Marmer Ireng Ashford

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Lukisan Ecton Hill ngginakaken Marmer Ireng Ashford
Gambaran Matlock Bath dipunwukir mawi Marmer Ireng Ashford déning Ann Rayner

Marmer Ireng Ashford (Ashford Black Marble) inggih menika nama ingkang dipuncaosaken kanggé watu kapur ireng, dipunkedhuk saking tambang celak kalihan Ashford-in-the-Water, ing Derbyshire, Inggris. Bibar dipuntugel, dipunwalik lan dipunpolès, piranti kasebut katingal mengkilat lan saé kanggé dekorasi. Marmer Ireng Ashford menika watuan sedimen ingkang alus lan sanès kados marmer ing teges geologis. Watu menika saged dipuntugel lan dipunlapisi kalihan wewatuan lan minereal dekoratif sanèsipun kanthi ngginakaken tèknik pietra dura. Muséum Derby gadhah diagram Ecton Hill ingkang kadamel saking Marmer Ireng Ashford lan wewatuan mineral sanèsipun.[1]

Sajarah[sunting | sunting sumber]

Dékorasi ngginakaken bahan mineral lokal werna ireng sampun kepanggihaken wiwit zaman prasejarah. Dipuncathet kapisan déning Bess saking Hardwick taun 1580.[2] Henry Watson lek saking ahli geologi Derbyshire White Watson dipunwastani minangka salah satunggal tuladha kunci pangembangan industri lokal gegayutan kalihan Marmer Ireng Ashford ing taun 1750-an.[3] Piyambakipun gadhah pabrik mawi tenaga kincir toya ing Ashford-in-the-Water

Hiasan permukaan meja

Wonten usaha dagang ingkang mekar saking pedamelan guci, obelisk lan barang dékoratif sanèsipun saking Marmer Ireng Ashford nalika pungkasan abad kaping 18 lan wiwitan abad kaping 19. John Mawe gadhah muséum ing Matlock Bath ingkang gegayutan kalihan marmer ireng lan wukiran marmer ireng ngginakaken permata karya Ann Rayner wonten ing muséum sanès ing celakipun. Kathah tuladha wukiran lan mawi tahta marmer ireng medal ing kolèksi-kolèksi lokal, kalebet ingkang wonten ing Muséum Derby, Muséum Buxton,[4] dan Chatsworth House. Nalika taun 2009 bongkahan Marmer Ireng Ashford ingkang ageng lan tasih wetah dipunangkat saking pengedhukan wisma Seven Stars ing Derby. Rencananipun badhé dipunlelang amargi saking langkanipun marmer ireng Ashford.[5]

Geologi[sunting | sunting sumber]

Sanajan dipunnamani marmer, ananging watu menika sejatosipun saking watuan sedimen. Peteng, alus, watu kapur mawi karbon ingkang wonten lendhutipun, kathah bitumen ingkang ngasilaken werni abu-abu peteng lan éwah dados ireng lan mengkilat menawi dipunpoles. Sumber utami watuan menika saking Tambang Arrock lajeng ing taun 1832 kapanggihaken wonten ing celakipun Perkebunan Rookery,[2] dekat Ashford-in-the-Water.

Teknik manufaktur[sunting | sunting sumber]

Dipunpanggihaken fosil Marmer Ireng dening William Martin ingkang miturut prakiraan kalebet jinising boyo (buaya)[6]

Watu kapur saged dipunéwahi mawi mesin bubut kanggé damel guci, pang lilin, lan barang-barang sanèsipun ingkang sami. Utawi dipungraji kanggé ngasilaken barang ingkang alus, rata kados obelisk lan pemberat kertas. Muséum lan Galeri Seni Derby gadhah kolèksi barang-barang utawi calon barang saking Marmer Ireng Ashford, pikantuk saking bengkel kagunganipun kulawarga Tomlinson. Kalebet ing mriku tugelan ingkang dipunsiapaken minangka lapisan dhasar saking marmer ireng. Tugelan kasebut awujud kembang mawi kelopak gangsal (forget-me-not genus myosotis) lan kembang bakung gunung (Convallaria majalis) ingkang paling kathah wonten. Watu-watu werni dipunlapisaken ing marmer ireng kalebet watuan mineral werni abu-abu, biru lan ungu ingkang kapanggihaken saking Monyash, "rosewood" saking Nettler Dale ing Sheldon ingkang ngandhut lapisan abang lan putih, watuan barit ngasilaken manéka variasi sanèsipun [2] lan watuan florit Blue John sakingCastleton ngasilaken werna ungu lan kuning saking Crich,[7] déné watuan "Birds-Eye" gadhahi desain saking fosil ingkang dipunkandhut. Watuan mineral ingkang langka kawéntar minangka "Duke's Red" dipunsimpen wonten ing Chatsworth House.[2].


Cathetan suku[sunting | sunting sumber]

  1. ^ (en) Newsletter of the Geological Curators Club, Vol 1, No. 8, 1976.
  2. ^ a b c d Bygone Industries of the Peak:Ashford Black Marble,
  3. ^ (en) Cooper, Michael P. (30 April 2005). "The Devonshire Mineral Collection of Chatsworth House". Mineralogical Record. http://www.blnz.com/news/2008/04/23/DEVONSHIRE_MINERAL_COLLECTION_Chatsworth_House_8972.html.
  4. ^ (en) Tomlinson Collection
  5. ^ (en) Black marble to go under auction hammer
  6. ^ (en) Martin, William (1809). Petrificata Derbiensia p33-34. http://books.google.co.uk/books?id=5EIAAAAAQAAJ&ots=5020cBeiDI&dq=petrificata%20derbiensia&pg=PR81#v=onepage&q&f=false. "p39 Fig 4....A fossil shell. The original a nautilus ....The crocodile said to be found in the limestone of Ashford, appears to be just a large specimen of this or some other Orthoceratite"
  7. ^ (en) Ashford Black Marble,

Pranala njawi[sunting | sunting sumber]

Logo Wikimedia Commons
Pirsani galeri bab Marmer Ireng Ashford ing Wikimedia Commons.