William Hunt Painter

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
William Hunt Painter

Catatan Painter
Lair 16 Juli 1835
Aston
Tilar donya 12 Oktober 1910 (umur 75)
Shrewsbury
Kabangsan Inggris
Employer Geréja Inggris
Dikawruhi amarga Flora Derbyshire
Garwa Jane

William Hunt Painter (lair ing Aston, Inggris, 16 Juli 1835 – tilar donya ing Shrewsbury, Inggris, 12 Oktober 1910 kanthi umur75 taun) inggih menika satunggaling botanis ingkang maringi kontribusi ingkang kathah marang ngèlmu kawruh taneman vaskular Derbyshire. Piyambakipun menika kolektor ingkang gadhah kathah manéka conto taneman lan anggota Botanical Exchange Club.[1] Nalika taun 1889 William Hunt Painter ngandharaken cathetanipun babagan flora Derbyshire.

Pagesangan[sunting | sunting sumber]

William Hunt Painter wiyos wonten ing Aston celak kalihan Birmingham nalika tanggal 16 Juli 1835. William Hunt Painter menika putra ingkang mbajeng saking gangsal sedhèrèk laré William, satunggaling penyadé barang kelontong lan garwanipun Sarah lairan Hawkes. Karir wiwitanipun wonten ing perbankan sadèrèngipun gabung marang Geréja Inggris.[2] Taun 1861 piyambakipun manggèn wonten ing Chelsea, ing mriku piyambakipun dados asistèn pengkotbah.[3] Painter mlebet ing Islington Missionary College lan gadhah kekajengan supados dipunkirim dhateng luar negeri dening Yayasan Misi Gereja ananging kapungkasan dados kurator ing Barbon ing Westmoreland. Ing mriku William Hunt Painter kepanggih kalihan Robert Woo ingkang mulang babagan ngèlmu botani (taneman).

Taun 1865, Painter dados kukator ing High Wycombe. Ing mriku piyambakipun kepanggih kalihan James Britten ingkang sampun ngandharaken seratan ilmiah ingkang kaping setunggal lan nyambut damel wonten ing herbarium Kebun Botani Kew. Sanajan Britten ndhèrèk agami Katolik ananging saged mlampah lan ngrembag sesarengan babagan remenipun marang ngèlmu wit-witan. [1] Painter krama kalihan Jane Stamps pada 1871.[4] Nalika taun 1881 William Hunt Painter lan garwanipun manggen wonten ing Bedminster, Somerset mawi pakaryan dados kurator.[5]

Gereja St James ing Stirchley déning James Holmes Smith k. 1850

Painter nggarap kathah pérangan ingkang migunani kanggé taneman saking Derbyshire. Lajeng ngandharaken karya seratan ilmiah ingkang dawa taun 1881 kanthi cathetan tambahan ing taun 1889. Kalih seratanipun dados dhasar Kontribusi marang Flora Derbyshire,[6] ingkang dipunrembag déning ahli tuwuhan lumut James Eustace Bagnall[7]. Painter ngandharake cathetan awit saking pakaryanipun ing The Naturalist minangka pratandha bilih piyambakipun pengen ngembangaken. Bagnall ingkang dipunmangertosi ahli wonten ing lumut godhong ugi ngandharaken karya ingkang sami kalihan karya Painter ing Flora of Warwickshire. Ing taun 1891, Painter dados kuratos ing Biddulph, Staffordshire. Lajeng ing taun 1894 piyambakipun dipuntunjuk dados Rèktor Stirchley ing Shropshire. Rektorat dipundamel modern saking duginipun William Hunt Painter, ananging kapemimpinan ing mriku dipunéling kanggé mirara menapa ingkang sampun piyambakipun garap kanggé geréja lan bangunan.[8]

Nalika mapan wonten ing Falmouth nalika mangsa 1898, Painter nyinau babagan lumut godhong. Saking menika dados pusat kawigatosanipun kalihan ngèlmu botani. Kanthi ngawontenaken lelampahan lan mindhahaken spesimèn (kados tuwuhan) piyambakipun saged nyerat karya ilmiah babagan lumut godhong saking Derbyshire, Brecon, Falmouth lan Cardiganshire. Painter netep wonten ing Stirchley dumugi taun 1909, nalika conto botanikal lan geologikal dipunpresentasèkaken ing Universitas Aberystwyth sadèrèngipun pensiun saking Shrewsbury. Painter tilar donya ing taun salajengipun lan dipunmakamaken wonten ing geréjanipun ing Stirchley.

Cathetan suku[sunting | sunting sumber]

  1. ^ a b (en) "William Hunt Painter". Herbaria@Home. http://herbariaunited.org/wiki/William_Hunt_Painter.
  2. ^ 1851 census, (Registration district: Birmingham, St Mary’s)
  3. ^ 1861 census, (Registration district: Chelsea NE district, 4)
  4. ^ (en) Members of the Moss Exchange Club, Mark Lawley, Royal Botanical Gardens, Edinburgh
  5. ^ 1881 census, Bedminster, Somerset
  6. ^ (en) William Hunt Painter, A Contribution to the Flora of Derbyshire, being an account of the flowering plants, ferns, and characeae found in the county, London: Bell, 1889
  7. ^ (en) Review, J.E. Bagnall, Journal of Botany, 1899, 318
  8. ^ (en) A History of the Rectory of St. James'