Papat Limpad 2012

Saka Wikipédia Jawa, bauwarna bébas abasa Jawa
Logo Papat Limpad 2012
Poster Papat Limpad 2012

Papat Limpad 2012 iku istilah sajeroning Basa Jawa kang tegesé Papat Pinunjul minangka ajang kompetisi nulis ing situs Wikipedia Basa Jawa. Kompetisi iki diangkah bakal diiloni déning para mahasiswa-mahasiswa Jurusan Sastra Jawa saka universitas-universitas ing Jakarta, Jawa Tengah lan Yogyakarta[1]. Katahanan para peserta bakal diuji sajeroning pitung sasi(September 2012 - April 2013). Liwat kompetisi iki diangkah bakal ana panambahan gunggung lan kualitas artikel-artikel abasa Jawa ing situs Wikipedia basa Jawa. Para pamenang kompetisi iki bakal olèh aprésiasi arupa komputer laptop lan sèrtifikat saka Wikimedia Indonésia. Kompetisi Papat Limpad 2012 iki didhukung kanthi dana bebarengan Wikimedia Indonésia, Wikimedia Prancis lan Wikimedia Swiss[2].

Kompetisi nulis[besut | besut sumber]

Kompetisi nulis iki dirancang minangka acara kaintegrasi arupa pelatihan, uji katahanan lan upaya panambahan artikel mawa kwalitas artikel abasa Jawa ing ranah internèt. Kompetisi iki diadani minangka upaya mbébasaké kawruh supaya bisa dianggo déning masarakat kanthi bébas.

Kompetisi kang lumangsung pitung sasi iki dirancang minangka sasana pelatihan kang bakal macu penulis-penulis basa Jawa ngumpulaké lan nulisaké informasi. Diangkah bakal ana penambahan penulis-penulis anyar basa Jawa, artikel-artikel abasa Jawa ing Indonésia bisa luwih akèh lan mènèhi aksès sesurupan tumrap penutur basa Jawa kang ngupadi informasi liwat internèt. Amarga saka iku, gaya penulisan para peserta, saliyané diwajibaké ngugemi kaidah basa Jawa kang apik lan bener, kudu nganggo gaya ensiklopedis lan gampang dimangertèni déning wong akèh kanthi umum.

Karya lan aktivitas para peserta bakal dibiji kanthi periodik déning para juri kang dumadi saka gabungan panitia, lan Wikipedia Basa Jawa. Kompetisi iki diwiwiti kanthi pelatihan marang para peserta saéngga bisa nulis miturut standar kompetisi Wikimedia Indonésia.

Peluncuran kompetisi[besut | besut sumber]

Kompetisi nulis Papat Limpad diluncuraké kaping 7 Mèi 2012 mapan ing kampus IKIP PGRI Semarang, dirawuhi déning punjul 200 mahasiswa lan dosèn pendhamping wakil-wakil saka pawiyatan luhur kang mèlu nyengkuyung proyèk iki ya iku Universitas Diponegoro, Universitas Gajah Mada, Universitas Indonésia, Universitas Negeri Semarang, Universitas Negeri Yogyakarta lan minangka kang amengku gati IKIP PGRI Semarang dhéwé[3]. Kompetisi kanthi resmi dibuka déning Dirèktur Jéndral Komunikasi dan Informasi Publik kang tumindak makili Mentri Komunikasi lan Informasi Républik Indonésia lan diseksèni déning Kepala Dinas Pendhidhikan Provinsi Jawa Tengah minangka sesulih saka Gubernur Jawa Tengah. Saka Jakarta saliyané para pangarsa Wikimedia Indonésia uga rawuh Dhuta Bébasna Kawruh Wikimedia Indonésia, Christian Sugiono.

Sadurungé acara peluncuran kanthi resmi dianakaké adicara tapak asma Memorandum of Understanding antarané Wikimedia Indonésia lan IKIP PGRI Semarang minangka simbol karya bebarengan sajeroning proyèk kompetisi iki. Adicara tapak asma karo pawiyatan luhur liyané dijadwalaké mapan ing kampus saben pawiyatan luhur peserta. Ing adicara peluncuran mau para pangarsa uga paring ular-ular ngenani karya bebarengan kang ora mung wigati tumrap Wikimedia Indonésia nanging uga wigati tumrap pawiyatan luhur kang mèlu nyengkuyung lan para mahasiswa kang dadi peserta kompetisi.

Pelatihan[besut | besut sumber]

Pawiyatan luhur peserta[besut | besut sumber]

Béda karo proyèk sadurungé ya iku Papat Limpad 2011 kang mung ngajak siji pawiyatan luhur ya iku Universitas Negeri Semarang, Papat Limpad 2012 ngrangkul luwih akèh pawiyatan luhur saka Jakarta, Semarang lan Yogyakarta. Sing mèlu anyengkuyung proyèk kompetisi nulis ing abasa Jawa Papat Limpad 2012 iki ya iku: IKIP PGRI Semarang, Universitas Diponegoro, Universitas Gajah Mada, Universitas Indonésia, Universitas Negeri Semarang lan Universitas Negeri Yogyakarta.

Spanduk PL 2012.jpg

Didhukung déning[besut | besut sumber]

Rujukan[besut | besut sumber]

Pranala njaba[besut | besut sumber]