Samuel Rayner

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Samuel Rayner
SamuelRayner1865cdvs.jpg
Lair 15 April 1806
Séda 1879
Warga nagara Bendera_Britania Raya Britania Raya
Bidang pelukis

Samuel Rayner (15 April 1806 - 1879) inggih menika satunggaling seniman pelukis sesawangan Inggris ingkang kondhang saking lukisan bangunan, interior kalebet biara-biara, geréja-geréja lan gedung-gedung tua.[1] Samuel Rayner pikantuk kapitayan kanthi dipuntampi kanggé pamèran wonten ing Royal Academy nalika piyambakipun tasih umur 15 taun. Garwanipun Ann Rayner menika satunggaling pemahat ing Marmer Ireng Ashford lan enem larénipun dados seniman ingkang profèsional

Biografi[sunting | sunting sumber]

Samuel Rayner wiyos taun 1806 wonten ing Colnbrook, Buckinghamshire (samenika Berkshire). Lajeng kularganipun pindhah dhateng Marylebone ing London lajeng piyambakipun dipungladhi dening simbah kakungipun. Nalika piyambakipun umur 15 taun, Samuel Rayner dipungladhi minangka tukang gambar déning kolèktor barang kuno John Britton nalika lukisanipun Malmesbury Abbey dipuntampi déning Royal Academy.[2] Setunggal kanca mahasiswanipun paring pengaruh marang seni inggih menika George Cattermole.[2]

Matlock Bath tahun 1832

Samuel Rayner menika cikal bakal kulawarga pelukis. Taun 1823 Samuel Rayner tindak kesah kaliyan Anne Manser ingkang sekawan taun langkung sepuh saking piyambakipun lan sampun kawéntar minangka seniman. Tiyang kalih kasebut krama ing taun 1824 lan laré kapisan wiyos wonten ing London ananging lajeng séda. Enem saking laré-larénipun lajeng dados pelukis. Griya Rayner menika muséum ing Matlock Bath papan nalika taun 1830-an Louise, William Henry lan Rhoda (Rose) wiyos. Pahatan Arthur Jewitt nggambarkan griya Rayner ing Matlock Back taun 1832. Wonten kalih jalur lawang mlebet tumuju ing muséum ing gambar kasebut. Muséum ing sisih tengen menika Muséum John Mave, déné ingkang kiwa menika Vallance's Royal Centre Museum.[3] Vallance lan Rayner menika kekancan. Wonten sesawangan Matlock Bath ingkang dipunwukir déning Ann Rayner ingkang ugi nedahaken griyanipun lan samenika dados Muséum Buxton. Wukiran ingkang dipundamel déning garwa Samuel menika ngginakaken permata ing Marmer Ireng Ashford ingkang pikantuk saking tambang ing mriku.

Lukisan Rayner taun 1839 Pamèran Derby ngginakaken kawontenan taun-taun wiwitan koleksi Museum lan Galeri Seni Derby. Wonten ing lukisan kasebut kalebet lukisan Joseph Wright Romeo lan Juliet: Adegan Makam ingkang wonten ing sisih kiwa tembok wingking.[4]

Louise Rayner inggih menika salah satunggal laré Samuel lan Ann ingkang kondhang. Piyambakipun sedhèrèk kalihan Ann ("Nancy"), Margaret, Rose, Frances, lan Richard. Nancy Rayner dipunpengaruhi ugi kalihan gaya Octavius Oakley lan ingkang kapisan dipunmangertosi minangka seniman ingkang bènten ananging piyambakipun tilar donya amargi dhaharan nalika umur 28 taun.[2] Samuel dipunangkat dados kanca kerja ing Society of Painters in Water Colours nalika taun 1845 ananging dipunwedalaken saking yayasan amargi masalah arta. Sapérangan karyanipun saged dipunpirsani wonten ing Museum lan Galeri Seni Derby.[4]

Cathetan suku[sunting | sunting sumber]

  1. ^ (en) Wikisource:Samuel Rayner
  2. ^ a b c (en) Simon Fenwick, ‘Rayner, Samuel (1806–1879)’, Oxford Dictionary of National Biography, Oxford University Press, 2004 [1]
  3. ^ (en) Samuel Rayner di website "Dudley Mall"
  4. ^ a b c (en) Allard, Sarah; Nicola Rippon (2003). Goodey's Derby. Breedon Books. pp. 157. ISBN 1 85983 379 9.

Pranala njawi[sunting | sunting sumber]

Logo Wikimedia Commons
Pirsani galeri bab Samuel Rayner ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Samuel_Rayner&oldid=843399"