Karajan Kalingga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Kerajaan Kalingga)
Jujug: pandhu arah, pados
Pusat karajan Kalingga.

Karajan Kalingga iku salah siji karajan tua ing Nusantara tegesé ing tlatah Jawa sing saiki dadi Kecamatan Keling, Kabupaten Jepara. Karajan iki madeg ing taun 640 Masehi, Ratune sing misuwur ya iku Ratu Sima. Karajan iki nganut agama Hindu. Karajan Kalingga dibangun déning keturunan karajan Kalingga sing ana ing nagara bagian Orrisa (India) sing kalah perang lawan karajan kang dipimpin déning Maharaja Maurga (Asoka) Buddha, antawis taun 200 SM. Putri Maharani Ratu Sima, Parwati, daup karo putra mahkota Karajan Galuh sing asmané Mandiminyak, sing sabanjuré dadi raja ka-2 Karajan Galuh.

Maharani Ratu Sima nduwèni putra wayah asesilih Sanaha sing krama karo raja ka-3 saka Karajan Galuh, ya iku Bratasenawa. Sanaha lan Bratasenawa kagungan putra nama Sanjaya sing tembé mburi dadi raja Karajan Sundha lan Karajan Galuh (723-732M).

Sawisé Maharani Ratu Sima séda ing taun 732M, Sanjaya nggantèkaké buyuté dadi raja Karajan Kalingga Lor.

Kira-kira taun 732 M Wangsa Sanjaya ngowahi jeneng Kalingga dadi Mataram (Hindu). Sanjaya dadi raja pisanan Mataram (Hindu) sing kutha krajané dumunung ing Medang Kamulan. Kakuwasan ing Jawa Kulon dipasrahaké marang putrané saka Tejakencana, ya iku Tamperan Barmawijaya alias Rakeyan Panaraban.

Sabanjuré Raja Sanjaya palakrama karo Sudiwara puteri Dewasinga, Raja Kalingga Kidul utawa Bumi Sambara, lan apeputra Rakai Panangkaran.

Sumber[sunting | besut sumber]

Salahsiji sumber sajarah karajan Kalingga ya iku saking sumber-sumber Cinten.

Silsilah[sunting | besut sumber]

Ora ana catetan sajarah pendiri karajan Kalingga.

Miturut Naskah Wangsakerta Parwati kawin karo salah siji putra mahkota karajan Galuh ya iku Sempakwaja.

Karajan Kalingga > Karajan Mataram Kuna


 
Krajan ing Jawa

0-600 (Hindu-Buddha Mataram Kuna): Salakanagara | Tarumanagara | Galuh | Sundha | Kalingga | Kanjuruhan
600-1500 (Hindu-Buddha): Mataram Kuna, Medhang, Kahuripan, Janggala, Pangjalu, Singhasari, Majapahit, Pajajaran, Blambangan
1500-saiki (Islam): Demak, Pajang, Banten, Cirebon, Sumedang Larang, Mataram Enggal, Yogyakarta, Surakarta, Mangkunagaran, Pakualaman

Sumber artikel punika saking kaca situs web: "https://jv.wikipedia.org/w/index.php?title=Karajan_Kalingga&oldid=987777"