Breslau

Wrocław

Lambang Wrocław Lokasi Wrocław
Katrangan cekak
Provinsi:	Silesia Hilir (dolnośląskie)
Jembar:	292,9 km²
Padunung:	635.932 jiwa 31 Desember 2005
Pelat nomor kendaran motor:	DW
Alamat balé kutha:	ul. Sukiennice 9 50-107 Breslau
Situs wèb resmi:	www.wroclaw.pl
Pulitik
Walikutha:	Rafał Dutkiewicz

Wrocław (pocapané ['vrɔtswaf]; Jerman: Breslau) iku kutha sing paling gedhé kaping papat ing Polandia yèn ditilik saka cacahé padunungé. Cacahé ana mèh 640.000 jiwa. Kutha iki kutha krajan Województwo dolnośląskie (provinsi Silesia Ilir). Saliyané iku kutha iki pusat Kauskupan Agung lan Diocese Protestan. Ing kutha iki uga akèh sekolah-sekolah dhuwur lan universitas, lembaga-lembaga sains saha akèh téater serta muséum. Kutha iki pusat budaya Silesia. Ing Wrocław akèh pabrik-pabrik mesin lan métal.

Wrocław papané ana ing pinggiring kali Oder (Odra). Kutha iki dibagi dadi rong bagéyan déning kali iki.

Sajarah

Breslau ing Abad kaping 17

Kutha iki nduwé sajarah dawa lan dikuwasani nagara sing béda-béda. Saka taun 1919–1945 Wrocław iku dadi kutha krajané provinsi Prusia, provinsi Niederschlesien.

Ing pungkasané Perang Donya II, kutha iki dibedhah déning Tentara Abang Uni Sovyèt lan sawisé taun 1945 diserahaké marang Polandia, dadi kompènsasi tlatah Polandia ing sisih wétan sing dicaplok Uni Sovyèt (Belarus lan Ukraina). Padunung Jerman ing kutha iki padha diusir kabèh, sanadyan sawisé iku isih ana wong Jerman manggon ing kutha iki. Kutha iki banjur dileboni wong-wong saka Polandia, utamané saka kutha Lwów sing dicaplok Uni Sovyèt.

Klub-klub Ulah raga

• Śląsk Wrocław - 1947 r., league: Ekstraklasa http://www.slaskwroclaw.pl/index.dhtml

Tokoh saka Breslau/Wrocław

• Edith Stein (lair 1891)
• Manfred von Richthofen (lair 1892)

Galeri

• 
  Kolase kutha Wrocław
• 
  Univèrsitas Wrocław
• 
  Kreteg Grunwaldzki
• 
  Komplèks pasca-modèrnisme Arkady sing dibuka ing awal taun 2007, serta isiné kantor, bioskop, mal lan akuarium iwak hiyu