Ibnu Sina

Saka Wikipédia Jawa, bauwarna bébas abasa Jawa

Merge-arrows.svg

Ana usul supaya artikel utawa bagéan saka artikel iki digabungaké karo artikel Avicenna.   (dirembug)

Ibnu Sina ya iku pelopor elmu kedhokteran.[1] Déning wong Barat, dheweke diarani Avicenna.[1]

Jeneng dhawane ya iku Abu Ali Al-Huseyn bin Abdullah bin Hasan Ali bin Sina.[2] Ibnu Sina lair ing Bukhara, Uzbelistan, sasi Agustus 980 M.[2] Bapake ya iku Gubernur Bukhara ing mangsa Dinasti Samaniah kanthi aran Sultan Samanish Nuh II bin Mansyur (819 M-1005 M).[2] nalika umur 10 taun, dheweke wis bisa ngapalake Al Quran 30 jus.[2] Banjur nalika umur 16 taun, dheweke uga wis nguwasani pirang-pirang elmu ing antarane ya iku filsafat, ukum, logika, matematika, fisika, pulitik, lan kedhokteran.[2] Elmu kedhokteran bisa dikuwasani kanthi wektu kang cepet ya iku 1,5 taun.[2] Anggone sinau, uga tanpa guru.[2] Nalika umur 18 taun, dheweke uga wis praktik dadi dhokter.[2] Jeneng Ibnu Sina dadi misuwur kawit kasil anggone nambani penyakit Raja Nuh bin Mansyur ya iku penguwasa Dinasti Samaniah.[2] Minangka upahe, Ibnu Sina ditawani dadi dhokter ing istana lan dijamin urip kepenak, nanging Ibnu Sina ora gelem nampa upah mau.[2] Dheweke mung kepengin bisa maca buku kang ana ing perpustakaan istana.[2] Sawise maca buku-buku kang ana ing perpustakaan mau, elmu Ibnu Sina sansaya ngrembaka.[2] Ibnu Sina tinggal donya nalika umur 58 taun nalika lelungan bareng pemimpin Isfahan.[2]

Cathetan suku[besut | besut sumber]

  1. ^ a b (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 135]
  2. ^ a b c d e f g h i j k l m (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 136]
Sumber artikel punika saking kaca situs web: "https://jv.wikipedia.org/w/index.php?title=Ibnu_Sina&oldid=1001691"