Kenari (manuk)

Saka Wikipédia Jawa, bauwarna bébas abasa Jawa
(Dilih saka Manuk Kenari)
Disambig variants icon.svg
Artikel punika mboten magepokan kaliyan Kenari.
Manuk Kenari
Serinus canaria LC0210.jpg
Klasifikasi ngèlmiah
Karajan: Animalia
Filum: Chordata
Klas: Aves
Ordho: Passeriformes
Famili: Fringillidae
Génus: Serinus
Spésies: S. canaria
Jeneng binomial
Serinus canaria
(Linnaeus, 1758)
Serinus canaria canaria

Panemu Manuk Kenari utawi Peksi Kenari inggih punika pelaut saking Perancis, ingkang gadhah asma Jead de Berthan Cout watawis abad 15 ing kepulauan Canary, Azores, lan Madeira.[1][2] Manuk Kenari gadhah ukuran ngantos 14cm.[2] Prawakanipun saking badan gadhah warna kuning sitrun kanthi garis ingkang radi peteng.[3] Awaké arupa kuning sitrun kanthi garis kang luwih peteng.[2] Wulunipun lan buntutipun gadhah warnanipun cemeng ingkang pinggiranipun warna ijem semu kuning.[2] Ing ngandhapipun badan warnanipun radi kuning.[2] Wujudipun Manuk Kenari punika alit ugi gadhah swanten ingkang saé.[1]

Jinis[besut | besut sumber]

Wiwit gangsal abad kepengker, manuk kenari asring kawin silang kaliyan jinis manuk kenari sanèsipun, dadosaken manuk kenari piyambak gadhah jinis kados ta:[1]

  1. Kenari Norwich, punika jinis ingkang gadhah sajarah bènten kaliyan jinis manuk kenari sanèsipun.[4][5] Rikala semanten kathah tiyang nenun saking bangsa Flam ingkang ngingu manuk kenari jinis punika lan asring dipunasta pindah dhateng Inggris amargi dipunjajah déning bangsa Spanyol.[4][5] Penenun-penenun punika manggèn wonten dhaérah Norwich ing Norflok (Inggris).[4][5] Pratandha saking manuk kenari jinis punika wulunipun ingkang kandel lan wujudipun bunder.[1][4][5] Dadanipun amba, gegeripun cekak ugi amba,wulunipun cekak lan buntutipun ugi cekak.[4][5] Manuk punika gadhah warna ijem..[4][5] Dawanipun kinten-kinten 15-16cm.[4][5]
  2. Kenari Cinnamon, punika mèmper kaliyan Kenari Norwich.[1][5] Manuk punika gadhah wulu ingkang kandel lan wujud ingkang sarwa bunder.[4][5]
  3. Kenari Border, jinis punika ingkang paling misuwur ing kalangan kenari sanèsipun.[1][4][5] Manuk jinis punika asalipun saking Cumberland Fancy, lan saking Sempadan (Border) antawisipun lnggris lan Scotland.[4][5] Wujudipun bunder sadaya manawi dipuntingali saking pundi kemawon.[4][5] Dawanipun namung ngantos 14 cm.[4][5]
  4. Kenari Lancashire, punika jinis paling ageng ing nagara Inggris.[1][5] Jaman sapunika Kenari spésies jinis punika ugi angèl dipuntemoni.[4] Manuk jinis punika namung katingal manawi nembé ngempal kaliyan jinis kenari sanèsipun.[4][5] Pratandha jinis kenari punika gadhah mahkota utawi jambul ingkang dipunwastani Lancashire Coppy.[4] Ingkang wujudipun bunder ingkang dipunwastani Lancashire Plain Head.[4]
  5. Kenari Gloster, kenari jinis punika paling alit saking jinis kenari sanèsipun.[1][4][5] Dawanipun boten langkung 11cm.[3][4] Kenari Gloster warnanipun kuning lan wulunipun warna pethak semu ijem sami kaliyan buntutipun.[4][5] ing sirah wonten ingkang gadhah jambul wonten ugi ingkang boten gadhah jambul.[4] Manuk jinis punika ingkang boten gadhah jambul saged dipunwastani Consort.[4][5]
  6. Kenari London Francy, punika jinis kenari ingkang paling sepuh lan ugi sampun cures.[1][4][5] [5] Manuk jinis punika saé sanget wujudipun.[4][5] Wulu lan buntutipun werni semu emas lan rerenggan warni cemeng.[4][5]
  7. Kenari Fite Francy, Manuk jinis punika nembé dipuntepang déning masarakat.[4][5] miturut kapitadosan masarakat jinis punika renkarnasi saking jinis kenari london francy ananging gadhah ukuran langkung alit.[1][4][5] Kanthi wulu ingkang alus lan buntutipun warna pethak.[4][5] [5] Dawanipun ugi boten langkung 11 cm.[4][5]
  8. Kenari American Singer, kelebet jinis kenari ingkang kanthi fisik éndah lan gadhah swanten ingkang saé. Kenari American Singer punika asil silangan Kenari Border lan Kenari Roller. Sebaran: Kenari American Singer dipunkembangaken taun 1930-an déning sakelompok wadon ingkang salajengipun dipuntepangi kanthi nami “The Eight Boston House Wives”. Kenari American Singer kawitanipun dipunsebat “North American canary” utawi kenari Amérika Lor lan diasilaken saking silangan Kenari Roller Jerman (30%) lan Kenari Border (70%). Peksi punika kathahipun sumebar ing Amérika.

Varietas Kenari ingkang dipunkembangaken[besut | besut sumber]

  1. Kenari American Singer
  2. Kenari Belgian Fancy
  3. Kenari Border Fancy
  4. Kenari Color Bred
  5. Kenari Crested
  6. Kenari Fife Fancy
  7. Kenari Gloster Fancy
  8. Kenari Lizard
  9. Kenari Northern Dutch Frilled
  10. Kenari Norwich
  11. Kenari Parisian Frilled
  12. Kenari Red Factor
  13. Kenari Roller
  14. Kenari Spanish Timbrado
  15. Kenari Stafford
  16. Kenari Waterslager
  17. Kenari Yorkshire
  18. Kenari Scotch Fancy

Varietas langka[besut | besut sumber]

  1. Kenari Lancashire
  2. Kenari Cinnamon
  3. Kenari London Fancy

Gladri[besut | besut sumber]

Cathetan suku[besut | besut sumber]

  1. ^ a b c d e f g h i j Jinis-jinis burung kenari(dipunundhuh tanggal 23 April 2011)
  2. ^ a b c d e Soeseno, Ari.1993. Burung Hias Aneka Jinis dan Perawayannya. Jakarta: PT Penebar Swadaya. Hal 124
  3. ^ a b Jinis Kenari(dipunundhuh tanggal 26 April 2011) Masalah sitiran: Tenger <ref> ora trep; jeneng "Internet5" diwedharaké ping bola-bali déné isiné béda
  4. ^ a b c d e f g h i j k l m n o p q r s t u v w x y z aa ab Jinis Kenari yang Umum(dipunundhuh tanggal 26 April 2011)
  5. ^ a b c d e f g h i j k l m n o p q r s t u v w x y Jinis-Jinis Kenari(dipunundhuh tanggal 26 April 2011)