John Farey

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
John Farey, Sr.

Siluet John Farey ing Muséum lan Galeri Seni Derby karya réncangipun White Watson kalihan Kode QR ingkang mbeta marang artikel menika
Lair John Farey
1766
Woburn, Bedfordshire
Tilar donya 6 Januari 1826
London
Papan dunung London
Pagawéyan Geolog, ahli matematika
Garwa Sophia Hubert
Anak John Farey, Jr. lan 8 sanesipun (2 seda nalika tasih bayi)

John Farey, Sr. (1766 – 6 Januari 1826) inggih menika satunggaling geolog lan panyerat. Ananging John Farey langkung kawéntar kalihan dèrèt wilangan Farey ingkang dipunsebat saking namanipun.

Biografi[sunting | sunting sumber]

John Farey wiyos wonten ing Woburn, Bedfordshire lan pikantuk ing Halifax, Yorkshire, nedahaken remenipun marang matematika, nglukis lan ngawontenaken panalitèn ing sangandhaping bimbingan saking John Smeaton (1724-1792). Bibar ngrampungaken pendidikanipun lajeng pindhah dhateng London, papan piyambakipun gadhah kulawarga lan lajeng nyambut damel ing London. Kala menika piyambakipun kepanggih kalihan calon garwanipun lan mantèn kalihan Sophia Hubert (1770-1830). Nalika wonten ing London lajeng pikantuk anak kapisan John Farey, Jr. lajeng pikantuk 8 lare malih, kalih ing antawisipun séda nalika tasih bayi.

Woburn lan London[sunting | sunting sumber]

Taun 1792 John Farey dipuntunjuk dados agen saking Francis Rusell, Adipati kaping 5 Bedford kanggé griya-griya wonten ing Woburn. Bibar sédanipun adipati, Farey pindhah dhateng London ing taun 1802. Bibar mikiraken kanggé pindhah piyambakipun mendhet peternakan wonten ing desa. John Farey mapan wonten ing ngriku lajeng dados konsultan panaliti lan geolog. Piyambakipun saged mendhet langkah kasebut amargi hubunganipun kalihan William Smith ingkang nalika taun 1801 sampun dipunpakaryakaken déning adipati Bedford ing pakaryan irigasi lan ingkang wonten gegayutanipun kalihan toya sanèsipun. Ing taun 1805 piyambakipun nggantos Arthur Young minangka Sekretaris Smithfield Club. Pakaryan panalitènipun mbeta piyambakipun muteri negeri lan kathah kasuwun déning para ingkang gadhah lahan supados ningkataken asil guna lahan ugi propertinipun utawi ngedhuk mineral ingkang wonten ing jeronipun. Pakaryan wonten ing geologi ekonomi dados perangan ingkang wigati ing Revolusi Industri kanthi pikantuk papan sumber batubara lan maneka bijih logam.

Panyerat[sunting | sunting sumber]

Farey menika satunggaling panyerat ingkang produktif lan Profesor Hugh Torrens sampun nelusur kirang langkung 270 makalah damelanipun John Farey. Gunggung ingkang wonten ingCatalogue of Scientific Papers saking Royal Society menika ping sekawan. Piyambakipun nyerat kathah pérangan wiwit saking hortikultura, geologi, meteorologi, metrologi, desimalisasi mata uang, musik lan matematika dumugi paham anti perang. Piyambakipun menika kontributor wigati Ensiklopedia Rees kanthi artikel-artikel babagan kanal, mineraloi, panalitèn lan sapérangan dhasar ilmiah ugi matematis babagan swara. Manéka sumber biografi abad kaping 19, kalebet Kamus Biografi Nasional ingkang kedadosan salah pengakuan ing artikel babagan Uap ing ensiklopedia Rees. Sejatosipun menika dipunserat déning larenipun John Farey, Junior. Taun 1809 Farey kepanggih William Martin ingkang damel publikasi karya babagan fosil Derbyshire, kangge ngetes menapa saged damel peta geologi Derbyshire kanthi sesarengan.

Karya Farey ingkang paling kondhang menika Pandangan Umum Tetanèn lan Pertambangan Derbyshire (General View of the Agriculture and Minerals of Derbyshire) (3 jilid taun 1811-1817) kanggé Dewan Pertanian. Wonten ing jilid kapisan (1811) piyambakipun paring informasi bageyan nginggil lapisan geologi Britania lan ugi ngandharaken kandhutan Karbon lan lapisan sanesipun saking Derbyshire. Wonten ing karya umumipun ingkang dipublikasikan ing Philosophical Magazine, vol. 51, 1818, hal. 173, ing 'pernyataan Klaim Geologi Smith', piyambakipun nyerat kangge narik kawigatosan wigatinipun penemuan William Smith.

Dèrèt wilangan Farey[sunting | sunting sumber]

Kejawi dipunéling déning para ahli saarah geologi, namanipun ugi kathah dipuntepangi kalihan dèrèt wilangan Farey ingkang piyambakipun serat minangka wujud remenipun marang matematika swara.[1]

Cathetan suku[sunting | sunting sumber]

  1. ^ Philosophical Magazine, vol. 47, 1816, hal 385-6
Sumber artikel punika saking kaca situs web: "http://jv.wikipedia.org/w/index.php?title=John_Farey&oldid=843314"