George Harpur Crewe

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Katingal saking ngajeng Calke Abbey
George Harpur Crewe
Lair 1 Februari 1795
Tilar donya 1 Januari 1844
Calke Abbey, Derbyshire
Pendhidhikan Sekolah Rugby
Pagawéyan Anggota parlemen
Garwa Jane Whitaker
Anak John Harpur Crewe lan 5 sedhèrèkipun
Wong tuwa Sir Henry Harpur lan Ann Hawkins

Sir George Harpur Crewe, Baronet kaping 8 (lair 1 Februari 1795 – tilar donya ing Derbyshire, 1 Januari 1844 kanthi umur48 taun) menika satunggaling politisi Tory ingkang makili dhaérah pamilihan Derbyshire Kidul.

Biografi[sunting | sunting sumber]

Harpur Crewe inggih menika laré paling sepuh ingkang gesang saking Sir Henry Harpur, Baronet kaping 7 lan garwanipun Ann Hawkins, laré èstri Isaac Hawkins. Bapakipun mendhet nama lan lambang Crewe saking panduan tandha kerajaan ing taun 1808. Harpur Crewe dipunwulang wonten ing Sekolah Rugby. Piyambakipun nggantos bapakipun ingkang tilar donya amargi dhawah saking kotak pelatih [1] nalika tanggal 7 Februari 1818, kanthi yuswa 24 taun lan marisi gelar Baronet, papanipun kulawarga Calke Abbey lan properti sanèsipun wonten ing Derbyshire, Staffordshire, lan Leicestershire.[2]

Harpur Crewe ugi dados Sheriff Tinggi Derbyshire taun 1821 lan salah satunggal tumindakipun menika damel kanthi sesarengan kalihan Assize Ball publikasi serat "ingkang nedahaken kados pundi bengis lan boten gadhah raos melas saben tiyang ingkang namung bungah-bungah ing hiburan kadonyan, nalika kathah sanget tiyang mlarat ingkang rumaos ajrih ing dalu wanci sidang, ugi ing sumur gesangipun " (showing how cruel and heartless it appeared that any person should be found engaged in worldly mirth and amusement on so solemn an occasion, when so many poor creatures were trembling on the eve of their trial, perhaps for their lives.)[3] Bibar pinten-pinten taun nggatosaken kawontenan lingkungan, piyambakipun majeng kanggé dados Anggota Parlemen kanthi makili Derbyshire Kidul ing taun 1835 lan ugi majeng malih ing taun 1837. Kasarasanipun tansah boten saé lan piyambakipun pènsiun ing taun 1841.

Harpur Crewe menika tiyang ingkang gadhah sipat remen wèh-wèh marang tiyang sanès (dermawan) lan gadhah prinsip keKristenan ingkang kuwat. Kejawi menika piyambakipun dipunanggep ngatos-atos sanget anggènipun dados anggota Parlemen.[4] Kulawarga Harpur Crewe menika kolektor ageng déné Sir George menika ngolèksi lukisan, manuk, lan kéwan awètan sanèsipun. [5] Harpur Crewe dados Ketua saking Derby Town and County Museum and Natural History Society nalika taun 1836. Organisasi menika lajeng dados Museum lan Galeri Seni Derby.[6] Harpur Crewe krama ing taun 1819 kalihan Jane Whitaker, inggih menika putri saking Rev. Thomas Whitaker, Vikaris Mendham, Nortfolk. Lajeng tiyang kalih kasebut pikantuk laré kanthi cacah enem lan dipungantosaken déning putranipun inggih menika Sir John Harpur Crewe, Baronet ingkang kaping 9.

Cathetan suku[sunting | sunting sumber]

  1. ^ (en) Maurice Weaver He's a lumberjack and he's OK now, Daily Telegraph Friday 7 May 1999
  2. ^ (en) Annual Register 1845
  3. ^ Gentleman's Magazine 1844
  4. ^ Gentleman's Magazine 1844
  5. ^ The Birmingham Post (England), August 14, 2004
  6. ^ (en) Newsletter of the Geological Curators Club, Vol 1, No. 8, 1976.

Pranala njawi[sunting | sunting sumber]