Alfred E. Goodey

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Alfred Edward Goodey

Goodey sekitar 1936
Lair 1878
Derby
Tilar donya 1945
Derby
Kabangsan Inggris
Pendhidhikan Sekolah Seni Derby
Dikawruhi amarga Dermawan lan kolèktor seni
Wong tuwa William Henry lan Rhoda

Alfred Edward Goodey (1878-1945) inggih menika satunggaling kolèktor lukisan, cithakan lan foto mliginipun ingkang wonten gegayutanipun kalihan dhaérah kutha Midlands Derby.

Biografi[sunting | sunting sumber]

Tiyang sepuhipun Alfred Edward Goodey menika William Henry Goodey lan Rhoda Strutt. Alfred Edward Goodey wiyos wonten ing Derby nalika taun 1878.[1] Alfred Edward Goodey dipundhidhik wonten ing griya lan ugi wonten ing Sekolah Whitworth saderengipun mlebet Sekolah Seni Derby.[2] Alfred Edward Goodey wiwit ngoleksi maneka lukisan cat minyak, lukisan cat toya, cithakan lan foto ing taun 1886. Piyambakipun madosi dumugi ing Amerika kanggé sedaya ingkang wonten gegayutanipun kalihan Derby. Alfred Edward Goodey ugi nyuwun dhateng seniman supados nglukis sesawangan kontèmporèr Derby. Piyambakipun menika rumaos kuwatir bilih ing sawijining dinten dhaérah kasebut risak lan éwah awit saking menika piyambakipun kedah ngrekam samubarangipun. [2]

Alfred John Keene: Kapel St Mary's celak kreteg ing Lépén Derwent nalika wanci dalu

Goodey ketarik kalihan samubarang kalebet sejarah babagan alam lan mlampah-mlampah wonten ing Derbyshire. Piyambakipun menika aktor amatir karya Shakespeare ingkang madegaken kempalan lokal lan ugi ngatur drama "The Loft" kanggé gladhèn ing papan ingkang celak kalihan griyanipun wonten ing Lambourne Road. Piyambakipun menika dipungambaraken minangka tiyang jaler kutha mawi kathok komperang mawi janggut lan jenggot ingkang asring medal wonten ing pub ingkang favorit ing Sadler Gate lajeng jagongan babagan prastawa padintenan. Ananging remenipun marang seni ingkang mbeta piyambakipun dados ketua Derby Sketching Club lan gadhah mripat ingkang awas dhumateng lukisan ingkang ndadosaken piyambakipun kecathetan wonten ing sajarah Derby saéngga piyambakipun dados kondhang.[2]

Alfred Edward Goodey menika damel cathetan ingkang luar biasa babagan Derby ingkang ngrekam abad kaping 19 lan ugi wiwitan abad kaping 20. Nalika ing taun 1936 Alfred Edward Goodey maringaken langkung saking 500 lukisan dhateng Muséum lan Galeri Seni Derby.[3] Alfred Edward Goodey tilar donya wonten ing taun 1945 lan museum menika boten namung dados papan kanggé kolèksi Alfred Edward Goodey ananging ugi dados papan kanggé kolèksi lukisan paling ageng karyanipun Joseph Wright. Koleksi Alfred Edward Goodey menika kalebet lukisan karya Alfred John Keene, anggota kulawarga Keene ing Derby ingkang kalebet bapakipun lan ugi fotografer Richard Keene ingkang nerbitaken Derby Telegraph, sarta sedhèrèkipun William Caxton Keene. Tiga saking lukisan ingkang dipunparingaken dhateng Museum lan Galeri Seni Derby déning Alfred Edward Goodey menika karya saking seniman Ernest Ellis Clark. Ingkang sanèsipun menika karya C.T. Moore. Gambar-gambar koleksinipun sampun dipunterbitaken déning Dewan Kota Derby wonten ing buku 'Goodey's Derby'.[2]

Cathetan suku[sunting | sunting sumber]

  1. ^ (en) "Alfred Goodey". GRO Birth index. http://www.goodey.me.uk/goodey/p9.htm#i1418. - Goodey family tree
  2. ^ a b c d (en) Allard, Sarah; Nicola Rippon (2003). Goodey's Derby. Breedon Books. pp. 1. ISBN 1 85983 379 9.
  3. ^ (en) "Derbyshire artists". Derbyshire UK. http://www.derbyshireuk.net/derbyshire_artists3.html.

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Alfred_E._Goodey&oldid=843220"