Ronald Pope

Saka Wikipédia Jawa, bauwarna mardika basa Jawa
Satunggaling wukiran sakingkapel Derby Royal Infirmary. Tembung Oikoumene punika istilah ingkang ateges "bumi ingkang dipuntilari". Pahatan punika sapunika wonten ing Museum lan Gladri Kagunan Derby

Ronald Pope (1920 – 1997[1]) inggih punika satunggaling seniman lan ugi pematung saking Inggris.

Biografi[besut | besut sumber]

Ronald Pope wiyos miturut prakiraan ing taun 1920 lan bibar sekolah Ronald Pope pindhah dhateng Derbyshire kanggé nyambut damel minangka insinyur. Ronald Pope wiwit nyambut damel wonten ing pabrik Rolls Royce wonten ing Derby (perusahaan mawi gunggung karyawan paling ageng ing kutha mau kala punika). Ronald Pope nyambut damel wonten ing Rolls-Royce kanthi dangu nalika peperangan minangka ingkang damel piranti,[2] ingkang pundi mesin-mesin kadamel kanggé motor mabur (pesawat) Spitfire. Ronald Pope ngangsu kawruh lan pikantuk pengalaman ing pérangan tèhnik las lan penyepuhan ingkang salajengipun Ronald Pope ngembangaken kanggé tujuan kagunan. Bibar rampung perang pindhah dhateng London kanggé nyinau patung wonten ing Slade School of Fine Art kaliyan Prof. F. McWilliam. Ronald Pope nglajengaken sinau babagan keramik bibar punika ing Politeknik Woolwich kaliyan ahli keramik Heber Matthews.[1] Ronald Pope manggèn lan ugi nyambut damel minangka seniman ing Melbourne, Derbyshire, ing mriku Ronald Pope pikantuk kathah inspirasi seninipun.[1]

Karya kagunan[besut | besut sumber]

Ronald Pope ngginakaken manéka jinis bahan kanggé karya seninipun kados ta kayu, watu lan logam. Sapérangan saking karya logamipun (ugi wonten sapérangan ingkang saking kayu) katingal prasaja. Nanging punika amargi wujud abstrakipun.[1] Kajawi karya-karya patungipun, Ronald Pope ugi damel lukisan. Minangka seniman, Ronald Pope ugi damel lukisan. Minangka seniman, Ronald Pope nampi komisi saking gréja-gréja lan saking otoritas lokal kados Hertford, papan ingkang piyambakipun damel "Gangsal Biskop" ("Five Bishops") ingkang lajeng dipunsebat Castle Hall[3] kanggé ngrayakaken 13 abad sinode kapisan Hertford.

Papan karya Ronald Pope sanèsipun kalebet Universitas Derby, Katedral Derby, lan panugasan sanèsipun ingkang dipunarampungaken kanggé Sekolah Moor Derby (Derby Moor Community Sports College/Derby Moor School), Sekolah kanggé penyandang tunarungu Derby (Derby School for the Deaf), Curzon Primary lan Normanton Junior ing Derby, SMA Abingdon (Abingdon High School) ing Wigston,[4] para arsitèk, perusahaan swasta, lan saben tiyang kalebet arsitèk Sir Basil Spence.[1] Nalika taun 2008 Museum lan Gladri Kagunan Derby ngawontenaken pameran kanggé karya-karyanipun kanthi irah-irahan "Ronald Pope-Karya patung saking koleksi Musiyum" ("Ronald Pope-Sculpture from the Museums' Collection").[5]

Cathetan suku[besut | besut sumber]

  1. ↑ a b c d e "Life and Work". ronaldpope.com. Diarsip saka sing asli ing 2012-03-23. Dibukak ing 2013-03-21.
  2. ↑ Burrows, Wayne (2011). "Ronald Pope: Sculptor". Metro.co.uk.
  3. ↑ "Hertford images and attractions – Part 3: 'Five Bishops' sculpture on Castle Hall". hatfield-herts.co.uk. 2011.
  4. ↑ "Opening of Abington Secondary School, Wigston Magna". Leicestershire Villages.com.
  5. ↑ "Exhibitions archive 4". Derby City Council: Museums and gallerie. Diarsip saka sing asli ing 2011-10-21. Dibukak ing 2013-03-21.
Dijupuk saka "https://jv.wikipedia.org/w/index.php?title=Ronald_Pope&oldid=1648865"