White Watson

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
White Watson

siluet dhiri
Lair 10 April 1760
Sheffield
Pati 8 Agustus 1835
Bakewell
Kabangsan Cithakan:BRI
Tiyang sepuh Samuel lan Martha White

White Watson (lair ing Sheffield, 10 April 1760 – tilar donya ing Bakewell, 8 Agustus 1835 kanthi umur75 taun) inggih menika ahli geologi lan pemahat Inggris, tukang watu ugi pematung, agen lan tukang damel marmer sarta watu hias. Kanthi umum kados kathahing tiyang ingkang sinau saking pengalaman, White Watson prigel wonten ing bidang seni lan ilmiah. Dados panyerat, penyair, wartawan, guru, ahli botani lan ahli kebon sarta ahli geologi ugi watuan mineral. White Watson tansah nyathet lan damel skètsa wonten ing buku padintenanipun babagan panalitèn geologi, fosil lan mineral, flora lan fauna, sarta nerbitaken sapérangan alit ananging wigati manéka seratan ilmiah babagan geologi lan katalogipun. Minangka seniman piyambakipun kondhang ing lingkungan mriku kanggé karya siluet, saé mawi kertas ugi mawi lapisan marmer.

Pagesangan 1760-1800[sunting | sunting sumber]

White Watson wiyos wonten in Whitely Wood Hall, Whiteley Woods,[1] celak Sheffield nalika tanggal 10 April 1760. Bapakipun, Samuel Watson menika tukang damel watu panggiling saking Baslow, Derbyshire. Ibunipun, Martha White (menika dados nama ngajeng White). Simbah buyut Watson, Samuel Watson lan simbahipun ingkang ugi namanipun Samuel Watson sampun ngukir lan dados tukang watu ing pambangunan malih Chatsworth House antawisipun taun 1687 dumugi taun 1706. Nglajengaken tradisi kulawarga, taun-taun salajengipun White Watson ugi nyambut damel wonten ing Chatsworth Estate.

Tugelan geologi Derbyshire dipundamel saking tugelan watu ingkang dipundamel déning White Watson. Samenika wonten ing Museum Derby.

Nalika tasih alit, White Watson remen kalihan watuan mineral lan fosil lajeng wiwit ngoleksi sarta ngempalaken conto-conto kanggé dipunsadé marang pak-cilik ipun, Henry Watson ingkang dados tukang damel marmer ing Bakewell lan Ashford-in-the-Water saking wiwitan taun 1750-an. Kejawi menika piyambakipun ingkang mbangun lan ingkang gadhah pamolesan marmer mawi tenaga toya ing Ashford-in-the-Water.[2] Henry Watson gadhah kawigatèn marang wiwitan sesadéan florit Blue John lan Marmer Ireng Ashford, ugi nyameptakaken jogan (lantai) ireng lan putih ingkang saé kuwalitasipun kanggé Great Hall ing Chatsworth House taun 1779.[2] Nalika nilaraken Sekolah Sheffield nalika umur 14 taun, White Watson manggèn kalihan pak-cilikipun sarta magang marang pal-cilikipun wiwit 31 Mei 1774. Miturut katalogipun ingkang samenika kasimpen wonten ing Perpustakaan Sheffield, piyambakipun wiwit ngoleksi fosil lan watuan marmer ing taun ingkang sami. Ing taun 1782 piyambakipun promosi minangka pemahat lan pematung sarta mbiyantu pak-cilikipun usaha.

Karya ingkang slamet[sunting | sunting sumber]

White Watson dipuntedahaken ing Museum Derby mawi Kode QR supados para rawuh saged maos artikel Wikipedia babagan piyambakipun.

Karyanipun kapisah-pisah lan dipunsadé nalika White Watson séda. Ananging conto marmer lan watuan kapur kagunganipun slamet ing makam kulawarga Foljambe ing Gereja Bakewell, satunggaling plakat ing Kapel St. George, Windsor kangge George III saking taun 1789 lan sapérangan 'tablet' geologi ingkang kantun. Karya 'tablet'ipun "Tugelan Gunung ingDerbyshire" lan "Tugelan Strata lengkung anèh ing Ecton Hill" samenika wonten ing Museum Derby. Kejawi menika ugi wonten sanèsipun. [3]

'Tablet' sanès ingkang tasih kapanggihaken kalebet salinan ingkang sejaman kados ing Muséum Derby, wonten ing Muséum Sejarah Alam, London Muséum Universitas Oxford, Chatsworth House, Muséum Manchester, lan Muséum Leicester. Katalog manuskrip Watson babagan Kolèksi Mineral Chatsworth tasih kasimpen ing Chatsworth House sareng kalihan kathah conto ingkang dipunkempalaken kanggé kolèksi. Sanajan pirang-pirang taun boten keurus, kolèksinipun piyambak kalebet conto-conto kagunganipun White Watson kathahipun dipunrestorasi ing Chartsworth House bibar langkung saking 10 taun restorasi ingkang èwet sanget déning Yayasan Russell.Katalog Karakter Eksternal saking Fosil, dening White Watson F.L.S. Bakewell, Derbyshire. 1798 (A Catalogue of the External Characters of Fossils) kapanggihaken nalika proses restorasi. Ugi kasimpen wonten ing Chatsworth House. Cathetan padintenanipun saking taun 1780-1831 wonten ing Koleksi Bagshawe ing Perpustakaan Kutha Sheffield, sareng kalihan katalog fosilipun.

Cathetan suku[sunting | sunting sumber]

  1. ^ (en) Ford, Trevor D., 'White Watson's Tablets', Geology Today 14:1 (1998), 21-25
  2. ^ a b (en) Cooper, Michael P. (30 April 2005). "The Devonshire Mineral Collection of Chatsworth House". Mineralogical Record. http://www.blnz.com/news/2008/04/23/DEVONSHIRE_MINERAL_COLLECTION_Chatsworth_House_8972.html.
  3. ^ (en) Newsletter of the Geological Curators Club, Vol 1, No. 8, 1976.

Referensi sanes :

  • (en) The Derbyshire Archaeological Journal, 1889
  • (en) Ford, Trevor D. 'White Watson and his Geological Sections', Proceedings of the Geologist's Association, vol 71 part 4, 1960. Paper received by the Association 09.05.1958
  • (en) Ford, Trevor D. 'White Watson: Pioneer Derbyshire Geologist', Bulletin of the Peak District Mines Historical Society, Vol.1 No.7 (October 1962), pp. 27–37.


Pranala njawi[sunting | sunting sumber]

Logo Wikimedia Commons
Pirsani galeri bab White Watson ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=White_Watson&oldid=843436"