William Martin (naturalis)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
William Martin
Lair 1767
Mansfield
Tilar donya 31 Mei 1810 (yuswa 42–43)
Macclesfield
Pagawéyan guru
Dikawruhi amarga paleontolog ingkang kapisan ngandharaken karya panalitèn fosil ing Inggris[1]
Anak William Charles Linnaeus Martin lan 5 sanesipun.

William Martin (1767 – 31 Mei 1810) inggih menika satunggaling naturalis lan palaeontolog ingkang paring pamanggih bilih ilmu pengetahuan kedah ngginakaken fosil minangka bukti kanggé ndukung panalitèn sejarah alam.[2] Martin ngandharaken gambar-gambar fosil kapisan lan ngèlmu kawruh babagan fosil wonten ing Basa Inggris.

Biografi[sunting | sunting sumber]

Martin wiyos wonten ing Mansfield nalika taun 1767. Bapakipun nyambut damel wonten ing usaha busana njero, ananging piyambakipun nilaraken lan dados aktor ing Irlandia mawi pertunjukan kanthi nama Joseph Booth. Bapakipun ugi panemu lan pelukis potret ingkang séda wonten ing London taun 1797.[1] Ibu Martin ingkang dipunsiya-siya kanthi nama Mallatratt, ugi satunggaling.[3]

Erismolithus – satunggaling gambar mawi werna saking publikasinipun taun 1809 Petrificata derbiensia[4]

Nalika tasih alit William Martin medal ing panggung, minangka penari kanthi umur 5 taun. Lajeng piyambakipun minangka pamaos deklamasi. William Martin sinau nggambar ngginakaken mistar gambar kalihanJames Bolton ing Halifax. Saking taun 1782 dumugi 1785 piyambakipun sareng kalihan rombongan drama Derbyshire nalika piyambakipun kepanggih White Watson wonten ing mriku lajeng nyambut damel sesarengan anggènipun nggarap fosil Derbyshire.[1] Pakaryanipun kalihan fosil lan sejarah alam lajeng ngrahaken kanggé dipunangkat dados anggota Linnaean Society. Kados déné Watson, Martin dipunpengaruhi déning karya geolog Derbyshire, John Whitehurst. Whitehurst ngandharaken An Inquiry into the Original State and Formation of the Earth taun 1778 ingkang gadhah dhaptar isi wigati babagan General Observations on the Strata in Derbyshire.[2] Ananging menika Abraham Mills FRS ingkang paring pengaruh marang William Martin saking ngèlmu kewan zoologi (zoology) marang paleontologi ing sawijining wekdal sadèrèngipun taun 1789.[1] Martin ngandharaken Figures and Descriptions of Petrifications collected in Derbyshire tahun 1793.[5]

Satunggaling ilustrasi Martin – Rugosa. Menika ilustrasi werna kapisan kanggé fosil Inggris.[1]

Martin makarya kalihan White Watson kangge publikasi sesarengan,[6] ananging makarya sareng menika boten kelampahan kanthi saé nalika Watson ngaturaken bilih piyambakipun boten pikantuk penghargaan ingkang cekap. Martin lajeng ngandharaken sapérangan karyanipun Watson babagan fosil namung ngginakaken namanipun tanpa maringi penghargaan marang Watson.[7] Martin pikantuk enem laré kalihan garwanipun ingkang medal ing panggung sadèrèngipun krama kaping kalih kalihan Martin taun 1797.[3] Taun 1798 larénipun William Charles Linnaeus Martin wiyos lan dipunparingi nama Linnaeus kanggé mengeti remenipun Martin marang pérangan klasifikasi makhluk gesang. Larénipun nyerat kathah buku babagan sejarah alam bibar dados pekerja ilmiah ing Zoological Society.[8] Martin nyambut damel minangka guru penulis, resminipun nyambut damel Burton-on-Trent taun 1798, lajeng ing Buxton. Pungkasan ing taun 1805 piyambakipun pindhah dhateng Macclesfield papan piyambakipun mulang ing Sekolah Bahasa Macclesfield.[1] Remenipun Martin marang alam boten ical lan piyambakipun ngirim artefak dhateng James Sowerby ingkang lajeng damel ilustrasi kanggé Martin.[1]

Tilaran[sunting | sunting sumber]

Pakaryan William Martin babagan brakiopoda pikantuk penghargaan taun 1844 nalika genus Martinia dipunparingi nama saking namanipun Martin. Pitung taun salajengipun piyambakipun dipunèling nalika koral fosil Derbyshire Lithostrotion martini dipunparingi nama.[1]

Cathetan suku[sunting | sunting sumber]