Ratu Shima

Saka Wikipédia Jawa, bauwarna bébas abasa Jawa
(Dilih saka Shima)

Shima iku ratu panguwasa Karajan Kalingga kang dumunung ing pasisir lor Jawa Tengah watara taun 674 Masèhi. Shima matrapaké hukum kang tegas kanggo brantas kadurjanan, sarta kanggo nyurung supaya rakyaté tansah jujur. Tradhisi nyaritakaké yèn ana raja manca kang dèlèh kanthong isi emas ing satengahé simpang dalan cedhak alun-alun kutha krajan Kalingga. Raja manca iki duwé niyat nguji bener salahé warta yèn rakyat Kalingga iku jujur. Ora ana siji-sijia warga Kalingga kang wani nyénggol kanthong kang dudu duwèké iku, nganti sawijining dina telung taun sawisé iku, putra Shima kanthi ora sengaja nyénggol kanthong mau nganggo sikilé. Sang Ratu banjur nibakaké ukuman pati marang putrané, nanging para pejabat lan mentri kerajan nyuwun supaya Sang Ratu paring pangapura marang sang pangéran. Amarga sikil sang pangeran kang nyénggol barang kang dudu duwèké iku, mula Ratu matrapaké ukuman ngethok sikilé sang pangeran.[1]

Miturut Carita Parahyangan Cicit Ratu Shima ya iku Sanjaya kang dadi Raja Galuh, lan miturut Prasasti Canggal minangka pangadeg Krajan Medang ing Mataram. Adhedhasar Naskah Wangsakerta disebutaké yèn Ratu Shima bésanan karo panguwasa pungkasan Tarumanagara.

Rujukan[besut | besut sumber]

  1. ^ Drs. R. Soekmono, (1973 edisi cetak ulang ke-5 1988). Pengantar Sajarah Kebudayaan Indonésia 2, 2nd ed. Yogyakarta: Penerbit Kanisius. k. 37.  Priksa gandra date ing: |date= (pitulung)