan. Semono uga cacahing pamaca ing wiwitan kompetisi nuduhaké angka 1.2 yuta, déné ing sasi Oktober tikel dadi punjul 2 yuta. Saka kabèh mau, ing sasi Oktober 2011 peringkat Wikipedia abasa Jawa mundhak dadi peringkat 62 saka 282 basa-basa ing donya sing duwé Wikipedia[3].

Paserta Papat Limpad I[besut sumber]

Nalika dina pambuka ana kurang luwih 70 paserta sing mèlu ngregengaké kompetisi lan pelatihan nulis ing basa Jawa iki, nanging kanthi lumakuning kompetisi sawetara paserta palastra.

Paserta Putaran I Papat limpad I[besut sumber]

Paserta Papat Limpad I Putaran II[besut sumber]


Paserta Papat Limpad Putaran III/Final[besut sumber]

Para pamenang[besut sumber]

Kumpulan foto ing panutupan proyek papat limpad

Uga delengen[besut sumber]

Rujukan[besut sumber]

Pranala njaba[besut sumber]

Gladri[besut sumber]

Rawuhé Dirèktur Papat Limpad lan wakil ing Jurusan Basa Jawa FBS UNNES[besut sumber]

Rapat Persiapan Panitya Jakarta[besut sumber]

Tapak asma Dirèktur Eksekutif lan pelatihan panitya Papat Limpad[besut sumber]

Paluncuran Proyèk Papat Limpad ing Gedung Dekanad FBS UNNES[besut sumber]

Pamantepan panitya lan peserta Papat Limpat Semarang[besut sumber]

Panutupan Papat Limpad[besut sumber]