Joseph Whittaker (botanis)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Joseph Whittaker
Lair 1813
Breadsall
Tilar donya 1894
Papan dunung Ferriby House, Morley
Kabangsan Inggris
Pendhidhikan perawat
Pagawéyan guru sekolah, perawat
Dikawruhi amarga Taneman Australia, Taneman Derbyshire
Agama Gereja Inggris
Garwa Mary

Joseph Whittaker (1813–1894) inggih menika ahli botani Inggris ingkang sowan dhateng Australia taun 1839. Whittaker mbeta 300 taneman saking lelampahan kanggé Kebon Botani Kew[1] lan 2.200 taneman Inggris ingkang dipungaringaken ing Muséum lan Galeri Seni Derby.[2]

Biografi[sunting | sunting sumber]

Masa enèm[sunting | sunting sumber]

Tanggal wiyosipun Whittaker boten dipunmangertosi. Joseph Whittaker dipunbaptis ing Quarndon celak Derby tanggal 8 [[Februari[[ 1813. Bapakipun ingkang ugi gadhah nama Joseph menika buruh, krama kalihan Sarah.[3] Ugi naté dipuncariyosaken wiyos ing kutha Breadsall tahun 1815 [4]

Ahli botani Australia[sunting | sunting sumber]

Adelaide taun 1839 nalika Whittaker dados tukang taman

Nalika taun 1838 Whittaker nyebat pakaryanipun minangka "tukang keboun" nalika piyambakipun nglayar kalihan majikan énggal Letnan Kolonel George Gawler ingkang lajeng dipuntunjuk dados Gubernur Australia Kidul ingkang kaping 2. Whittake kalihan 7 karyawan sanèsipun saking Derbyshire, Gawler lan garwa ugi laré-larénipun dugi ing Pestonjee Bomanjee tanggal 12 Oktober 1838 ing Adelaide. Tiyang-tiyang kasebut lelampahan sekawan wulan ngliwati Tenerife lan Rio de Janeiro.[5] Nalika Whittaker lan Gawler dugi lajeng rumaos bilih kawontenanipun sansaya boten sae, saengga ing kebon boten dados tujuan ingkang utami.[6]

Cos Fishing Station ing Encounter Bay taun 1838 bibar William Light

Joseph Whittaker dipunmangertosi saking tuwuhan ingkang piyambakipun kolèksi ing sekitar Adelaide, Australia Kidul taun 1839-1840. Nalika Joseph Whittaker nembe cuti, piyambakipun tindak dhateng kathah papan wonten ing Australia Kidul lajeng ngempalaken manéka jinis conto taneman. Kalebet Gunung Lofty Ranges, Gunung Jagged, Lèpèn Torrens, Lèpèn Murray lan Lèpèn Hindamarsh. Whittaker dados tiyang kapisan ingkang remen ngempalaken saking distrik pagunungan Peninsula Fleurieu, Teluk Encounter lan Gunung Barker.[7] Whittaker mapan wonten ing Australia Kidul 19 wulan sadèrèngipun kondur mawi kapal Katherine Stuart Forbes ingkang kesah saking Pelabuhan Adelaide tanggal 11 April 1840. Ing lelampahan kasebut kapalipun mampir kaping sekawan wonten ing Pulo Kanguru, Mauritius, St Helena, lan Pulo Corvo ing Azores. Whittaker ngoleksi lan ngawetaken sapérangan conto taneman nalika kapalipun mampir ing pelabuhan-pelabuhan kasebut.[8]

Ahli Botani Derbyshire[sunting | sunting sumber]

Orchis morio (Anggrek mawi kelopak ijo). Satunggaling koleksi Whittaker ing herbarium Museum Derby

Whittaker dumugi ing Inggris tanggal 23 September 1940 lan saking taun 1844 wiwit ngempalaken taneman malih. Piyambakipun ngolèksi ing kathah papan ing Derbyshire, ananging kadangkala lelampahan dhateng njawi dhaérah kados Bulwell, Nottinghamshire, Rhyl, lan Denbigh ing Wales.[9] Ing taun 1846 Joseph Whittaker mapan wonten ing Breadsall, Derbyshire lan dados guru ing Sekolah Breadsall Boys[10]. Saking mriku Joseph Whittaker serat-seratan kalihan Sir William J. Hooker Direktur Kebon Botani Kew kanthi ancas ijolan koleksinipun saking Australia kalihan sapérangan buku ngelmu botani Inggris. Whittaker kagungan kirang langkung 300 kolèksi taneman ingkang dipunparingaken Kebon Botani Kew.[1] Koleksi Whittaker saking njawi Inggris samenika wonten ing Kebon Botani Kew. Whittaker gadhah koleksi drosera ingkang dipunparingi nama kados namanipun piyambak Drosera whittakeri.

Ing wulan Februari 1847 Whittaker dados anggota Botanical Society of London lan piyambakipun nyumbangaken conto taneman minangka persembahan antawisipun taun 1849 dumugi 1853. Joseph Whittaker lajeng gabung marang Botanical Exchange Club lan pungkasan marang Botanical Locality Record Club. Taun 1847 Joseph Whittaker sampun ngempalaken informasi ingkang sampun kathah saéngga nerbitaken “dhaptar taneman langka ingkang dipunpanggihaken wonten ing lingkungan Breadsall, Derbyshire”.[11] Kanthi isi gabungan jinis taneman langka lan nedahaken informasi ingkang jangkep babagan keanékaragaman hayati ing dhaérah kasebut ing masa menika. Taun 1857 Joseph Whittaker dados guru saking 90 laré-laré ing Breadsall, Derbyshire satunggaling désa ing antawisipun pendudukipun kalebet naturalis Rev. Henry Harpur Crewe lan Francis Darwin. Sekolahipun dipunbéayani déning kulawarga Harpur-Crewe.[12]

Cathetan suku[sunting | sunting sumber]

  1. ^ a b (en) "Whittaker, Joseph (1815 - 1894)". Australian National Herbarium. http://www.anbg.gov.au/biography/whittaker-joseph.html.
  2. ^ (en) Kraehenbuehl, DN; Moyes, N (1999). "Joseph Whittaker: early English botanical visitor to South Australia". S. Austral. Nat. 73. (3-4): 44-60 (1999) - illus., col. illus. En Icones. Geog=1 Personalia (WHITTAKER_Joseph_(1813-1894)) (KR, 200003613). 73 (3-4): 44–60. http://kbd.kew.org/kbd/detailedresult.do?id=337651.
  3. ^ (en) Quarndon Baptism Register 1813-80 D4038/1/2 in Kraehenbuehl and Moyes
  4. ^ [1]
  5. ^ (en) "The Pestonjee Bomanjee 1838", Saturday October 13, 1838. 
  6. ^ (en) R. Hetherington, Gawler, George (1795 - 1869), Australian Dictionary of Biography, Online Edition, Copyright 2006, updated continuously, ISSN 1833-7538, published by Australian National University
  7. ^ (en) Kraehenbuehl, D.N. (1986). History of botany in South Australia 1800-1955. Jessop J.P. and Toelken H.R. pp. 33–39.
  8. ^ (en) Hawker, J C (1899). Early Experiences in South Australia, Adelaide,.
  9. ^ Contoh herbarium di Muséum dan Galeri Seni Derby
  10. ^ (en) Derby Mercury 11/6/1856 reported ten years service
  11. ^ (en) Whittaker, J. (1847). "A list of rare plants found in the neighbourhood of Breadsall, Derbyshire". The Phytologist II:: 901–903.
  12. ^ (en) White's 1857 Directory of Derbyshire. 1857. pp. 179–180. Archived from the original on 2011-07-16. http://web.archive.org/web/20110716143343/http://www.n.f.wilson.btinternet.co.uk/pdf/172-200.pdf.

Cithakan:Muséum Derby